پاکستان کی انسداد دہشتگردی حکمت عملی عالمی سطح پر موثر قرار دی گئی ہے، وزیر اعظم
اشاعت کی تاریخ: 31st, July 2025 GMT
وزیراعظم محمد شہباز شریف کی زیر صدارت انسداد دہشت گردی اور ریاستی عملداری کے استحکام سے متعلق اسٹیئرنگ کمیٹی کا اعلیٰ سطحی جائزہ اجلاس منعقد ہوا، جس میں ملک سے دہشت گردی کے خاتمے اور ایک مضبوط و پرامن ریاستی ڈھانچے کے قیام کے عزم کا اعادہ کیا گیا۔
وزیراعظم نے اجلاس سے خطاب کرتے ہوئے کہا کہ پاکستان کی انسدادِ دہشت گردی کی کثیرالجہتی حکمت عملی جس میں فوجی کارروائیاں، قانونی اصلاحات، عوامی شعور اور انتہاپسندانہ نظریات کی روک تھام شامل ہیں، عالمی سطح پر مؤثر قرار دی گئی ہے۔
یہ بھی پڑھیے: بلوچستان اسمبلی: انسداد دہشتگردی ترمیمی بل منظور، لاپتا افراد کا مسئلہ ہمیشہ کے لیے حل ہو جائےگا، وزیراعلیٰ
وزیراعظم شہباز شریف نے کہا کہ پاکستان دہشت گردی کے ناسور کے مکمل خاتمے کے لیے پرعزم ہے اور دنیا نے ہمارے کامیاب آپریشنز کو تسلیم کیا ہے۔ انہوں نے زمینی کارروائیوں، مؤثر قانون سازی اور آگاہی مہمات کو شدت پسندی کے خلاف حکمت عملی کا اہم حصہ قرار دیا۔
وزیراعظم شہباز شریف نے وفاقی و صوبائی حکومتوں کے درمیان انسداد دہشت گردی کے لیے مثالی ہم آہنگی کو سراہا اور کمیٹی کی سفارشات پر سختی سے عملدرآمد کی ہدایت دی تاکہ ادارہ جاتی تعاون مزید مؤثر بنایا جا سکے۔
انہوں نے مسلح افواج، قانون نافذ کرنے والے اداروں اور ان کے اہل خانہ کی قربانیوں کو خراجِ تحسین پیش کرتے ہوئے انہیں قوم کا فخر قرار دیا۔ وزیراعظم نے کہا کہ پوری قوم، افواج، قانون نافذ کرنے والے ادارے اور انٹیلی جنس ایجنسیاں دہشت گردی کے خلاف متحد ہیں۔
انہوں نے آپریشن ردالفساد اور ضربِ عضب کا ذکر کرتے ہوئے کہا کہ ان سیکیورٹی آپریشنز نے دنیا بھر میں پاکستان کی تاریخی کامیابیوں کو اجاگر کیا ہے۔
یہ بھی پڑھیے: بھارت جنوبی ایشیا کے امن کے لیے بڑا خطرہ اور پاکستان میں دہشتگردی کا پشتی بان ہے، عطا تارڑ
وزیراعظم نے وزارت داخلہ، انٹیلجنس بیورو، صوبائی حکومتوں اور بالخصوص پنجاب کاؤنٹر ٹیررازم ڈیپارٹمنٹ کی کارکردگی کو سراہتے ہوئے دہشت گردی کے خاتمے کے لیے ان کے اقدامات کو مؤثر قرار دیا۔
اجلاس میں اندرونی چیلنجز جیسے اسمگلنگ اور غیرقانونی تارکین وطن کی موجودگی پر بھی بات ہوئی۔ وزیراعظم نے کہا کہ متعلقہ اداروں کی مربوط کارروائیوں سے اسمگلنگ پر قابو پایا گیا ہے جس کے معیشت پر مثبت اثرات مرتب ہوئے ہیں۔ انہوں نے یہ بھی واضح کیا کہ غیر دستاویزی افغان شہریوں کی واپسی بین الاقوامی قوانین کے مطابق ہو رہی ہے۔
وزیراعظم شہباز شریف نے کہا کہ صرف دہشت گردی سے پاک، پرامن اور مستحکم ریاستی نظام ہی عالمی سرمایہ کاروں کا اعتماد بحال کر سکتا ہے۔ انہوں نے معیشت میں استحکام کے لیے نظام میں انقلابی اصلاحات، ڈیجیٹلائزیشن اور ٹیکس سسٹم کی بہتری کو کلیدی عوامل قرار دیا۔
یہ بھی پڑھیے: دہشتگردی کے مکمل خاتمے اور بلوچستان کی سماجی و اقتصادی ترقی کے لیے پرعزم ہیں، فیلڈ مارشل عاصم منیر
انہوں نے کہا کہ پاکستان اسٹاک ایکسچینج میں ریکارڈ تیزی اور عالمی کریڈٹ ریٹنگ میں بہتری سرمایہ کاروں کے اعتماد کی بحالی اور معاشی بہتری کی واضح علامات ہیں۔
