سارک کا احیا: پاکستان نے ایران اور چین کو منصوبے کا حصہ بنانے کی تجویز پیش کردی
اشاعت کی تاریخ: 8th, December 2025 GMT
صدر مملکت آصف علی زرداری اور وزیراعظم محمد شہباز شریف نے کہا ہے کہ پاکستان، جنوبی ایشیائی ممالک کے ساتھ مل کر تجارت، ٹرانزٹ، توانائی روابط اور عوامی روابط کے فروغ کے لیے تیار ہے۔
صدر آصف علی زرداری اور وزیراعظم محمد شہباز شریف نے سارک چارٹر ڈے کے موقع پر اپنے الگ الگ پیغامات میں جنوبی ایشیائی خطے کے لیے پاکستان کے عزم اور تعاون کی پالیسی کا اعادہ کیا ہے۔
یہ بھی پڑھیے پاکستان اور چین کا سارک کی جگہ نیا علاقائی اتحاد بنانے پر غور، بھارتی شمولیت کا امکان کم
انہوں نے کہا کہ پاکستان، جنوبی ایشیائی ممالک کے ساتھ مل کر تجارت، ٹرانزٹ، توانائی روابط اور عوامی روابط کے فروغ کے لیے تیار ہے، تاکہ پورا خطہ اس کے ثمرات سے مستفید ہو سکے۔
صدر آصف علی زرداری کا پیغامصدر نے اپنے بیان میں کہا کہ خطے کی اہم ریاستیں جیسے ایران اور چین کو بھی سارک کے احیاء کے منصوبے کا حصہ بنایا جا سکتا ہے۔
انہوں نے کہا کہ ان ممالک کی شمولیت سے علاقائی رابطے، معاشی انضمام اور وسیع خطے میں استحکام کو مزید تقویت ملے گی۔
مزید پڑھیں: پاکستان اور بنگلہ دیش کے درمیان ’سارک‘ کے احیا پر تبادلہ خیال
صدر آصف علی زرداری نے تمام جنوبی ایشیائی ممالک پر زور دیا کہ وہ مستقبل کی طرف واضح سوچ اور خلوص کے ساتھ بڑھیں۔
وزیراعظم شہباز شریف کا پیغاموزیراعظم محمد شہباز شریف نے کہا کہ سارک چارٹر ڈے ہمیں اس خطے کے امن، ترقی اور خوشحالی کے مشترکہ خواب کی یاد دلاتا ہے۔
انہوں نے زور دیا کہ جنوبی ایشیا کو آج بھی غربت، موسمیاتی تبدیلی کے اثرات، غذائی و توانائی عدم تحفظ اور عوامی صحت کے مسائل جیسے چیلنجز کا سامنا ہے، جو سرحدوں سے ماورا ہیں اور جن سے نمٹنے کے لیے باہمی اعتماد، خیر سگالی اور تعاون پر مبنی مشترکہ حکمت عملی کی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصف علی زرداری ایران چین سارک محمد شہباز شریف.
ذریعہ
ذریعہ: WE News
کلیدی لفظ: ا صف علی زرداری ایران چین محمد شہباز شریف محمد شہباز شریف جنوبی ایشیائی علی زرداری نے کہا کے لیے کہا کہ
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار