100 دنوں میں کیا کیا ہوا؟ ڈکی بھائی نے خاموشی توڑ دی
اشاعت کی تاریخ: 8th, December 2025 GMT
معروف یوٹیوبر سعد الرحمٰن المعروف ڈکی بھائی نے 100 روز بعد خاموشی توڑ دی، گرفتاری کے بعد پیش آنے والے حالات سے مداحوں کو آگاہ کردیا۔
ڈکی بھائی نے 100 روزہ وقفے کے بعد یوٹیوب پر واپسی کرلی، حال ہی میں جاری کی گئی ویڈیو نے شائقین کی بڑی تعداد کو اپنی جانب متوجہ کیا، جو ان کی طویل غیرحاضری کے بعد کسی وضاحت کے منتظر تھے۔
رہائی کے بعد پہلی بار سوشل میڈیا پلیٹ فارم پر اپنے بیان میں ڈکی بھائی نے جوئے کی ایپس کیس میں گرفتاری کے بعد گزرے دشوار ترین دنوں کا کھل کر ذکر کیا اور کئی بار آبدیدہ ہوگئے۔
انہوں نے بتایا کہ گزشتہ چند ماہ میرے لیے انتہائی کٹھن ثابت ہوئے، جس میں قانونی پیچیدگیاں، عوامی ردِعمل اور شدید تنہائی جیسے چیلنجز شامل تھے۔
ڈکی بھائی کا کہنا تھا کہ حراست میں گزارا گیا وقت میری زندگی کا سب سے مشکل مرحلہ تھا، جہاں مجھے نیند کی کمی، شدید ذہنی دباؤ اور مستقبل کے خوف نے بے حد متاثر کیا۔
انہوں نے اعتراف کیا کہ اس دوران میری ذہنی اور جسمانی صحت بری طرح متاثر ہوئی، تاہم گھر واپسی نے مجھے نئی ہمت اور سکون عطا کیا ہے۔
ڈکی بھائی نے بتایا کہ این سی سی آئی اے نے میرا 23 روزہ ریمانڈ لیا، میں نے ان کو پہلے 23 منٹ میں سب بتادیا تھا، موبائل، لیپ ٹاپ اور تمام اکاؤنٹس کے پاسورڈ دے دیے تھے پھر بھی بری طرح تشدد کا نشانہ بنایا گیا، تعاون کے باوجود مجھ پر تشدد کیا گیا اور گالیاں دی گئیں۔
افواہوں پر بات کرتے ہوئے انہوں نے واضح کیا کہ سوشل میڈیا پر گردش کرنے والے کئی دعوے بے بنیاد تھے، خاموش رہنے کی وجہ ایک یہ بھی تھی کہ میں قانونی کارروائی کو متاثر نہیں کرنا چاہتا تھا، اس لیے مناسب وقت کا انتظار ضروری تھا، اب جبکہ قانونی مرحلہ مکمل ہو چکا ہے، تو میں نے اپنے مداحوں کو اصل صورتِ حال سے آگاہ کرنے کا فیصلہ کیا ہے۔
ڈکی بھائی نے اپنے چاہنے والوں کو یقین دلایا کہ میں دوبارہ کام کا آغاز کرنے کے لیے پُرجوش ہوں، مزید لگن اور توانائی کے ساتھ نیا مواد بنانے اور آئندہ منصوبوں پر کام کرنے کے لیے بھی تیار ہوں۔
.ذریعہ: Daily Mumtaz
کلیدی لفظ: ڈکی بھائی نے کے بعد
پڑھیں:
سمریتی مندھانا اور پالاش مچل کی منسوخ شدہ شادی، دونوں نے خاموشی توڑ دی
بھارتی ویمن کرکٹر سمریتی مندھانا اور موسیقار پالاش مچل کی منسوخ شدہ شادی کے بارے میں کئی دنوں سے گردش کرنے والی افواہوں کے بعد، دونوں نے بالآخر اپنی خاموشی توڑی ہے۔
سمریتی مندھانا نے انسٹاگرام اسٹوری کے ذریعے تصدیق کی کہ ان کی شادی منسوخ ہو چکی ہے۔ انہوں نے لکھا کہ وہ اپنی نجی زندگی کو انتہائی پرائیویٹ رکھتی ہیں اور صرف اتنا بتانا چاہتی ہیں کہ شادی اب نہیں ہوگی۔
سمریتی کے اعلان کے فوراً بعد پالاش مچل نے بھی انسٹاگرام پر ایک تفصیلی نوٹ شیئر کیا۔ انہوں نے خبردار کیا کہ سوشل میڈیا پر گردش کرنے والی بے بنیاد افواہیں اور بےوفائی کے الزامات بالکل درست نہیں ہیں۔ پالاش نے کہا کہ وہ اپنی زندگی میں آگے بڑھنے کا فیصلہ کر چکے ہیں، لیکن جھوٹے بیانات نے انہیں شدید تکلیف دی ہے۔
پالاش نے اس دور کو اپنی زندگی کا سب سے مشکل وقت قرار دیا اور کہا کہ وہ اسے وقار کے ساتھ سنبھالیں گے۔ انہوں نے مزید واضح کیا کہ جھوٹے اور الزام تراش مواد پھیلانے والوں کے خلاف قانونی کارروائی کی جائے گی۔
واضح رہے کہ دونوں کی شادی 23 نومبر 2025 کو سانگلی، مہاراشٹر میں طے تھی، مگر سمریتی کے والد کی طبیعت خراب ہونے اور بعد میں پالاش کی اسپتال منتقلی کے سبب دونوں نے میڈیا اور سوشل پلیٹ فارمز سے دور رہنا شروع کیا تھا۔
نوکنڈی سے سبی تک ریلوے ٹریک اپ گریڈ کرنے کا فیصلہ