اسرائیل کی نسل کشی بند کراؤ، فلسطین کو تسلیم کرو، جنوبی افریقہ کا عالمی برادری سے مطالبہ
اشاعت کی تاریخ: 6th, August 2025 GMT
جنوبی افریقہ نے عالمی برادری سے اپیل کی ہے کہ وہ فلسطینی ریاست کو تسلیم کرے اور اسرائیل کی "نسلی نسل کشی" کی سرگرمیوں کو روکنے کے لیے مؤثر اقدام کرے۔ یہ بات جنوبی افریقہ کے وزیر خارجہ رونالڈ لامولا نے منگل کو ایک انٹرویو میں کہی۔
انہوں نے کہا کہ جن ممالک نے اسرائیل کی حمایت کی تھی، اب وہ بھی کہنے لگے ہیں کہ یہ سب مزید برداشت نہیں کیا جا سکتا، جو اس بات کی نشاندہی ہے کہ اسرائیلی حکومت پر دباؤ بڑھ رہا ہے۔
جنوبی افریقہ نے دسمبر 2023 میں اقوام متحدہ کی اعلیٰ ترین عدالت (ICJ) میں ایک مقدمہ دائر کیا تھا جس میں کہا گیا تھا کہ غزہ میں اسرائیل کی جنگ "نسل کشی" کے مترادف ہے۔
اس مقدمے میں اب اسپین، بولیویا، کولمبیا، میکسیکو، ترکی، چلی، اور لیبیا جیسے ممالک بھی شامل ہو چکے ہیں۔
وزیر خارجہ لامولا نے زور دیا کہ “اگر دنیا نے اُس وقت ہمارا ساتھ دیا ہوتا جب ہم نے ICJ میں کیس دائر کیا تھا، تو آج یہ تباہی نہ ہوتی”۔ انہوں نے مزید کہا کہ غزہ میں قحط، بھوک اور آبادی کی مکمل صفائی جیسے خدشات پہلے ہی ظاہر کیے جا چکے تھے۔
فرانس، برطانیہ اور کینیڈا نے اعلان کیا ہے کہ وہ ستمبر میں فلسطینی ریاست کو تسلیم کریں گے اور دیگر ممالک سے بھی ایسا کرنے کی اپیل کی ہے۔
وزیر خارجہ نے کہا کہ جنوبی افریقہ اور امریکہ کے تعلقات ایک نچلی سطح پر پہنچ چکے ہیں۔ انہوں نے الزام لگایا کہ امریکہ جنوبی افریقہ کے داخلی معاملات میں مداخلت کر رہا ہے۔
صدر ٹرمپ کی جانب سے سفید فام جنوبی افریقیوں پر نسلی امتیاز کے جھوٹے دعوے، اور تجارتی معاہدے کی ناکامی کے بعد امریکہ کی جانب سے 30 فیصد ٹیرف عائد کرنے کے فیصلے کو بھی جنوبی افریقی حکومت کی سفارتی ناکامی قرار دیا جا رہا ہے۔
ذریعہ: Express News
کلیدی لفظ: جنوبی افریقہ اسرائیل کی
پڑھیں:
ہاؤس فل ہونے کا امکان، پاکستان اور جنوبی افریقہ کی ٹیمیں 17 سال بعد آج اقبال اسٹیڈیم کی رونقیں بحال کرنے کے لیے تیار
پاکستان کے دل پنجاب کا تاریخی اقبال اسٹیڈیم فیصل آباد 17 سال بعد ایک بار پھر بین الاقوامی کرکٹ کی میزبانی کے لیے تیار ہے، جہاں آج پاکستان اور جنوبی افریقہ کے درمیان 3 میچوں کی ون ڈے سیریز کا پہلا میچ کھیلا جائے گا۔
یہ میدان آخری بار 2008 میں اُس وقت بین الاقوامی مقابلے کا میزبان بنا تھا جب پاکستان اور بنگلہ دیش کے درمیان ایک روزہ میچ یہاں منعقد ہوا۔ 2009 میں لاہور میں سری لنکن ٹیم پر دہشتگرد حملے کے بعد پاکستان 6 سال تک عالمی کرکٹ سے محروم رہا، جس کے باعث قومی ٹیم کو اپنی ’ہوم سیریز‘ متحدہ عرب امارات میں کھیلنا پڑی۔
مزید پڑھیں: فیصل آباد کو 17 سال بعد میزبانی مل گئی، بنگلہ دیش کے خلاف ٹی20 سیریز کا شیڈول جاری
گزشتہ چند برس میں اسٹیڈیم کی تزئین و آرائش اور جدید سہولیات کی فراہمی کے بعد فیصل آباد کو دوبارہ بین الاقوامی کرکٹ کے نقشے پر شامل کیا گیا ہے۔
پاکستان کے نومنتخب ون ڈے کپتان شاہین شاہ آفریدی نے پری میچ پریس کانفرنس میں فیصل آباد میں میچ کے انعقاد کو شہر کے شائقین کے لیے ایک تاریخی لمحہ قرار دیا۔
ان کا کہنا تھا یہ میرے لیے اعزاز ہے کہ میں فیصل آباد جیسے جوشیلے کرکٹ شائقین کے سامنے قومی ٹیم کی قیادت کروں۔ ہم پوری قوت کے ساتھ میدان میں اتریں گے۔
Pakistan captain @iShaheenAfridi‘s pre-series press conference in Faisalabad | Pakistan vs South Africa ODI series 2025#PAKvSA | #GreenPeYaqeen pic.twitter.com/jUSWuzaOZg
— PCB Media (@TheRealPCBMedia) November 3, 2025
شاہین شاہ کے ہمراہ حارث رؤف اور نسیم شاہ پر مشتمل تیز رفتار بولنگ اٹیک جنوبی افریقہ کے بلے بازوں کے لیے بڑا چیلنج ثابت ہو سکتا ہے، جبکہ بیٹنگ لائن میں بابر اعظم، فخر زمان اور محمد رضوان ٹیم کو مضبوطی فراہم کریں گے۔
مزید پڑھیں: بابراعظم کی فارم واپس آنے سے ڈریسنگ روم کا اعتماد بحال ہورہا ہے، شاہین شاہ آفریدی
دوسری جانب جنوبی افریقہ کی ٹیم اپنے مستقل کپتان ٹیمبا باووما سمیت 7 اہم کھلاڑیوں کے بغیر میدان میں اترے گی، جنہیں آرام دیا گیا ہے۔ قیادت نوجوان میتھیو بریٹزکے کے سپرد کی گئی ہے، جنہوں نے رواں سال لاہور میں نیوزی لینڈ کے خلاف اپنے ڈیبیو پر 150 رنز کی ریکارڈ ساز اننگز کھیلی تھی۔
بریٹزکے کا کہنا تھا کہ یہ ایک موقع ہے کہ نوجوان کھلاڑی آگے بڑھ کر اپنی صلاحیتیں منوائیں۔ پاکستان ایک مضبوط ٹیم ہے، مگر ہم اپنی پوری کوشش کریں گے۔
South Africa captain Matthew Breetzke’s press conference | Pakistan vs South Africa ODI Series 2025#PAKvSA | #GreenPeYaqeen pic.twitter.com/crTAYM7dIE
— PCB Media (@TheRealPCBMedia) November 3, 2025
جنوبی افریقہ کے تجربہ کار اوپنر کُوئنٹن ڈی کاک بھی ریٹائرمنٹ واپس لے کر ایک روزہ کرکٹ میں واپسی کر رہے ہیں، جس سے ٹیم کو بیٹنگ میں تقویت ملنے کی امید ہے۔
مزید پڑھیں: فیصل آباد میں 17 سال بعد انٹرنیشنل کرکٹ کی واپسی، پاکستان اور جنوبی افریقہ کی ٹیمیں پہنچ گئیں
سیریز کے بقیہ دونوں میچ بھی فیصل آباد میں جمعرات اور ہفتے کو کھیلے جائیں گے۔ ماضی میں اسی میدان پر دونوں ٹیمیں 3 ون ڈے میچز کھیل چکی ہیں جن میں پاکستان نے 2 (1994، 2007) اور جنوبی افریقہ نے ایک (2003) میں کامیابی حاصل کی۔
???? ???????????????????????????????????? ???????????????? ????
Traffic plan for the Pakistan ???? South Africa ODI series!
➡️ Please remember your new gate number for a smooth entry to Iqbal Stadium, Faisalabad ????️#PAKvSA | #GreenPeYaqeen pic.twitter.com/O8dQyxcZJT
— Pakistan Cricket (@TheRealPCB) November 3, 2025
کرکٹ ماہرین کے مطابق، شائقین کی بڑی تعداد کے پیش نظر اقبال اسٹیڈیم آج ’ہاؤس فل‘ ہوگا، اور 17 سال بعد فیصل آباد ایک بار پھر کرکٹ کے جشن سے جگمگاتا نظر آئے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقبال اسٹیڈیم بابر اعظم، فخر زمان بریٹز پاکستان ٹیمبا باووما جنوبی افریقہ شاہین شاہ آفریدی فیصل آباد
ملک بھر میں انٹرنیٹ سروسز کیوں متاثر ہیں؟