نو مئی مقدمات کا فیصلہ: عمر ایوب، زرتاج گل سمیت مرکزی قیادت کو 10 برس قید، فواد چوہدری بری
اشاعت کی تاریخ: 31st, July 2025 GMT
فیصل آباد کی انسداد دہشت گردی کی خصوصی عدالت نے 9 مئی 2023 کے پرتشدد واقعات سے متعلق تین اہم مقدمات کا فیصلہ سناتے ہوئے 196 ملزمان کو مختلف مدت کی سزائیں سنائیں، جبکہ 88 کو بری کر دیا۔ عدالت نے اپوزیشن لیڈر قومی اسمبلی عمر ایوب، سینیٹر شبلی فراز اور زرتاج گل سمیت پی ٹی آئی کی مرکزی قیادت کو 10 سال قید کی سزا سنائی، جبکہ فواد چوہدری کو مقدمے سے بری کر دیا گیا۔ یہ فیصلہ انسداد دہشت گردی کے جج جاوید اقبال نے سنایا۔اس مقدمے میں عدالت نے 108 ملزمان کو مجرم قرار دے کر سزا سنائی جبکہ 77 افراد کو بری کر دیا گیا۔ سزا پانے والوں میں پاکستان تحریک انصاف (پی ٹی آئی) کے 58 مرکزی رہنما شامل ہیں جنہیں 10، 10 سال قید کی سزا سنائی گئی۔ ان میں عمر ایوب، سینیٹر شبلی فراز، زرتاج گل، صاحبزادہ حامد رضا اور شیخ راشد شفیق شامل ہیں۔ جبکہ پی ٹی آئی کے رکن صوبائی اسمبلی جنید افضل ساہی کو تین سال قید کی سزا دی گئی۔ مقدمے میں فواد چوہدری، زین قریشی اور خیال احمد کاسترو اس مقدمے سے بری ہو گئے۔
عدالت نے اس مقدمے میں 28 ملزمان کو سزائیں سنائیں جبکہ چار کو بری کر دیا۔ سزا پانے والوں میں عمر ایوب، شبلی فراز، زرتاج گل اور کنول شوذب شامل ہیں، جبکہ رائے حسن نواز، فرح آغا، فرخندہ کوکب اور رائے حیدر کو بھی سزائیں دی گئیں۔ اس مقدمے میں زین قریشی، عبداللہ دمڑ، خیال احمد کاسترو اور ایک اور ملزم کو بری قرار دیا گیا۔
تیسرے مقدمے میں عدالت نے 60 ملزمان کو 10، 10 سال قید کی سزا سنائی، جبکہ سات افراد کو بری کیا۔ سزا پانے والوں میں شبلی فراز، عمر ایوب، کنول شوزب، رائے حسن نواز، شیخ راشد شفیق، اویس اکبر، طاہر جاوید، صابر علی، محمد محسن، علی رضا، مبشر علی، نعمان جمیل، سمیع اللہ، محمد شفیق اور شہزاد الیاس ساجد شامل ہیں۔
جبکہ بری ہونے والوں میں زین قریشی، فواد چوہدری، خیال احمد کاسترو، سکندر سلیم، شہزاد انور، محمد سعید اقبال اور میاں محمد ارشد شامل ہیں۔عدالتی فیصلے کے بعد تحریک انصاف کے کئی اہم رہنماؤں پر نااہلی کی تلوار لٹک گئی ہے اور وہ قانونی طور پر سیاست سے باہر ہو سکتے ہیں۔
یاد رہے کہ انسداد دہشت گردی عدالت فیصل آباد کے اس حالیہ فیصلے سے قبل بھی 9 مئی 2023 کے پُرتشدد واقعات پر مختلف عدالتوں کی جانب سے سخت سزائیں سنائی جا چکی ہیں۔ ان واقعات کا آغاز اُس وقت ہوا جب القادر ٹرسٹ کیس میں سابق وزیراعظم عمران خان کو اسلام آباد ہائی کورٹ کے احاطے سے گرفتار کیا گیا، جس کے بعد پاکستان تحریک انصاف (پی ٹی آئی) کی طرف سے ملک گیر احتجاج کا اعلان کیا گیا۔اس احتجاج کے دوران نہ صرف لاہور میں مسلم لیگ (ن) کے دفتر اور کور کمانڈر ہاؤس (جناح ہاؤس) کو نذر آتش کیا گیا بلکہ راولپنڈی میں جی ایچ کیو کے مرکزی گیٹ پر بھی دھاوا بولا گیا۔ ملک بھر میں سرکاری، فوجی اور نجی املاک کو نقصان پہنچایا گیا، جس میں کم از کم 8 افراد جاں بحق اور 290 زخمی ہوئے۔ احتجاجی مظاہروں میں ملوث افراد کے خلاف بڑے پیمانے پر گرفتاریاں عمل میں آئیں اور تقریباً 1900 افراد کو حراست میں لیا گیا، جن میں پی ٹی آئی کے مرکزی رہنما بھی شامل تھے۔ان ہی واقعات کے تناظر میں مختلف عدالتوں کی جانب سے سزاؤں کا سلسلہ جاری ہے۔ گزشتہ ہفتے 22 جولائی کو انسداد دہشت گردی عدالت سرگودھا نے میانوالی میں احتجاج کے مقدمے میں اپوزیشن لیڈر پنجاب اسمبلی ملک احمد بھچر سمیت پی ٹی آئی کے 32 رہنماؤں اور کارکنان کو 10، 10 سال قید کی سزائیں سنائیں.
