گوتم گمبھیر نے بھارت کی شکست کا غصہ پچ کیوریٹر پر نکال دیا
اشاعت کی تاریخ: 30th, July 2025 GMT
لندن:
بھارتی کرکٹ ٹیم کے ہیڈ کوچ گوتم گمبھیر کی بدتمیزی ایک بار پھر خبروں کی زینت بن گئی، اوول گراؤنڈ کے دورے کے دوران وہ میزبان پچ کیوریٹر لی فورٹس سے الجھ پڑے۔
واقعہ اس وقت پیش آیا جب سیریز کے پانچویں اور آخری ٹیسٹ سے قبل بھارتی کوچنگ اسٹاف نے گراؤنڈ کا معائنہ کیا۔ ابتدا میں گفت و شنید خوشگوار انداز میں جاری رہی، مگر جلد ہی گمبھیر کا لہجہ تلخ ہو گیا اور وہ بار بار کیوریٹر کی طرف انگلی اٹھا کر دھمکانے لگے۔
گمبھیر نے برہمی سے کہا "آپ ہمیں مت بتائیں کہ کیا کرنا ہے" جبکہ رپورٹس کے مطابق وہ آخری میچ سے دو روز قبل گراؤنڈ کی سہولیات سے ناخوش تھے۔
صورتحال کو خراب ہوتا دیکھ کر بھارتی بیٹنگ کوچ ستانشو کوٹک نے مداخلت کر کے معاملہ سلجھانے کی کوشش کی۔
اس دوران پچ کیوریٹر لی فورٹس نے گمبھیر کے رویے پر ناراضی کا اظہار کرتے ہوئے دھمکی دی کہ وہ ان کے خلاف باضابطہ رپورٹ کریں گے۔
جواب میں گمبھیر نے طنزیہ انداز میں کہا "جاؤ جسے چاہو شکایت کرو، ہمیں بتانے کی ضرورت نہیں کہ ہمیں کیا کرنا ہے۔"
بھارتی کوچ کا یہ رویہ ایک بار پھر ان کے غیر پیشہ ورانہ رویے اور کھیل کے اسپرٹ کے خلاف طرز عمل کو ظاہر کرتا ہے۔
یاد رہے کہ بھارت اور انگلینڈ کے درمیان پانچواں ٹیسٹ جمعرات سے اوول میں شروع ہوگا، انگلینڈ کو سیریز میں 1-2 سے برتری حاصل ہے، دونوں ٹیموں کے درمیان چوتھا ٹیسٹ میچ ڈرا ہوگیا تھا۔
.
ذریعہ: Express News
پڑھیں:
روایتی جنگ میں بھارت کو شکست، آج تک ہماری کامیابی کے تذکرے ہو رہے ہیں؛ وزیراعظم
ویب ڈیسک : وزیراعظم شہباز شریف نے کہا ہے کہ کامیابی سے بڑھ کر کچھ نہیں، پاکستان نے روایتی جنگ میں بھارت کو شکست دی، دنیا اس کامیابی پر دنگ رہ گئی اور آج تک ہماری کامیابی کے تذکرے ہو رہے ہیں۔
ان خیالات کا اظہار وزیراعظم شہباز شریف نے کابینہ اجلاس سے خطاب کے دوران کیا۔ وزیراعظم نے کہا کہ آرمی چیف فیلڈ مارشل عاصم منیر نے فرنٹ سے لیڈ کیا، ائیر فورس نےکمال کردیا اور پوری قوم متحد ہوگئی، ایک بہترین کارکردگی پر اللہ نے عزت بخشی۔
تبادلوں کے منتظر اساتذہ کے لئےاچھی خبر
شہباز شریف نےکہا کہ نائب وزیر اعظم اسحاق ڈار کا دورہ امریکا کامیاب رہا ، انہوں نے غزہ کے معاملے پر پاکستان کا مؤقف ساری دنیا کے سامنے رکھا۔ انہوں نے کہا کہ غزہ میں جو ظلم ہو رہا ہے وہ دیکھا نہیں جارہا، پاکستان غزہ کے مظلوموں کے لیے امداد بھجوا رہا ہے ، مسئلہ فلسطین پر پاکستان کا موقف واضح ہے ۔
وزیراعظم نے کہاکہ بجلی کی تقسیم کارکمپنیوں کے نقصانات میں کمی لائی گئی ہے، لاہور ریلوے اسٹیشن پر انقلابی تبدیلی دیکھ کر دلی خوشی ہوئی، ریلوے ٹکٹنگ کا نظام مکمل طور پر ڈیجیٹلائز کردیا گیا ہے۔ انہوں نے کہا کہ سب وزارتوں کو اپنی کارکردگی مزید بہتر بنانا ہوگی۔
صحت کے منصوبوں کی موثر نگرانی کیلئے مانیٹرنگ کا نیا نظام وضع
مکہ مکرمہ کا ’العمودی میوزیم‘ سیاحوں کے لیے کیوں پُرکشش مقام ثابت ہو رہا ہے؟