حکومت سندھ جرائم کے خاتمے کے لیے مؤثر اقدامات کرے‘ کاشف شیخ
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی سندھ کے امیر کاشف سعید شیخ نے کہا ہے کہ سندھ میں بڑھتی ہوئی بدامنی اور اغوابرائے تاوان کی کارروائیوں اور بدترین مہنگائی نے عوام کا جینا دوبھر کردیا ہے، سندھ کے شہری علاقوں میں اسٹریٹ کرائم ،موٹرسائیکل اور نقدی وموبائل چھیننے کے واقعات میں مزاحمت کرنے پر نوجوانوں کو قتل کرنے ،معصوم بچوں کا گٹروں میں ڈوب کر جاںبحق ہونے کے بڑھتے ہوئے واقعات کی وجہ سے شہری شدید خوف وہراس اور عدم تحفظ کا شکار ہیں جبکہ سندھ کے دیہی علاقوں میں اغوابرائے تاوان کے بڑھتے ہوئے واقعات اور قبائلی تصادم میں سیکڑوں انسانی جانوں کے نقصان نے عوام کو پریشان اور غیرمحفوظ کردیا ہے خصوصاً ضلع کشمور اس وقت اغوابرائے تاوان کا مرکز بنا ہوا ہے وہاں سے عام لوگوں کے علاوہ معصوم بچے بھی اغوا کیے گئے ہیں ،ضلع کشمور میں بدامنی کے خلاف جماعت اسلامی کی جدوجہد قابل ستائش ہے مگر ضلعی انتظامیہ ٹس سے مس نہیں ہورہی ہے ،آئے روز بدامنی اور قبائلی تنازعات کی خبریں تشویش ناک ہیں۔انہوں نے ایک بیان میں مزید کہا کہ سندھ پر قابض حکمران ٹولہ امن امان کے قیام، عوام کو بنیادی انسانی سہولیات دینے کے بجائے تیل،گیس اور کوئلے سے مالا مال سندھ کے وسائل کی بندر بانٹ ،زمینوں کو کارپوریٹ فارمنگ کی نام پر نیلام اور سندھ کے قدیم اثاثے کارونجھر پہاڑ کی کٹائی کرکے کھرب پتی بن چکے ہیں مگر عوام 2قت کی روٹی علاج معالجے اور تعلیم سے بھی محروم کردیے گئے ہیں،وزیراعلیٰ سندھ عوام سے معافی مانگنے کے بجائے کارونجھر پہاڑ کو بیچنے پر مضر ہیں جو کہ ان کی بے شرمی کی انتہا ہے۔ انہوں نے مزید کہا کہ سندھ کے شہری علاقوں میں اسٹریٹ کرائم میں اضافہ ہوا ہے اور دیہی علاقوں میں اغوا برائے تاوان اور قبائلی فساد میں بھی اضافہ تشویش ناک ہے ، سوال یہ ہے کہ سندھ میں قیام امن کے لیے رینجرز، پولیس اور دیگر خفیہ اداروں کے باوجود بدامنی میں دن بدن اضافہ کیوں ہورہا ہے؟۔عوام کے جان ومال کا تحفظ سندھ حکومت کا اولین فرض ہے اور امن کے بغیر ترقی ناممکن ہے اس لیے قیام امن کے لیے خصوصی اور مؤثر اقدامات کیے جائیں اور عوام کے جان ومال کی تحفظ کو یقینی بنایا جائے۔
ذریعہ
ذریعہ: Jasarat News
کلیدی لفظ: علاقوں میں سندھ کے کہ سندھ
پڑھیں:
پٹرولیم قیمتوں کے روزانہ تعین پر سینیٹ میں توجہ دلاؤ نوٹس جمع
توجہ دلاؤ نوٹس میں جے یو آئی کے سینیٹر نے حکومت سے مجوزہ پالیسی کی وجوہات، اس کے نفاذ کے طریقہ کار اور صارفین کو قیمتوں میں غیر معمولی اتار چڑھاؤ سے تحفظ دینے کے لئے کئے جانے والے اقدامات کی تفصیلات طلب کی ہیں۔ اسلام ٹائمز۔ سینیٹر کامران مرتضیٰ نے پٹرولیم مصنوعات کی قیمتوں کے 15 روزہ نظام کے بجائے روزانہ تعین کے مجوزہ فیصلے پر سینیٹ میں توجہ دلاؤ نوٹس جمع کرا دیا۔ توجہ دلاؤ نوٹس میں وفاقی حکومت سے مجوزہ پالیسی پر وضاحت طلب کرتے ہوئے کہا گیا ہے کہ روزانہ قیمتوں کے تعین سے مہنگائی، ٹرانسپورٹ اخراجات اور اشیائے ضروریہ کی قیمتوں میں اضافے کا خدشہ ہے۔ نوٹس کے متن کے مطابق مجوزہ نظام کے کاروباری سرگرمیوں اور عوامی زندگی کے اخراجات پر ممکنہ اثرات سے متعلق بھی سوالات اٹھائے گئے ہیں۔
سینیٹر کامران مرتضیٰ نے حکومت سے مجوزہ پالیسی کی وجوہات، اس کے نفاذ کے طریقہ کار اور صارفین کو قیمتوں میں غیر معمولی اتار چڑھاؤ سے تحفظ دینے کے لئے کئے جانے والے اقدامات کی تفصیلات طلب کی ہیں۔ انہوں نے مطالبہ کیا کہ عوام کو ممکنہ منفی اثرات سے بچانے کے لیے اختیار کیے جانے والے حفاظتی اقدامات سے بھی سینیٹ کو آگاہ کیا جائے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی