مصنوعی ذہانت کے باعث زیادہ متاثر ہونے والی نوکریاں کون سی ہیں؟
اشاعت کی تاریخ: 5th, August 2025 GMT
مصنوعی ذہانت کی تیز رفتار ترقی کے باعث دنیا بھر میں کئی ملازمتیں خطرے میں پڑ گئی ہیں۔ مائیکروسافٹ کی تازہ رپورٹ نے ان پیشوں کی نشاندہی کی ہے جو اس ٹیکنالوجی سے سب سے زیادہ متاثر ہونے کا خدشہ رکھتی ہیں۔
یہ بھی پڑھیں: ’اے آئی‘ انقلاب: خواتین اور دفتری ملازمین کی نوکریاں خطرے میں، اقوام متحدہ کی وارننگ
رپورٹ ’ورکنگ ود اے آئی‘ میں بتایا گیا ہے کہ جنوری سے ستمبر 2024 تک بنگ کوپائلٹ پر ہونے والی لاکھوں گفتگوؤں کا تجزیہ کیا گیا۔ اس تحقیق سے یہ واضح ہوا کہ مصنوعی ذہانت مختلف دفتری کاموں میں نہایت تیزی سے تحریر، مشورہ، معلومات اکٹھی کرنے جیسے امور انجام دے سکتی ہے۔
مصنوعی ذہانت سے محفوظ نوکریاں
رپورٹ میں ان ملازمتوں کا ذکر کیا گیا ہے جو مصنوعی ذہانت کی آمد سے سب سے زیادہ متاثر ہو سکتی ہیں، جن میں شامل ہیں
مترجم اور زبانوں کے ماہر
ٹکٹ ایجنٹ اور سفری کلرک
سروسز کے سیلز نمائندے
نشریاتی میزبان اور ریڈیو ڈی جے
مصنفین اور لکھاری
مورخ
کسٹمر سروس نمائندے
مسافروں کی دیکھ بھال کرنے والے
ٹیلیفون آپریٹرز
قانونی ماہرین کے معاون
رپورٹ کے مطابق مترجم اور زبانوں کے ماہرین کی سرگرمیاں بڑی حد تک مصنوعی ذہانت سے تبدیل کی جا سکتی ہیں، لہٰذا یہ سب سے زیادہ متاثر ہونے والی نوکریوں میں شامل ہیں۔
یہ بھی پڑھیں: مصنوعی ذہانت اور ملازمتوں کا مستقبل: خطرہ، تبدیلی یا موقع؟
اس کے برعکس، طبی عملے جیسے نرسنگ اسسٹنٹ، بلڈ سیمپل لینے والے، شپ انجینئر اور گاڑیوں کے ٹائر ٹیکنیشن جیسے عملی شعبے ابھی تک مصنوعی ذہانت سے محفوظ تصور کیے جاتے ہیں۔
ماہرین کی رائے
ماہرین کا کہنا ہے کہ مصنوعی ذہانت کو خطرہ سمجھنے کے بجائے اسے سیکھنے اور اس کے ساتھ چلنے کا وقت ہے۔ این ویڈیا کے سربراہ نے حالیہ بیان میں کہا
’آپ کی نوکری مصنوعی ذہانت نہیں چھینے گی، بلکہ وہ شخص چھینے گا جو اسے استعمال کرنا جانتا ہوگا، مصنوعی ذہانت کو خوف نہیں بلکہ ترقی کا موقع سمجھا جائے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news روزگار مائیکروسافٹ مصنوعی ذہانت نوکریاں.ذریعہ: WE News
کلیدی لفظ: روزگار مائیکروسافٹ مصنوعی ذہانت نوکریاں مصنوعی ذہانت زیادہ متاثر
پڑھیں:
پی آئی اے میں ہڑتال، فلائٹس دوسرے روز بھی متاثر، کتنی پروازوں کا شیڈول متاثر ہوگیا؟
ایئرکرافٹ انجینیئرز کے احتجاج کے باعث قومی ایئر لائن کے فلائٹ آپریشن میں بدستور خلل برقرار ہے، جس کے نتیجے میں بدھ کے روز بھی 7 پروازیں منسوخ جبکہ درجنوں میں تاخیر ہوئی۔
فلائٹ شیڈول کے مطابق، ملک بھر میں مجموعی طور پر 39 پروازوں کی آمد و روانگی تاخیر کا شکار رہیں۔
قومی ایئر لائن کی 18 پروازیں طے شدہ وقت سے گھنٹوں تاخیر سے روانہ یا پہنچ سکیں، جب کہ 7 پروازیں مکمل طور پر منسوخ کر دی گئیں۔
یہ بھی پڑھیں: انجینیئرز کا احتجاج: پی آئی اے فلائٹ آپریشن متبادل ذرائع سے بحال
لاہور اور کراچی کے درمیان قومی ایئر کی 2 پروازیں، پی کے 302 اور پی کے 303، منسوخ کی گئیں، جبکہ اسلام آباد سے گلگت جانے والی تمام 4 پروازیں تاخیر کے بعد منسوخ کر دی گئیں۔
اسلام آباد سے ریاض جانے والی پرواز پی کے 753 بھی منسوخ ہوئی۔
اسی طرح اسلام آباد سے دوحہ جانے والی پرواز پی کے 287 میں 7 گھنٹے، جبکہ جدہ جانے والی پرواز پی کے 741 میں 5 گھنٹے تاخیر ہوئی۔
مزید پڑھیں: پی آئی اے کی نجکاری میں تاخیر کیوں ہو رہی ہے؟
شارجہ، اسکردو اور دبئی کی پروازیں بھی تاخیر سے دوچار رہیں۔
لاہور سے دمام جانے والی پروازیں، پی کے 247 اور 248 تقریباً 9 گھنٹے تاخیر کا شکار ہوئیں، جبکہ لاہور سے جدہ جانے والی پرواز پی کے 859 کی روانگی 12 گھنٹے مؤخر ہوئی۔
ملتان سے شارجہ جانے والی پرواز، پی کے 294، میں 4 گھنٹے، سیالکوٹ سے ریاض جانیوالی پرواز پی کے 756 میں 8 گھنٹے اور پشاور سے دوحہ جانیوالی پرواز پی کے 286 میں 6 گھنٹے تاخیر ہوئی۔
مزید پڑھیں: پی آئی اے نے 2 ہفتوں کے لیے کینیڈا کے لیے فلائٹس معطل کردیں
ذرائع کے مطابق، قومی ایئر لائن انتظامیہ نے ایئرکرافٹ انجینیئرز کو مذاکرات کی پیشکش کرتے ہوئے درخواست کی ہے کہ وہ کم از کم ضروری پروازوں کی کلیئرنس یقینی بنائیں۔
ذرائع نے بتایا کہ انجینیئرز نے انتظامیہ کو یقین دہانی کرائی ہے کہ مذاکرات کے دوران صرف ضروری پروازوں کی کلیئرنس جاری رہے گی۔
انتظامیہ کے مطابق، آج وہ تمام پروازیں جو وقت پر کلیئر ہوئیں، مقررہ وقت پر روانہ ہوئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتجاج ایئرپورٹ ایئرکرافٹ انجینیئرز پرواز پی آئی اے شیڈول فلائٹس ہڑتال
ڈکشنری ڈاٹ کام نے 2025 کیلئے منفرد لفظ “سکس۔سیون”67 منتخب کرلیا