اکاماتسو شوئیچی کی خدمات قابلِ تحسین ہیں: مشیر سرمایہ کاری، بورڈ آف انویسٹمنٹ
اشاعت کی تاریخ: 4th, August 2025 GMT
اسلام آباد: بورڈ آف انویسٹمنٹ کے مشیر سید فیروز عالم شاہ نے جاپان کے سفیر اکاماتسو شوئیچی کی پاکستان میں انجام دی گئی سفارتی، تجارتی اور سماجی خدمات کو سراہتے ہوئے کہا ہے کہ ان کی متحرک اور وژنری قیادت نے پاکستان اور جاپان کے دوطرفہ تعلقات کو نئی جہتوں سے روشناس کروایا ہے۔
سید فیروز عالم شاہ کے مطابق اکاماتسو شوئیچی نے نہ صرف دونوں حکومتوں کے درمیان اعتماد سازی کو فروغ دیا بلکہ جاپان کے نجی شعبے اور صنعتی اداروں کو پاکستان میں سرمایہ کاری کے وسیع امکانات سے روشناس کروانے میں بھی کلیدی کردار ادا کیا۔
ان کی سرپرستی میں مختلف اعلیٰ سطح اجلاس، معاشی فورمز اور باہمی مشاورتی نشستیں ہوئیں جن کے نتیجے میں خصوصی اقتصادی زونز، قابل تجدید توانائی، آئی ٹی، زراعت، انجینئرنگ اور صحت کے شعبوں میں تعاون کے دروازے کھلے۔
مشیر سرمایہ کاری نے جاپانی سفارتخانے کی جانب سے تعلیم، صحت، انسانی وسائل کی ترقی، نوجوانوں کی تربیت اور اسکالرشپ پروگراموں کو دونوں ممالک کے عوام کے درمیان قریبی تعلقات کا مظہر قرار دیا۔
انہوں نے کہا کہ جاپانی حکومت کا یہ طرزِ عمل پاکستان کے لیے قابل تقلید مثال ہے، جو پاکستان میں ہنر مندی، روزگار، اور خود انحصاری کو فروغ دے رہا ہے۔
سید فیروز عالم شاہ نے امید ظاہر کی کہ اکاماتسو شوئیچی جیسے بصیرت افروز سفیروں کی موجودگی میں پاکستان اور جاپان کے باہمی تعلقات مزید مضبوط ہوں گے اور جاپانی سرمایہ کاری پاکستان کی معیشت میں ایک مثبت تبدیلی کا پیش خیمہ بنے گی۔
آخر میں انہوں نے جاپانی حکومت اور عوام کا شکریہ ادا کرتے ہوئے کہا کہ جاپان ہمیشہ پاکستان کا بااعتماد ترقیاتی شراکت دار رہا ہے، اور اس دوستی کو مزید مستحکم کرنے کے لیے سفیر اکاماتسو شوئیچی کی خدمات قابلِ تقلید ہیں۔
.ذریعہ: Jang News
کلیدی لفظ: سرمایہ کاری جاپان کے
پڑھیں:
ایران کی پاکستانی تاجروں کو اپنے فری زونز میں سرمایہ کاری کی دعوت
ایران کی سپریم کونسل برائے فری ٹریڈ، صنعتی اور خصوصی اقتصادی زونز کے ایک اعلیٰ سطحی وفد نے پاکستانی تاجروں اور اسلام آباد چیمبر آف کامرس اینڈ انڈسٹری کے عہدیداران سے ملاقات میں دو طرفہ معاشی تعاون بڑھانے پر تبادلہ خیال کیا اور پاکستانی سرمایہ کاروں کو ایران کے فری زونز میں سرمایہ کاری کی دعوت دی۔
یہ بھی پڑھیں:ایران اور پاکستان کا 10 ارب ڈالر سالانہ تجارتی ہدف، کئی ایم او یوز پر دستخط، شہباز شریف و مسعود پزشکیان کی مشترکہ پریس کانفرنس
یہ ملاقات اتوار کو ایرانی صدر مسعود پزشکیان کے پاکستان کے سرکاری دورے کے دوسرے روز اسلام آباد میں ہوئی، جس میں وفد کی قیادت کونسل کے سیکریٹری رضا مسرور نے کی۔
ملاقات میں دونوں جانب سے مشترکہ تجارتی نمائشوں، سرحدی تجارت کے فروغ اور پاک-ایران سرحد پر مشترکہ فری زون کے قیام جیسے اقدامات پر اتفاق کیا گیا تاکہ دو طرفہ تعاون کو مزید گہرا کیا جا سکے۔
دونوں ممالک نے تجارت، مشترکہ سرمایہ کاری اور صنعتی اشتراک میں تعاون کو مضبوط کرنے اور باہمی مفادات پر مبنی اقتصادی اقدامات کی اہمیت پر زور دیا۔
رضا مسرور نے ایران کے فری ٹریڈ زونز، خصوصاً چابہار فری زون کی وسعت اور امکانات پر روشنی ڈالی اور پاکستانی تاجروں کو ایران کا دورہ کرنے اور وہاں سرمایہ کاری کے مواقع دریافت کرنے کی دعوت دی۔
یہ بھی پڑھیں:پاکستان اور ایران کی تجارت 8 ارب ڈالر سالانہ تک بڑھانے کا ہدف، آئی ٹی و سروس سیکٹر کو وسعت دینے کا عندیہ
ایرانی وفد نے تجویز پیش کی کہ چابہار فری زون اور پاکستان چیمبر آف کامرس اینڈ انڈسٹری کے درمیان مفاہمتی یادداشت (MoU) کے ذریعے دوطرفہ تعاون کو مزید وسعت دی جائے۔
پاکستانی حکام نے جون کے وسط میں اسرائیل کی طرف سے ایران پر مسلط کردہ 12 روزہ جنگ پر ایرانی عوام سے اظہارِ یکجہتی کیا اور جنگ کے شہداء کے لواحقین سے تعزیت بھی کی۔
اسلام آباد چیمبر آف کامرس اینڈ انڈسٹری کے صدر ناصر منصور قریشی نے بھی ایرانی وفد کو آئندہ ماہ ہونے والی بین الاقوامی صنعتی نمائش میں شرکت کی دعوت دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد چیمبر ایران پاکستان تاجر چابہار فری زونز
عالمی برادری غزہ کے امتحان میں ناکام ہو گئی، مصری وزیر خارجہ