بھارتی کپتان شبمن گل اور ٹیم نے ناپسندیدہ ریکارڈ اپنے نام کرلیا
اشاعت کی تاریخ: 31st, July 2025 GMT
لندن:
بھارتی کرکٹ ٹیم 5 میچوں کی ٹیسٹ سیریز کے لیے انگلینڈ میں موجود ہے اور سیریز کا آخری میچ اوول میں کھیلا جا رہا ہے جہاں بھارتی کپتان شبمن گل نے ایک ناپسندیدہ ریکارڈ اپنے نام کرلیا۔
کرکٹ کے گھر لندن کے اوول گراؤنڈ میں سیریز کے آخری ٹیسٹ کے لیے انگلینڈ کے قائم مقام کپتان اولی پوپ اور شمبن گل ٹاس کے لیے میدان میں اترے تو بھارتی ٹیم کو میچ کے باقاعدہ آغاز سے قبل جس ناپسندیدہ ریکارڈ کا خدشہ تھا وہ سچ بن گیا۔
شبمن گل ٹیسٹ سیریز کے تمام میچوں میں ٹاس ہار کر یہ ریکارڈ اپنے نام کرلیا اور وہ بھارتی ٹیم کی قیادت سنبھالنے کے بعد تاحال ٹاس جیتنے میں مکمل طور پر ناکام رہے ہیں۔
اس ساتھ ہی یہ بھارتی ٹیم کا مسلسل 15 واں میچ تھا، جس میں انہیں ٹاس میں شکست کا سامنا کرنا پڑا۔
بھارتی ٹیم اس ٹیسٹ سے قبل تمام طرز میں مسلسل 15 ٹاس جیت ہار چکی تھی اور جب اولی پوپ ٹاس کے لیے آئے تو دلچسپ ریکارڈ تھا کیونکہ دونوں ٹیموں کے کپتانوں میں 4 میچوں میں قیادت کے فرائض انجام دیے اور چاروں میچوں میں دونوں نے ٹاس جیتنے کا اعزاز حاصل نہیں کیا تھا۔
اولی پوپ نے سکہ اچھالا اور شبمن گل کی کال تھی لیکن قسمت ایک مرتبہ پھر ان پر مہربان نہیں ہوئی تاہم انگلینڈ کے کپتان ناپسندیدہ کارکردگی کا جمود توڑنے میں کامیاب ہوئے۔
بھارت اب تک دو ٹی ٹوئنٹی، 8 ون ڈے اور 5 ٹیسٹ میچوں میں مسلسل ٹاس ہارنے کا ریکارڈ بنا چکا ہے۔
ٹیسٹ کرکٹ میں بھارت کے لیے یہ 14 واں واقعہ ہے جب ٹیم مسلسل 5 میچوں میں ٹاس ہاری ہو اور انگلینڈ کے خلاف اس سے قبل 2018 میں بھی ایسا ہی ہوا تھا۔
خیال رہے کہ ٹیسٹ سیریز کے اب تک کھیلے گئے 4 میچوں میں انگلینڈ نے دو میں کامیابی حاصل کی ہے جبکہ بھارت دوسرے ٹیسٹ میں 336 رنز سے کامیابی حاصل کی تھی جبکہ چوتھا میچ بغیر کسی نتیجے کے ختم ہوا تھا۔
میزبان انگلینڈ کو سیریز میں 1-2 کی برتری حاصل ہے جبکہ بھارت کو سیریز برابر کرنے کے لیے میچ میں کامیابی درکار ہے۔
.ذریعہ: Express News
کلیدی لفظ: بھارتی ٹیم میچوں میں سیریز کے شبمن گل کے لیے
پڑھیں:
آسٹریلوی کھلاڑی نیتھن لائن نے انگلینڈ کے بہترین اسپنر کا نام بتا دیا
کراچی:ایشز سیریز سے قبل آسٹریلیا کے تجربہ کار آف اسپنر نیتھن لائن نے انگلینڈ کے بہترین اسپنر کا نام بھی ظاہر کر دیا۔
سڈنی میں کرکٹ آسٹریلیا سے گفتگو کرتے ہوئے نیتھن لائن نے کہا کہ جیک لیکچ انگلینڈ کے بہترین اسپنر ہیں کیونکہ تجربہ اور کنٹرول بہت زبردست ہے۔
انہوں نے کہا کہ میں نے گزشتہ سال لنکاشائر میں جمی اینڈرسن کے ساتھ کھیلا اور انہوں نے مجھے بتایا کہ شعیب بشیر کو اسی کام کے لیے منتخب کیا ہے جو میں کرتا ہوں۔ مجھے اس پر کچھ فخر محسوس ہوا اور یہ اچھا لگا کہ میرے کام کی قدر کی جا رہی ہے۔
نیتھن لائن نے کہا کہ سچ کہوں تو شعیب بشیر ابھی تک ٹھیک ہی رہا ہے لیکن میری نظر میں، جیک لیچ اب بھی اُن کا بہترین اسپنر ہے۔
آسٹریلوی اسپنر نے کہا ایسا لگتا ہے کہ جیکب بیتھل اس ہفتے اسپن کا کردار ادا کریں گے لیکن جیک لیچ مستقل مزاجی اور کنٹرول لاتا ہے، میرے لیے وہ اب بھی اُن کا بہترین اسپنر ہے۔
واضح رہے کہ جیک لیچ نے انگلینڈ کی جانب سے آخری مرتبہ 2024 کے دورہ پاکستان میں کھیلتے ہوئے تین ٹیسٹ میچوں میں 31.43 کی اوسط سے 16 وکٹیں حاصل کیں۔ اس کے مقابلے میں، بشیر نے حالیہ ٹیسٹ میچوں میں صرف 54.10 کی اوسط سے 10 وکٹیں حاصل کی ہیں۔
دلجیت دوسانجھ کس پاکستانی گلوکار کے مداح نکلے؛ مشہور گانا بھی گنگنایا