اس سے قبل 21 دسمبر 2024 کو ایک فوجی عدالت نے 9 مئی کے سانحہ میں ملوث 25 افراد کو 10 سال تک قید کی سزائیں سنائیں، جب کہ 26 دسمبر 2024 کو مزید 60 افراد، جن میں عمران خان کے بھانجے حسان نیازی بھی شامل تھے، کو 10 سال تک قید بامشقت کی سزائیں دی گئیں۔
دریں اثنا، 2 جنوری 2025 کو پاک فوج کے کورٹس آف اپیل نے 9 مئی 2023 کے واقعات میں ملوث 19 مجرمان کی سزاؤں میں جزوی معافی کا اعلان بھی کیا تھا
ذریعہ: Nawaiwaqt
کلیدی لفظ: سال قید کی سزا فواد چوہدری بری کر دیا والوں میں ملزمان کو کی سزائیں شبلی فراز پی ٹی آئی شامل ہیں زرتاج گل عدالت نے عمر ایوب افراد کو کو بری
پڑھیں:
ٹی ایل پی پر پابندی لگنا اچھی بات ہے، پی ٹی آئی کی لیڈرشپ نابالغ ہے، فواد چوہدری
لاہور:پی ٹی آئی رہنما فواد چوہدری نے کہا ہے کہ ٹی ایل پی پر پابندی لگنا اچھی بات ہے۔ انہوں نے کہا کہ پی ٹی آئی کی لیڈرشپ نابالغ ہے۔
انسداد دہشت گردی عدالت لاہور میں پیشی کے موقع پر میڈیا کے نمائندوں سے گفتگو کرتے ہوئے فواد چوہدری نے کہا کہ کل پھر وزیر اعلیٰ کے پی کو جیل میں بانی پی ٹی آئی سے ملاقات نہیں کرنے دی گئی۔ سہیل آفریدی کل چوتھی مرتبہ جیل کے باہر آئے، مگر ملاقات نہیں کرنے دی گئی۔ یہ سہیل آفریدی کی تضحیک ہے۔ عدالتیں اپنے فیصلوں پر عملدرآمد نہیں کروا رہیں۔
فواد چوہدری کا کہنا تھا کہ پی ٹی آئی کی لیڈر شپ نا بالغ ہے ۔ سہیل آفریدی بانی پی ٹی آئی کی رہائی میں کرادر ادا کرسکتے ہیں۔ چند لوگوں کے ہاتھ میں ایسے ہے جیسے بندر کے ہاتھ ماچس آئی ہو۔ سہیل آفریدی کوٹ لکھپت جیل میں شاہ محمود قریشی سمیت دیگر قید رہنماؤں سے ملاقات کریں۔ شاہ محمود قریشی انہیں مثبت مشورہ دیں گے۔ سہیل آفریدی پی ٹی آئی کے وزیراعلیٰ ہیں، انہیں ایسے لوگوں سے بات کرنی چاہیے تو ٹمپریچر کم ہوگا۔
انہوں نے کہا کہ ٹی ایل پی پر پابندی لگنا اچھی بات ہے ۔ یہ پرتشدد گروہ ہے، ان پر پابندی لگانا اچھی بات ہے۔ افسوس ہے ٹی ایل پی کے خلاف سپریم کورٹ کے خلاف ریفرنس کیوں فائل نہیں کیا گیا۔
فواد چوہدری کا مزید کہنا تھا کہ شہباز شریف کو وزیراعظم بنے ہوئے ساڑھے 3 سال ہوچکے ہیں ۔ اب انہوں نے کمیٹیاں بنا دی ہیں، یعنی انہوں نے ہار مان لی ہے ۔ پاکستان کی معیشت کا برا حال ہے ۔ پاک فوج کے جوان جانیں دے رہے ہیں، آرمی چیف کسی ملک سے مذاکرات یا معیشت پر بات کررہے ہیں تو وزیراعظم کا کیا کام ہے؟
انہوں نے مزید کہا کہ اسد عمر نے خواجہ آصف کو پنجابی فلموں میں کام کرنے کا مشورہ دے دیا ہے۔ خواجہ آصف کو کوئی پنجاب فلموں میں رول دے دیں تاکہ اس میں بڑھکیں مار لیں ۔ قومی معاملات میں سنجیدگی بہت ضروری ہے۔ ترکی کا بیان آچکا ہے۔ افغانستان اور پاکستان کے درمیان سیز فائر 6 نومبر تک رہے گا ۔ دونوں ممالک کے درمیان امن بہت ضروری ہے ۔
فواد چوہدری کا کہنا تھا کہ ہماری سرحدوں پر زخمی دشمن بیٹھا ہے۔ ٹرمپ ہر ساتویں دن طیارے گرانے کی چابی دے دیتا ہے ۔ افغانستان کو سوچنا چاہیے کہ معاملات بہتر کرے۔ یہ افغانستان کے عوام کے ساتھ زیادتی ہوگی اگر وہ بھارت کے کہنے پر چلے۔
قبل ازیں انسداد دہشت گردی عدالت کے جج منظر علی گل کے روبرو سانحہ 9 مئی کے مقدمات کی سماعت ہوئی، جس میں پی ٹی آئی رہنما اعظم سواتی ، فواد چوہدری اور اسد عمر پیش ہوئے۔ عدالت نے اعظم سواتی اور اسد عمر کی عبوری ضمانت میں 5 دسمبر تک توسیع کرتے ہوئے ملزمان کی عبوری ضمانتوں پر دلائل طلب کرلیے۔
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک