بیوی کی آخری خواہش پوری، شوہر نے کینسر مریضوں کے لیے وِگ بینک قائم کردیا
اشاعت کی تاریخ: 6th, August 2025 GMT
ایک شوہر نے اپنی مرحومہ اہلیہ کی آخری خواہش کو پورا کرتے ہوئے کینسر کے مریضوں کے لیے وِگ بینک قائم کر دیا، تاکہ بالوں سے محروم ہونے والے افراد اپنی خوداعتمادی دوبارہ حاصل کر سکیں۔
یہ بھی پڑھیں: مریم نواز لائیں سرجری اور کیمو تھراپی کے بغیر کینسر کا علاج، ’کیا یہ بات چینیوں کو پتا ہے؟‘
بی بی سی رپورٹ کے مطابق برطانوی شہری ڈیویڈ ڈنزڈیل کی اہلیہ، جینے ڈنزڈیل، کا رواں برس اپریل میں انتقال ہوا۔ وہ کئی برس سے ایسٹ ڈرہم میں کینسر سے متاثرہ افراد کی معاونت کے لیے سپورٹ گروپ چلا رہی تھیں اور ان کی خواہش تھی کہ ایسے مریضوں کو وِگز فراہم کی جائیں جو کیموتھراپی کے دوران اپنے بالوں سے محروم ہو جاتے ہیں۔
ڈیویڈ نے اپنی بیوی کی یاد کو زندہ رکھنے کے لیے’وِگ بینک‘ کے نام سے ایک ہفتہ وار سہولت شروع کی ہے، جہاں مریض صرف 15 پاؤنڈ کی قابلِ واپسی رقم پر وِگ حاصل کرسکتے ہیں۔ یہ سہولت ڈرہم کے علاقے ویٹلے ہل میں واقع ویٹلے ہاؤس میں فراہم کی جارہی ہے۔
ڈیویڈ نے بتایا کہ ان کی بیوی نے زندگی میں دو بار کیموتھراپی کرائی، اور ہر بار بالوں کی محرومی نے اُن پر گہرا نفسیاتی اثر ڈالا۔ ’جب بال گرتے ہیں تو خوداعتمادی بھی ساتھ چلی جاتی ہے۔ یہ ایک نہایت تکلیف دہ مرحلہ ہوتا ہے اور میں ہر اُس شخص کے لیے دل سے محسوس کرتا ہوں جو یہ سب جھیل رہا ہے۔‘
یہ بھی پڑھیں: لیموں کیمو تھراپی سے 10 ہزار گنا زیادہ پُراثر کیوں؟
جینے ڈنزڈیل کو 2018 میں بریسٹ کینسر کی تشخیص ہوئی تھی۔ کئی ماہ کی تکلیف دہ کیموتھراپی کے بعد 2019 میں انہوں نے نیوکیسل کے فری مین اسپتال میں ’آل کلئیر بیل‘ بجائی، جس کا مطلب ہوتا ہے کہ کینسر ختم ہوچکا ہے۔ اس دوران انہوں نے کینسر سے متاثرہ خواتین کی مدد کے لیے ایک سپورٹ گروپ بھی تشکیل دیا۔
بدقسمتی سے 2022 میں بیماری نے دوبارہ حملہ کیا اور اس بار کینسر اُن کے دماغ تک پھیل گیا۔ رواں برس اپریل میں، 54 سال کی عمر میں ان کا انتقال ہو گیا۔
ان کے شوہر، 58 سالہ ڈیویڈ نے کہا کہ وہ اپنی بیوی کی جدوجہد، ہمت اور دوسروں کے لیے خدمات کو جاری رکھنا چاہتے ہیں۔ ’میں چاہتا ہوں کہ لوگ خوشی محسوس کریں، اُنہیں ریلیف ملے۔ جینے یہی چاہتی تھی۔ ‘
وِگ بینک شروع ہوئے ابھی صرف 7 ہفتے ہوئے ہیں اور اس دوران کاؤنٹی ڈرہم کے مختلف علاقوں سے 100 سے زائد وِگز عطیہ کی جاچکی ہیں۔ مقامی کمیونٹی کے مثبت ردعمل پر ڈیویڈ نے کہا ’یہ سب دیکھ کر دل خوش ہو جاتا ہے، میں بہت فخر محسوس کرتا ہوں۔‘
یہ بھی پڑھیں: ناقص آئل میں کباب فرائی، ’چپلی کباب کے ساتھ کینسر فری ہے‘
یہ وِگ بینک نہ صرف ایک عورت کے خواب کی تکمیل ہے، بلکہ اُن درجنوں مریضوں کے لیے بھی امید کا پیغام ہے، جو کینسر سے لڑتے ہوئے خود کو تنہا محسوس کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برطانیہ بیوی شوہر کینسر ہیٹلے ہل وگ بینک.
ذریعہ
ذریعہ: WE News
کلیدی لفظ: برطانیہ بیوی شوہر کینسر وگ بینک کے لیے
پڑھیں:
پاکستان کا بنگلہ دیش کے ساتھ تعلیمی تعاون بڑھانے کا عزم، ڈھاکہ یونیورسٹی کے شعبہ اردو میں کمپیوٹر لیب قائم
پاکستان نے بنگلہ دیش کے ساتھ تعلیمی اور علمی تعاون کو مزید مضبوط بنانے کے عزم کا اعادہ کرتے ہوئے ڈھاکہ یونیورسٹی کے شعبہ اردو کو نئے کمپیوٹر عطیہ کر دیے، جبکہ پاکستانی ہائی کمیشن کے تعاون سے قائم جدید کمپیوٹر لیبارٹری اور تزئین و آرائش شدہ کلاس رومز کا بھی افتتاح کر دیا گیا۔
تقریب میں بنگلہ دیش میں پاکستان کے ہائی کمشنر عمران حیدر اور ڈھاکہ یونیورسٹی کے وائس چانسلر پروفیسر ڈاکٹر اے بی ایم عبیدالاسلام نے مشترکہ طور پر کمپیوٹر لیب کا افتتاح کیا۔ اس موقع پر دونوں رہنماؤں نے تعلیم، تحقیق، ثقافتی روابط اور انسانی وسائل کی ترقی کے شعبوں میں تعاون کو مزید وسعت دینے پر اتفاق کیا۔
ہائی کمشنر عمران حیدر نے افتتاحی تقریب سے خطاب کرتے ہوئے کہا کہ کمپیوٹر لیب کا قیام صرف نئی سہولیات کی فراہمی نہیں بلکہ پاکستان اور بنگلہ دیش کے درمیان تعلیم، ثقافتی ہم آہنگی اور نئی نسل کے روشن مستقبل کے لیے مشترکہ عزم کی علامت ہے۔ انہوں نے امید ظاہر کی کہ جدید لیبارٹری طلبہ اور اساتذہ کی صلاحیتوں میں اضافے، تحقیق کے فروغ اور معیاری تعلیم کے حصول میں اہم کردار ادا کرے گی۔
انہوں نے کہا کہ تعلیم باہمی اعتماد، تعاون اور عوامی روابط کو فروغ دینے کا مؤثر ذریعہ ہے، اسی مقصد کے تحت پاکستانی ہائی کمیشن مختلف تعلیمی اور علمی تعاون کے منصوبوں پر کام کر رہا ہے۔ ان کے مطابق دونوں ممالک کی جامعات کے درمیان مشترکہ تحقیقی منصوبوں، اساتذہ اور طلبہ کے تبادلہ پروگرام، سمسٹر ایکسچینج، مشترکہ ڈگری پروگرامز اور قلیل مدتی تربیتی کورسز شروع کرنے کے وسیع امکانات موجود ہیں۔
اس سے قبل ہائی کمشنر عمران حیدر نے وائس چانسلر پروفیسر ڈاکٹر اے بی ایم عبیدالاسلام سے ملاقات کی، جس میں ڈھاکہ یونیورسٹی اور پاکستان کی مختلف جامعات کے درمیان تعلیمی روابط بڑھانے اور مشترکہ تحقیقی سرگرمیوں کو فروغ دینے پر تبادلہ خیال کیا گیا۔
یہ بھی پڑھیں:بنگلہ دیش میں طارق رحمان کی وزراتِ عظمیٰ: پاک بنگلہ دیش تعلقات میں تاریخی پیشرفت کے مواقع
وائس چانسلر نے پاکستانی ہائی کمیشن کی جانب سے شعبہ اردو کی ترقی کے لیے فراہم کیے گئے تعاون پر شکریہ ادا کرتے ہوئے کہا کہ 1921 میں قائم ہونے والا شعبہ اردو یونیورسٹی کے قدیم اور ممتاز شعبوں میں شمار ہوتا ہے، جہاں اس وقت بی ایس (آنرز)، ماسٹرز، ایم فل اور پی ایچ ڈی کی سطح پر تعلیم دی جا رہی ہے۔ انہوں نے امید ظاہر کی کہ پاکستان کا تعاون مستقبل میں بھی جاری رہے گا، جس سے دونوں ممالک کے درمیان تاریخی، ثقافتی اور تعلیمی تعلقات مزید مستحکم ہوں گے۔
تقریب میں فیکلٹی آف آرٹس کے ڈین پروفیسر ڈاکٹر محمد ابوالکلام سرکار، شعبہ اردو کے چیئرمین ایسوسی ایٹ پروفیسر محمد غلام مولا، پروفیسر ڈاکٹر محمد غلام ربانی، پاکستانی ہائی کمیشن کے ڈپٹی ہائی کمشنر محمد واصف سمیت اساتذہ، طلبہ اور دونوں ممالک کے حکام نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بنگلہ دیش پاکستان پروفیسر ڈاکٹر محمد ابوالکلام سرکار ڈھاکہ یونیورسٹی کمپیوٹر لیب
ٹی20 ورلڈ کپ 2026: پاکستان نے سپر 8 کے لیے جگہ پکی کر لی