کراچی، مشتعل شہریوں کے تشدد سے ڈاکو ہلاک
اشاعت کی تاریخ: 7th, August 2025 GMT
کراچی کے علاقے اورنگی ٹاؤن میں مشتعل شہریوں کے تشدد سے ایک ڈاکو ہلاک جبکہ دو زخمی ہوگئے۔
اورنگی ٹاؤن کے علاقے سیکٹر 8 میں شہریوں نے 3 ڈاکوؤں کو لوٹ مار کرنے کے الزام میں پکڑ کر بہیمانہ تشدد کا نشانہ بنا ڈالا جس کے نتیجے میں تینوں ڈاکو شدید زخمی ہوگئے جن میں سے ایک ڈاکو ہلاک ہوگیا۔
پولیس حکام کے مطابق ہلاک ہونے والے ڈاکو کی شناخت سلیمان کے نام سے کی گئی جبکہ شدید زخمی دونوں ڈاکوؤں کے نام اسد اور عدنان معلوم ہوئے ہیں۔
ابتدائی تحقیقات میں واقعہ شہری سے لوٹ مار کے دوران مزاحمت پر پیش آیا جس میں ڈاکوؤں نے شہری کو سر پر پستول کے بٹ مار کر زخمی کیا جو کہ اورنگی ٹاؤن میں قائم قطر اسپتال سے طبی امداد کے بعد چلا گیا جبکہ ڈاکوؤں کے قبضے سے 2 پستول اور موٹر سائیکل برآمد ہوئی ہے۔
.ذریعہ: Jang News
کلیدی لفظ: ڈاکوو ں
پڑھیں:
کیلیفورنیا میں بھارتی شہری پولیس فائرنگ سے ہلاک، اہل خانہ نے نسل پرستی کا الزام عائد کر دیا
امریکی ریاست کیلیفورنیا میں ایک 30 سالہ ٹیکنالوجی ماہر بھارتی شہری پولیس فائرنگ سے ہلاک ہوگیا، پولیس کا کہنا ہے کہ اس نے مبینہ طور پر اپنے روم میٹ پر چاقو سے حملہ کیا تھا۔
سانتا کلارا کاؤنٹی ڈسٹرکٹ اٹارنی آفس اور پولیس نے مشترکہ تحقیقات شروع کردی ہیں، تاہم اہل خانہ نے نسل پرستی کا الزام عائد کرتے ہوئے واقعے کی مکمل تحقیقات کا مطالبہ کیا ہے۔
پولیس کے مطابق مہا بوب نگر (تلنگانہ) سے تعلق رکھنے والے محمد نظام الدین کو 3 ستمبر کو سانتا کلارا میں ان کے گھر پر گولی ماری گئی، جہاں وہ اپنے روم میٹ کو دبائے ہوئے تھے اور اس کے جسم پر زخموں کے نشانات پائے گئے۔
یہ بھی پڑھیں: پاکستانی شہریوں کا قتل: بھارتی وزیر دفاع کے اعتراف پر امریکی ترجمان کا تبصرے سے گریز
پولیس کو اس وقت اطلاع ملی تھی جب 911 پر چاقو سے حملے کی کال موصول ہوئی، پولیس بیان میں کہا گیا ہے کہ زخمی روم میٹ کی حالت بہتر ہے۔
’افسران موقع پر پہنچے، مشتبہ شخص کا سامنا ہوا اور ایک فائرنگ کا واقعہ پیش آیا، ملزم کو اسپتال منتقل کیا گیا جہاں اسے مردہ قرار دیا گیا، جبکہ زخمی روم میٹ کو اسپتال میں طبی امداد فراہم کی جارہی ہے۔‘
ادھر نظام الدین کے اہل خانہ کا کہنا ہے کہ پولیس کو خود اسی نے مدد کے لیے کال کی تھی، خاندان نے الزام لگایا کہ وہ ماضی میں نسل پرستی، اجرتی دھوکہ دہی اور غیر قانونی برطرفی کے خلاف آواز اٹھاتا رہا تھا۔
مزید پڑھیں: بھارت کی شرح پیدائش میں نمایاں کمی، وجوہات کیا ہیں؟
ان کے مطابق وہ ایک پُرسکون اور مذہبی شخص تھا جس نے لنکڈ اِن پر بھی ایک طویل پوسٹ میں اپنے ساتھ ہونے والے نسلی امتیاز، ہراسانی، خوراک میں زہر ملانے اور نگرانی جیسے سنگین الزامات عائد کیے تھے۔
بھارتی میڈیا کے مطابق اہل خانہ نے بھارتی وزارت خارجہ سے لاش کی واپسی اور مکمل تحقیقات میں تعاون کی اپیل کی ہے۔
اس سلسلے میں مجلس بچاؤ تحریک کے ترجمان امجد اللہ خان نے وزیر خارجہ ایس جے شنکر کو خط بھی لکھا ہے تاکہ واشنگٹن ڈی سی میں بھارتی سفارت خانے اور سان فرانسسکو قونصلیٹ کو شامل کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی شہری بھارتی وزارت خارجہ پولیس چاقو روم میٹ فائرنگ کیلیفورنیا ہلاک
یہ وہ لاہور نہیں