اجلاس میں نائب وزیراعظم اسحاق ڈار، چیف آف آرمی اسٹاف جنرل سید عاصم منیر، قومی سلامتی کے مشیر لیفٹیننٹ جنرل (ر) محمد عاصم ملک، وفاقی وزیر اطلاعات عطا اللہ تارڑ، وزیر قانون اعظم نذیر تارڑ، وزیر اقتصادی امور احد چیمہ، مشیر برائے بین الصوبائی رابطہ رانا ثناء اللہ، وزیر مملکت برائے داخلہ طلال چوہدری، چیف سیکریٹریز، آئی جیز اور دیگر سینیئر حکام نے شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسداد دہشتگردی پاک فوج دہشتگردی شہباز شریف.ذریعہ: WE News
کلیدی لفظ: انسداد دہشتگردی پاک فوج دہشتگردی شہباز شریف دہشت گردی کے شہباز شریف نے کہا کہ انہوں نے قرار دیا یہ بھی کے لیے
پڑھیں:
میانوالی جوڈیشل کمپلیکس حملہ کیس: پی ٹی آئی کے 50 رہنما و کارکن اشتہاری قرار
میانوالی جوڈیشل کمپلیکس حملہ کیس: پی ٹی آئی کے 50 رہنما و کارکن اشتہاری قرار WhatsAppFacebookTwitter 0 1 August, 2025 سب نیوز
سرگودھا: (آئی پی ایس) سرگودھا کی انسدادِ دہشت گردی عدالت نے 9 مئی کے پرتشدد واقعات سے جڑے جوڈیشل کمپلیکس میانوالی حملہ کیس کا فیصلہ سناتے ہوئے محمد اسماعیل کو 25 سال قید کی سزا سنا دی جبکہ 50 رہنما و کارکن اشتہاری قرار دے دیئے۔
سرگودھا میں انسداد دہشت گردی کی خصوصی عدالت کے جج محمد نعیم شیخ نے مقدمہ نمبر 349/23 کا فیصلہ سنایا کہ ملزمان پر 9 مئی کو جوڈیشل کمپلیکس حملہ میں توڑ پھوڑ اور جلاؤ گھیراؤ کے الزامات ثابت ہوئے ہیں۔
انسداد دہشت گردی کی خصوصی عدالت نے ڈی پی او میانوالی کو ایک ماہ کے اندر احمد خان بھچر، احمد چٹھہ اور بلال اعجاز سمیت تمام 50 اشتہاری ملزمان کو گرفتار کرنے کا حکم دیا ہے۔
یاد رہے کہ اس مقدمے میں پاکستان تحریکِ انصاف کے مرکزی رہنما عمر ایوب خان کے پہلے ہی ناقابلِ ضمانت وارنٹ گرفتاری جاری کیے جا چکے ہیں، وہ تاحال مفرور ہیں، عدالت نے ان کے خلاف کارروائی جاری رکھنے کی ہدایت کی ہے۔
واضح رہے کہ گزشتہ روز فیصل آباد کی انسداد دہشت گردی کی خصوصی عدالت کے جج جاوید اقبال شیخ نے 9 مئی کے 3 مقدمات کا فیصلہ سناتے ہوئے قومی اسمبلی میں اپوزیشن لیڈر عمر ایوب، سینیٹ میں قائد حزب اختلاف شبلی فراز، رکن قومی اسمبلی زرتاج گل اور صاحبزادہ حامد رضا سمیت پی ٹی آئی کے درجنوں رہنماؤں اور کارکنوں کو سزائیں سنائی تھیں۔
عدالت نے سابق وفاقی وزیر فواد چودھری، زین قریشی اور خیال کاسترو سمیت 88 افراد کو بری کیا تھا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرفیلڈ مارشل عاصم منیر مسلم دنیا کے سپہ سالاروں کی سربراہی کریں، جماعت اسلامی وزیراعلیٰ خیبرپختونخوا علی امین گنڈا پور کا بھارت کیخلاف فیٹف جانے کا اعلان اسلام آباد میں جعلی وکیل کا بھانڈا پھوٹ گیا،ٹک ٹاک پر کیسے لوگوں کو بیوقوف بناتا رہا؟ امریکی ٹیرف کا عالمی نفاذ شروع، پاکستان کو بھارت کے مقابلے میں رعایت پی ایم ڈی سی کی ایکٹنگ رجسٹرار ڈاکٹر شائستہ فیصل کو عہدے سے ہٹا دیا گیا،نیا رجسٹرار کون ہو گا، تفصیلات سب نیوز پر عوام کیلئے خوشخبری ، حکومت نے پیٹرول کی قیمت میں بڑی کمی کر دی چھبیس نومبر احتجاج کیس، عدالتی حکم پر پی ٹی آئی 65رہنماوں اور کارکنان کی گرفتاریوں کیلئے ٹیمیں تشکیلCopyright © 2025, All Rights Reserved
رابطہ کریں ہمارے بارے ہماری ٹیم
وزیراعظم کا میڈیکل کالجز اور انجینئرنگ یونیورسٹیز میں خیبر پختونخوا کے ضم اضلاع کا کوٹہ بحال کرنے کا اعلان