امریکا کے ساتھ تعلقات استوار کر رہے ہیں، وزیر اعظم شہباز شریف
اشاعت کی تاریخ: 29th, July 2025 GMT
وزیراعظم محمدشہباز شریف نے کہا ہے کہ چین کے ساتھ سی پیک 2 کے لئے رابطے میں ہیں، امریکا کے ساتھ تعلقات کو استوار کر رہے ہیں۔
لاہور ریلوے اسٹیشن پر تقریب سے خطاب کرتے ہوئے وزیر اعظم نے کہا کہ امریکی صدر ڈونلڈ ٹرمپ نے کہا کہ پاک بھارت جنگ میں نے رکوائی ہے، پاکستان کی اس سے بڑی ڈپلومیٹک کامیابی اور کیا ہو سکتی ہے۔
انہوں نے کہا کہ پاک بھارت 4 روزہ جنگ انتہائی خطرناک تھی، تاہم پاکستان نے یہ جنگ جیتی، جس کی پوری دنیا معترف ہے، قوم کی دعائیں ہمارے ساتھ تھیں۔
شہباز شریف نے کہا کہ پاک فوج نے بہادری اور مہارت کے ساتھ بھارت کا مقابلہ کیا، ہماری فضائی افواج نے بھی شاندار انداز میں اپنی جرات دکھائی۔
وزیراعظم نے کہا کہ جنگ کے ایک ایک لمحے کا گواہ ہوں، بطور وزیراعظم افواجِ پاکستان کے ساتھ مشورہ اور فیلڈ مارشل کے ساتھ رابطے میں تھا۔
انہوں نے کہا کہ کچھ لوگوں کا خیال تھا کہ پاکستان، بھارت کا مقابلہ نہیں کر سکتا لیکن اِس جنگ کے بعد یہ سوچ ختم ہوگئی ہے۔
تقریب کے حوالے سے وزیر اعظم شہباز شریف کا کہنا تھا کہ لاہور ریلو ے اسٹیشن آمد پر خوشگوار حیرت ہوئی، یہاں آنے والے مسافروں کے لیے سہولیات بہتر بنائی گئی ہیں، ٹکٹ کا پرانا نظام ختم، ریلوے نظام کو ڈیجیٹائز کیا جا رہا ہے۔
انہوں نے کہا پاکستان بزنس ایکسپریس کو یورپی طرز پر بہتر بنایا گیا ہے، جس پر ریلوے کے اعلیٰ حکام داد کے مستحق ہیں۔
شہباز شریف کا کہنا تھا کہ پی ڈی ایم حکومت کے دوران خواجہ سعد رفیق نے بھی زبردست انداز میں ادارے کے نظام کو بہتر بنایا، انہوں نے قبضہ گروپس سے ریلوے کی زمینیں واگزار کروائیں۔
وزیراعظم نے کہا کہ پاکستان ریلوے کو تباہ کر دیا گیا تھا، وزیرِ ریلوے کو کہا تھا کہ چیزوں کو آؤٹ سورس کریں، ریلوے کا یہ کام نہیں کہ وہ زمینوں کے معاملات دیکھے۔
شہباز شریف نےکہا کہ ریلوے کا بنیادی کام عام مسافر کو سہولیات فراہم کرنا، ٹریک کو بہتر بنانا اور ٹکٹس کی حصولی میں لوگوں کی مشکلات کو دور کرنا ہے۔
انہوں نے کہا کہ ٹیم ورک کے نتیجے میں ہمیں معاشی میدان میں کامیابیاں مل رہی ہیں، مہنگائی کی شرح میں کمی واقع اور میکرو لیول کے اشاریوں میں حوصلہ افزا کامیابی ملی ہے۔
اس موقع پر وفاقی وزیر ریلوے حنیف عباسی نے کہا کہ پاکستان ریلوے کو ڈیجیٹلائز کر رہے ہیں، ریلوے میں ڈیبٹ اور کریڈٹ کارڈ کے ساتھ پوائنٹ آف سیل (پی او ایس) مشینوں کی سہولیات کی فراہمی شروع کر دی ہے۔
وزیرِ ریلوے نے کہا کہ محکمہ ریلوے کے معیار کو بہتر بنایا جا رہا ہے، محکمے کےاسکول،کالجز، ہسپتال اور ٹرینوں کوآؤٹ سورس کیا ہے، ریلوے اسٹیشنز پر صفائی کے نظام کے حوالے سے معاہدے بھی کر لیے ہیں۔
حنیف عباسی نے کہاکہ معذور افراد کے لیے اسٹیشنز پر سہولیات بہتر بنائی جارہی ہیں، کراچی تا روہڑی ٹریک کے حوالے سے معاہدے کے قریب پہنچ چکے ہیں۔
ذریعہ: Daily Mumtaz
کلیدی لفظ: شہباز شریف نے کہا کہ انہوں نے کے ساتھ تھا کہ
پڑھیں:
وزیر اعظم کا قمر زمان کائرہ سے ٹیلفونک رابطہ، خیریت دریافت کی
ویب ڈیسک: وزیرِ اعظم شہباز شریف نے پیپلز پارٹی کے سینئر رہنما قمر زمان کائرہ سے ٹیلفونک رابطہ کیا اور ان کی خیریت دریافت کی۔
وزیرِ اعظم شہباز شریف نے قمر زمان کائرہ کی مکمل صحت یابی کے لیے دعا کی اور نیک تمناؤں کا اظہار کیا، کہا کہ اللّٰہ پاک آپ کو تا دیر سلامت رکھے۔
شہباز شریف نے کہا کہ قمر زمان کائرہ محبِ وطن سیاستدان ہیں جن کی قومی خدمات قابلِ قدر ہیں، ملک اور قوم کو آپ کی مثبت سوچ، کرادر اور فہم و فراست کی اشد ضرورت ہے۔
اے سی شالیمار اور پیرافورس پرمسلح لینڈمافیاکاحملہ ؛ پولیس نے دو ملزم گرفتار کرلیے
وزیرِ اعظم کی جانب سے نیک تمناؤں کے اظہار پر قمر زمان کائرہ نے ان سے اظہارِ تشکر کیا۔
کے پی، سیاسی تبدیلی کے لیے اپوزیشن کی مشاورت