عازمین حج سے واجبات کی وصولی کا آغاز آج ہوگا
اشاعت کی تاریخ: 4th, August 2025 GMT
فائل فوٹو
عازمین حج سے واجبات کی وصولی کا آغاز آج سے ہوگا، وزارت مذہبی امور کے مطابق خواہشمند نامزد بینکوں اور آن لائن پورٹل کے ذریعے حج درخواستیں جمع کرواسکتے ہیں۔
وزارت مذہبی امور کے مطابق پہلے آئیے پہلے پائیے کی بنیاد پر رجسٹرڈ افراد سے پہلی قسط آج سے 9 اگست تک وصول کی جائے گی، نشستیں دستیاب ہونے پر 11 سے 16 اگست تک نئے عازمین حج بھی اپلائی کرسکیں گے۔
نشستیں مکمل ہوتے ہی حج واجبات کی وصولی روک دی جائے گی، حج پیکج 2026 ساڑھے 11 سے ساڑھے 12 لاکھ کے درمیان ہوگا۔
وزارت مذہبی امور کے مطابق دوسری قسط یکم نومبر سے وصول کی جائے گی، دوبارہ حج کرنے اور عمر کی بالائی حد کی پابندی ختم کر دی گئی ہے۔
وزارت مذہبی امور کا کہنا ہے کہ یکم مارچ 2014 کے بعد پیدا ہونے والے بچے اپلائی نہیں کرسکتے۔
.ذریعہ: Jang News
پڑھیں:
سرکاری سکیم کےتحت عازمین سےحج اخراجات وصول کرنیکافیصلہ
شاہد ندیم سپرا:وفاقی حکومت نےسرکاری سکیم کےتحت عازمین سےحج اخراجات وصول کرنیکافیصلہ کر لیا۔
شہرسمیت ملک بھرمیں عازمین سےاخراجات کی پہلی قسط کل سےوصول کی جائیگی،سرکاری سکیم کے رجسٹرڈ عازمین کو لانگ پیکج کے تحت 5لاکھ روپےاداکرناہونگے۔
شارٹ حج پیکج کے تحت عازمین کو 5لاکھ 50ہزارروپےاداکرنا ہوں گے،عازمین حج کو پہلی قسط چار اگست سے لیکر 9 اگست تک جمع کروانا لازمی قرار دیا گیا۔
غیر رجسٹرڈ عازمین سے حج درخواستوں کی وصولی11اگست سے شروع ہو گی۔عازمین حج مقررہ بینکوں میں 16 اگست تک درخواستیں جمع کروا سکیں گے۔
سرکاری حج سکیم کوٹہ مکمل ہونے پر درخواستوں کی وصولی پر پابندی لگا دی جائیگی،عازمین حج سے حج پیکج کی دوسری قسط یکم نومبر سے وصول کی جائےگی۔
یکم مارچ 2014 سے پہلے پیدا ہونیوالے عازمین کو حج کرنے کی اجازت ہو گی۔خواتین عازمین بینکوں سے مجوزہ فارم لیکر بغیر محرم حج کر سکیں گی۔
عازمین حج گھروں میں بیٹھ کر آن لائن درخواست اور اخراجات ادا کر سکیں گے۔
محدود مدت تک عجائب گھروں میں داخلہ مفت؛ حکومت نے بڑا اعلان کردیا
رحیم یار خان، پولیس کا کچہ کریمنلز کے خلاف کارروائی، اقلیتی برادری کے 3 مغوی بازیاب