ریاض سے دوحہ کا سفر 2 گھنٹے میں، سعودیہ اور قطر کے درمیان ہائی اسپیڈ ریل لنک کے معاہدے پر دستخط
اشاعت کی تاریخ: 8th, December 2025 GMT
سعودی عرب اور قطر نے خلیج کی دونوں ریاستوں کے درمیان اپنا پہلا ہائی اسپیڈ ریلوے منصوبہ قائم کرنے کے لیے معاہدے پر دستخط کیے ہیں۔
یہ اقدام سعودی قطری رابطہ کونسل کے فریم ورک کے تحت ریاض میں ہونے والی ملاقات کے دوران ہوا۔
مزید پڑھیں: سعودی عرب اور قطر شام کے سرکاری ملازمین کی مالی معاونت کریں گے، سعودی وزیر خارجہ
ریاض کے قصر یمامہ میں سعودی ولی عہد شہزادہ محمد بن سلمان اور امیر قطر شیخ تمیم بن حمد آل ثانی نے رابطہ کونسل کے آٹھویں اجلاس کی مشترکہ صدارت کی، جس کے بعد سعودی وزیر ٹرانسپورٹ و لاجسٹک سروسز انجینیئر صالح الجاسر اور قطری وزیر مواصلات شیخ محمد بن عبداللہ آل ثانی نے ہائی اسپیڈ ریل منصوبے پر دستخط کیے۔
اس منصوبے کے تحت ریاض کے کنگ سلمان انٹرنیشنل ایئرپورٹ کو دوحہ کے حمد انٹرنیشنل ایئرپورٹ سے جوڑا جائے گا، جس سے دونوں دارالحکومتوں کے درمیان سفر کا دورانیہ صرف 2 گھنٹے رہ جائے گا۔
مشترکہ بیان میں کہا گیا ہے کہ ریل منصوبہ 6 سال میں مکمل ہونے کی توقع ہے اور اس سے مجموعی طور پر 30 ہزار روزگار کے مواقع پیدا ہوں گے۔
اس منصوبے کے مکمل ہونے پر سالانہ ایک کروڑ سے زیادہ مسافر اس سہولت سے مستفید ہوں گے۔
رپورٹ کے مطابق یہ منصوبہ دونوں ملکوں کے درمیان گہرے اور مضبوط برادرانہ تعلقات کی عکاسی کرتا ہے۔
ہائی اسپیڈ ریلوے کا ٹریک 785 کلومیٹر طویل ہوگا، جو ریاض سے شروع ہو کر الھفوف اور دمام سے گزرتے ہوئے دوحہ کے حمد انٹرنیشنل ایئرپورٹ تک جائے گا۔
ریل کی رفتار 300 کلومیٹر فی گھنٹہ ہوگی، جس سے ریاض اور دوحہ کے درمیان سفر صرف 2 گھنٹے میں ممکن ہو سکے گا۔
مزید پڑھیں: سعودی عرب اور قطر نے شام کے ذمہ قرض ورلڈ بینک کو ادا کردیا
ماہرین کے مطابق یہ ریل منصوبہ دوطرفہ تجارت، سیاحت اور مسافر ٹرانسپورٹیشن میں خاطر خواہ اضافہ کرے گا۔
توقع ہے کہ منصوبے کی تکمیل سے دونوں ممالک کی مجموعی جی ڈی پی میں 115 ارب ریال کا اضافہ ہوگا۔ منصوبے میں جدید ترین ٹیکنالوجی استعمال کی جائے گی، جس سے نہ صرف حفاظت کو یقینی بنایا جائے گا بلکہ کاربن کے اخراج میں بھی کمی آئے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews دستخط ریلوے معاہدہ سعودی عرب شہزادہ محمد بن سلمان قطر ہائی اسپیڈ ریلوے لنک وی نیوز.
ذریعہ
ذریعہ: WE News
کلیدی لفظ: ریلوے معاہدہ ہائی اسپیڈ ریلوے لنک وی نیوز کے درمیان اور قطر جائے گا
پڑھیں:
آزاد کشمیر الیکشن، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق
مظفر آباد(ڈیلی پاکستان آن لائن)آزاد کشمیر قانون اسمبلی کے انتخابات کے حوالے سے بڑی سیاسی پیشرفت سامنے آئی ہے، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق ہو گیا۔
صدر استحکام پاکستان پارٹی آزاد کشمیر سردار تنویر الیاس اور مسلم کانفرنس کے صدر سردارعتیق کی ملاقات میں اہم پیشرفت سامنے آئی ہے۔ آزاد کشمیر کے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کےبعد بھی مشترکہ حکمت عملی کےتحت آگےبڑھنے پر اتفاق کیا ہے۔ طے پایا کہ دونوں جماعتوں کی مشترکہ رابطہ کمیٹی امیدواروں کی حمایت کا حتمی اعلان جلدکرے گی۔
لومئیربرادرز اپنی ایجاد پر بہت مسرور تھے، وہ جہاں بھی اپنا سینما لے کر جاتے لوگ ششدر رہ جاتے ، وہ یہ کھیل تماشہ لے کر ہندوستان بھی آئے تھے
دونوں قائدین نے مسلح افواج اوراداروں کی مسئلہ کشمیر اجاگر کرنے کی کوششوں کی تعریف کی۔ ملاقات میں آئی پی پی کی جانب سے سردار امتیاز،سردارافتخار رشید اور سردارمنظور ایڈووکیٹ موجود تھے۔ سردارمحمود خان، سردار شجاع منگول، شبدیزصابر سمیت دیگر آئی پی پی رہنما بھی شریک ہوئے۔ جبکہ مسلم کانفرنس کے سردارعثمان عتیق،ڈاکٹرعرفان اشرف،سردارعفان عتیق،راجاعبدالجبار اور دیگر نے شرکت کی۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار