ناروے کپ اسٹریٹ فٹبال چیمپیئن شپ؛ پاکستانی کھلاڑی اوسلو پہنچتے ہی غائب
اشاعت کی تاریخ: 6th, August 2025 GMT
کراچی:
ناروے کپ اسٹریٹ فٹبال چیمپیئن شپ میں شرکت کے لیے جانے والا فٹ بالر اوسلو میں غائب ہوگیا، اسلام اباد کی اسٹریٹ چلڈرن ٹیم میں شامل فٹبالر امان اللہ روف بلوچ ناروے پہنچتے ہی پہلے روز غائب ہوگیا تھا۔
ذرائع کا کہنا ہے کہ کراچی کے علاقے لیاری سے تعلق رکھنے والے امان اللہ بلوچ کے غائب ہونے کی اطلاع مقامی پولیس کو دے دی گئی ہے، مزید برآں ناروے پاکستانی سفارت خانے کو بھی تمام تر تفصیلات سے آگاہ کر دیا گیا ہے جبکہ پاکستان کے متعلقہ ذمہ دار حکام کو بھی تمام تر تفصیلات فراہم کر دی گئیں ہیں۔
ذرائع کا کہنا ہے کہ غائب ہونے والے فٹبالر نے انڈر 15 بوائز ایونٹ میں شرکت ہی نہیں کی، دنیا بھر میں فلاحی مقاصد کے لیے معروف تنظیم مسلم ہینڈز کے تحت اسٹریٹ چلڈرن ٹیم نے ایونٹ میں شرکت کی تھی، گزشتہ برس امان اللہ نے ناروے کپ میں مقامی ٹیم کی نمائندگی کی تھی۔
یہ امر قابل ذکر ہے کہ ناروے کپ میں پاکستان سے تین ٹیموں نے شرکت کی جبکہ سندھ حکومت سے ایک کروڑ 84 لاکھ روپے کی خصوصی گرانٹ حاصل کرنے والی ٹیم ایونٹ میں شریک ہونے سے قاصر رہی تھی۔
لیاری کے بیٹر فیوچر پاکستان فٹبال کلب نے ناروے کپ 2025 کا بوائز انڈر15 ٹائٹل جیتا، بیٹر فیوچر کلب کی گرلز ٹیم نے انڈر 14 ایونٹ میں اے لیول تک مقابلہ کیا، اسٹریٹ چلڈرن ٹیم اسلام آباد نے بوائز انڈر 17 کا پری کوارٹر فائنل کھیلا۔
ناروے کپ میں 30 ممالک کی 2 ہزار سے زائد ٹیموں نے 90 میدانوں میں ہونے والے مختلف ایج گروپس کے ایونٹس میں شرکت کی۔ ناروے کے بچوں اور نوجوانوں کی بہبود کے لیے سرکرداں 100 سے زائد تنظیموں کی انجمن نیشنل کونسل آف نارویجن چلڈرن اینڈ یوتھ آرگنائزیشن کے تحت ہونے والے ٹورنامنٹ میں دنیا بھر سے ٹیمیں اپنی مدد آپ کے تحت شرکت کرتی ہیں۔
یہ امر قابل ذکر ہے کہ کراچی سے دوسری ٹیم لیاری فٹبال اکیڈمی سندھ حکومت کی جانب سے ایک کروڑ 83 لاکھ روپے کی امداد ملنے کے باجود تاخیر کے سبب ناروے کپ میں شریک نہ ہو سکی تھی۔
سندھ کے وزیر کھیل سردار محمد بخش خان مہر نے ایونٹ میں شرکت نہ کرنے پر رقم واپس لینے کا عندیہ دیا ہے۔
.ذریعہ: Express News
کلیدی لفظ: ناروے کپ میں ایونٹ میں میں شرکت
پڑھیں:
فرض شناس پولیس افسران تا حال تعیناتی سے محروم
کراچی میں جن تھانیداروں نے کرائم کو کنٹرول کرنے میں اہم کردار ادا کیا انہیں یکسر نظر انداز کر دیا گیا
اسٹریٹ کرائم پرکارکردگی دکھانے پر انعامات اور تعریفی اسناد وصول کرنیوالے افسران تعیناتیوں کے منتظر
(کرائم رپورٹر؍ اسد رضا) کراچی پولیس میں بہترین کارکردگی دکھانے والے افسران میں ایس ایچ او محمد ریاض، عامر اعظم اشرف جوگی، عامر اکرام، شاہد بلوچ، فیصل جعفری، ندیم صدیقی و دیگر شامل ہیں۔تفصیلات کے مطابق شہر قائد میں جرائم پر قابو پانے والے افسران جنہیں کراچی کے اعداد و ادوار حالات و واقعات کا بخوبی علم ہے متعدد نظر انداز کیے گئے افسران میں وہ ایس ایچ اوز بھی شامل ہیں جنہوں نے شہر قائد میں اسٹریٹ کرائم اور ارگنائز کرائم کے خاتمے کے لیے اپنا بھرپور کردار ادا کیا اپنے متعدد کاروائیوں پر بالا افسران سے انعامات اور تعریفی اسناد وصول کیے نظر انداز کیے گئے تھانیداروں میں محمد ریاض عامر اعظم فیصل جعفری عامر اکرام اشرف جوگی و دیگر شامل کراچی شہر کے حالات کے پیش نظر ان تمام افسران کو موقع دینا چاہیے شہر قائد کا دیرینہ مسئلہ اس ایٹ کرائم ہے جو ایک ناسور کی شکل اختیار کر چکا ہے کراچی پولیس گزشتہ 15 برسوں سے پکے کے ڈاکوؤں سے لڑ رہی ہے لیکن افسوسناک امر ہے وارداتوں کا گراف مزید بڑھ رہا ہے سندھ پولیس کے اعلی افسران کو اسٹریٹ کرائم کے خلاف جامع پالیسی بنانے کی اشد ضرورت ہے شہر کے باسی اسٹریٹ کرائم کے باعث عدم تحفظ کا شکار نظر اتے ہیں
خواجہ نظام الدین کا تاریخ میں نام سنہری حرفوں میں درج ہے، وسیم شیخ