پیاز اور لہسن کیوں کھایا؟ معمولی اختلاف پر 22 سالہ شادی ٹوٹ گئی
اشاعت کی تاریخ: 9th, December 2025 GMT
بھارت میں احمد آباد کے ایک جوڑے کی 11 سالہ شادی پیاز اور لہسن کے استعمال پر ہونے والے معمولی جھگڑے کے باعث طلاق پر ختم ہوگئی۔
تفصیلات کے مطابق جوڑا 2002 میں رشتہ ازدواج سے منسلک ہوا تھا۔ شادی کے ابتدائی برسوں میں غذائی عادات کے فرق سے کوئی مسئلہ درپیش نہ آیا۔ بیوی جو سوامی نارائن فرقے کی پیروکار ہے مذہبی عقیدے کے تحت پیاز اور لہسن کے استعمال سے مکمل پرہیز کرتی تھی جبکہ شوہر اور ساس ان اجزاء کو روزمرہ کے کھانوں میں استعمال کرتے رہے۔
یہ بھی پڑھیں: باپ نے جس بیٹی کو نہر میں ڈبویا، 68 دن بعد زندہ گھر پہنچ گئی
وقت کے ساتھ ساتھ یہ غذائی اختلاف گھریلو تنازع میں بدل گیا اور علیحدہ کھانا پکانے کا معمول قائم ہوگیا۔ گھریلو ماحول میں بڑھتی کشیدگی کے باعث بیوی اپنے بچے کے ساتھ میکے منتقل ہوگئی۔ 2013 میں شوہر نے فیملی کورٹ میں مؤقف اختیار کیا کہ بیوی کا طرزِ عمل ’ظلم‘ کے مترادف ہے اور اس نے گھر کو بلا وجہ چھوڑ دیا لہٰذا طلاق دی جائے۔
2024 میں فیملی کورٹ نے شوہر کی درخواست منظور کرتے ہوئے طلاق کا حکم جاری کیا اور ساتھ ہی شوہر پر بیوی کو خرچہ ادا کرنے کی ذمہ داری عائد کی۔
یہ بھی پڑھیں: بھارتی شوہر دوسری شادی کی کوشش کر رہا ہے، پاکستانی خاتون کی نریندر مودی سے مداخلت کی اپیل
فیصلے کے خلاف بیوی نے گجرات ہائی کورٹ سے رجوع کیا۔ سماعت کے دوران بیوی کے وکیل نے موقف اختیار کیا کہ شوہر نے غذائی ترجیحات کے معاملے کو بلا وجہ بڑھا چڑھا کر پیش کیا جبکہ شوہر نے عدالت کو بتایا کہ پیاز اور لہسن کے استعمال کا مسئلہ مستقل جھگڑے کا سبب بنا رہا۔ اس نے یہ بھی کہا کہ وہ اور اس کی والدہ بیوی کے لیے بغیر پیاز و لہسن کے کھانے بنا کر بھی دیتے تھے مگر تنازع برقرار رہا۔
دورانِ سماعت بیوی نے آخرکار طلاق پر آمادگی ظاہر کر دی جس کے بعد شوہر نے بقایا خرچہ اقساط میں جمع کرانے کی یقین دہانی کرائی۔ باہمی رضامندی سامنے آنے پر ہائی کورٹ نے بیوی کی درخواست خارج کرتے ہوئے فیملی کورٹ کا فیصلہ برقرار رکھا۔
یوں غذائی ترجیحات پر شروع ہونے والا اختلاف ایک دہائی پر مشتمل ازدواجی تعلق کے خاتمے پر ختم ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت طلاق.ذریعہ: WE News
کلیدی لفظ: بھارت طلاق لہسن کے شوہر نے
پڑھیں:
قبول ہے سے سات پھیرے تک؛ سارہ خان کی کرش پاٹھک سے دوسری شادی، تصاویر وائرل
بھارتی ٹی وی انڈسٹری کی مقبول اداکارہ سارہ خان نے کرش پاٹھک سے دوسری شادی کرلی جس کی تصاویر سوشل میڈیا پر تیزی سے وائرل ہو رہی ہیں۔
بھارتی میڈیا کے مطابق اکتوبر میں دونوں کی کورٹ میرج ہوئی تھی جس کے بعد دسمبر میں باقاعدہ شادی کی تقریبات منعقد کی گئیں اور اس موقع پر خوبصورت تصاویر لی گئیں۔
نوبیاہتا جوڑے نے اپنی دلکش شادی کی تصاویر سوشل میڈیا پر شیئر کیں۔ سارہ اور کرش نے شادی کی تقریبات میں ہندو رسومات کے ساتھ نکاح کی تقریب بھی رکھی۔
نوبیاہتا جوڑے نے ہندو رسومات کے لیے سرخ روایتی ملبوسات کا انتخاب کیا جبکہ نکاح کی تقریب میں سفید چمکدار لباس نے ان کی جوڑی کو نہایت خوبصورت انداز بخشا۔
View this post on Instagramجوڑے نے تصاویر کے ساتھ اپنے جذبات کا اظہار کرتے ہوئے لکھا کہ قبول ہے سے سات پھیرے تک، ہماری محبت نے خود اپنی کہانی لکھی اور دونوں جہانوں نے ہاں کہہ دی۔
سارہ خان نے شادی کے بعد ریسپشن کی تصاویر بھی جاری کیں جن میں وہ اپنے قریبی دوستوں کے ساتھ خوشگوار موڈ میں نظر آ رہی ہیں۔
واضح رہے کہ سارہ خان کی یہ دوسری شادی ہے۔ اس سے قبل وہ اداکار علی مرچنٹ کے ساتھ رشتہ ازدواج میں منسلک تھیں، تاہم ایک سال بعد ہی دونوں کے درمیان میں طلاق ہو گئی تھی۔
ملک میں تیز رفتار انٹرنیٹ کیلیے 13 ارب روپے کے منصوبے منظور