فاسٹنگ بدھا کی نقل ویتنام کے بدھ مندر بائی ڈنہ پگوڈا کے حوالے کر دی گئی
اشاعت کی تاریخ: 3rd, August 2025 GMT
VIETNAM:
پاکستان کے سفیر خدایار مری کے ذریعے فاسٹنگ بدھا کی انتہائی مہارت اور احتیاط سے تیار کی گئی نقل دوسری صدی کے گندھارا دور کا ایک شان دار شاہکار باضابطہ طور پر ویتنام کے سب سے بڑے بدھ مندر بائی ڈنہ پگوڈا کے حوالے کی گئی۔
ترجمان دفتر خارجہ کی جانب سے جاری بیان کے مطابق فاسٹنگ سدھارتھ کا اصل مجسمہ سیکری پاکستان میں دریافت ہوا اور لاہور میوزیم میں رکھا گیا ہے جو روشن خیالی کے حصول میں شہزادہ سدھارتھ کی گہری سادگی کو ظاہر کرتا ہے۔
انہوں نے بتایا کہ حکومت پاکستان کی طرف سے تحفے میں دی گئی نقل نظم و ضبط، لچک اور بین المذاہب ہم آہنگی کی اقدار کو مجسم کرتی ہے۔
بیان میں کہا گیا کہ تقریب کا آغاز ویتنام بدھسٹ سنگھا کے سیکریٹری جنرل ٹچ ڈک تھن کی زیرقیادت مقدس دعاؤں سے ہوا، جنہوں نے ننہ بن کے سفر سے قبل پاکستانی سفارت خانے میں مجسمے کو سلام پیش کیا۔
بائی ڈنہ پگوڈا میں مجسمہ کا استقبال انتہائی قابل احترام تھیچ من کوانگ بدھ مت کی ایک روایتی رسم سے کیا اور تقریب میں ویتنامی حکام، مذہبی رہنماؤں اور معززین نے شرکت کی۔
پاکستانی سفیر خدایار مری نے بدھ مت کے ورثے کے تحفظ اور بین الثقافتی مکالمے کے فروغ کے لیے پاکستان کے عزم کو دہرایا۔
انہوں نے کہا کہ یہ تحفہ پاکستان کے شان دار ورثے، تمام مذاہب کے احترام اور امن کے ہمارے مشترکہ وژن کی عکاسی کرتا ہے۔
خدایار مری نے کہا کہ رواداری اور احترام اسلام کا جوہر ہے اور اس طرح کے تبادلے سفارت کاری اور ہم آہنگی کو تقویت دیتے ہیں۔
تھیچ من کوانگ نے پاکستان اور ویتنام کے درمیان باہمی افہام و تفہیم کو فروغ دینے والے بین المذاہب خیر سگالی کی علامت کے طور پر اس اقدام کو سراہا۔
تقریب کا اختتام دونوں ممالک کے درمیان دیرپا دوستی کی دعا کے ساتھ ہوا۔
.ذریعہ: Express News
پڑھیں:
پی سی بی نے ایشیا کپ کے حوالے سے ابھی تک کوئی حتمی فیصلہ نہیں کیا، ترجمان
پاکستان کرکٹ بورڈ (پی سی بی) نے ایشیا کپ کے حوالے سے ابھی تک کوئی حتمی فیصلہ نہیں کیا۔
ترجمان پی سی بی عامر میر کے مطابق پاکستان کرکٹ بورڈ نے ایشیا کپ کے حوالے سے ابھی تک کوئی حتمی فیصلہ نہیں کیا۔ اس حوالے سے مشاورت جاری ہے اور کل تک حتمی فیصلہ کر لیا جائے گا۔
ترجمان کا کہنا تھا کہ فیصلہ پاکستان کے مفاد کو مدنظر رکھ کے کیا جائے گا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام