شاہین، حارث رؤف اور حسن علی ہمارے مین بولنگ آپشنز ہیں، سلمان علی آغا
اشاعت کی تاریخ: 1st, August 2025 GMT
ٹی 20 کپتان سلمان علی آغا نے پاکستانی ٹیم میں نوجوان پیسرز کی شمولیت کو ’تجربہ‘ قرار دے دیا۔
سلمان علی آغا کا کہنا ہے کہ ہم نے بنگلا دیش کے خلاف گزشتہ 2 سیریز میں کچھ تجربات کیے، ہمارے مین بولنگ آپشنز تو شاہین آفریدی، حارث رؤف اور حسن علی ہی ہیں، اہم ایونٹس سے قبل انہیں واپس ٹیم میں شامل کرلیا گیا ہے۔
یاد رہے کہ پاکستان کو بنگلا دیش سے حالیہ ٹی 20 سیریز میں شکست کا سامنا کرنا پڑا، اس کے بعد پیس اٹیک میں ردوبدل کرتے ہوئے عباس آفریدی، احمد دانیال اور سلمان مرزا کو ڈراپ کر دیا گیا، ان کی جگہ شاہین شاہ آفریدی، حسن علی اور حارث رؤف کو اسکواڈ میں شامل کیا گیا۔
سلمان مرزا نے بنگلہ دیش کے خلاف سیریز میں ڈیبیو کیا اور 3 میچزمیں سب سے زیادہ 7 وکٹیں لینے میں کامیاب رہے، اسی سیریز میں ڈیبیو کرنے والے احمد دانیال نے 2 میچز میں 3 شکار کیے،عباس آفریدی گزشتہ ایک برس سے مختصر فارمیٹ کی ٹیم کے باقاعدہ حصہ تھے، اس کے باوجود انھیں باہر کردیا گیا۔
ویسٹ انڈیز کے خلاف امریکا میں شروع ہونے والی ٹی 20 سیریز سے قبل پی سی بی کی جانب سے جاری کی جانے والی ویڈیو میں سلمان آغا نے بولنگ اٹیک میں تبدیلی اور فرنٹ لائن پیسرز کی واپسی کو اسٹریٹجک فیصلہ قرار دیا۔
انہوں نے کہا کہ اصل میں ہمارے اولین انتخاب بولرز تو یہی ہیں جو تسلسل سے پاکستان کیلئے پرفارم کررہے ہیں، ہم نے بنگلہ دیش کے خلاف گزشتہ 2 سیریز میں تجربات کیے تھے مگر چونکہ اب ایک اہم مرحلے میں داخل ہوچکے جہاں آگے بڑے ایونٹس آئیں گے لہذا مین بولنگ آپشنز کو ٹیم میں واپس لانا ضروری تھا۔
سلمان آغا نے ویسٹ انڈیز کے خلاف سیریز کو آئندہ ماہ ایشیا کپ اور اگلے برس شیڈول ورلڈ کپ کی تیاری کیلیے اہم قرار دیا، انہوں نے کہا کہ اب سے ہر سیریز ہی ہمارے لیے کافی اہم ہے، ہم درست کمبی نیشن کی تشکیل کیلیے کوشاں ہیں، نوجوان اور سینئر پلیئرز کی موجودگی اسکواڈ کو مضبوط بناتی ہے۔
.ذریعہ: Express News
پڑھیں:
محسن نقوی کا ٹی چوک فلائی اوور ،شاہین چوک انڈر پاس منصوبوں کا دورہ
ویب ڈیسک:اسلام آباد میں 2 میگا پراجیکٹس ٹی چوک فلائی اوور اور شاہین چوک انڈر پاس منصوبے پر کام کی رفتار تیز کردی گئی ہے۔
تفصیلات کے مطابق منصوبوں کا مجموعی طور پر 60 فیصد کام مکمل کرلیا گیا ہے۔ فلائی اوور دسمبر کے اوائل میں ٹریفک کے لئے کھول دیا جائے گا جبکہ شاہین چوک انڈر پاس بھی ایک ماہ میں مکمل کرنے کا ٹاسک دیا گیا ہے۔
وفاقی وزیرداخلہ محسن نقوی نے ٹی چوک فلائی اوور اور شاہین چوک انڈر پاس منصوبوں کا دورہ کیا اور دونوں منصوبوں پر پیش رفت کا جائزہ اور تعمیراتی سرگرمیوں کا معائنہ کیا۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
وزیرداخلہ محسن نقوی نے تعمیراتی کاموں کے معیار کا مشاہدہ کیا اور پراجیکٹس کی پیش رفت پر اطمینان کا اظہار کیا۔
محسن نقوی کا کہنا تھا کہ تعمیراتی کاموں میں اعلیٰ معیارکو ہر صورت یقینی بنایا جائے۔ معیار اور رفتار پر کوئی سمجھوتہ نہیں کیا جائے گا۔
انہوں نے بتایا کہ فلائی اوور کی تکمیل سے جی ٹی روڈ سے مسافر سگنل فری اسلام آباد آسکیں گے۔
محبت، بلیک میلنگ اور قتل، خوفناک واردات کی تفصیل سامنے آگئی