اسلام آباد: غزہ کیلئے 200 ٹن کی امدادی کھیپ روانہ
اشاعت کی تاریخ: 8th, August 2025 GMT
ویب ڈیسک: وزیراعظم کی خصوصی ہدایات پر پاکستان کی جانب سے غزہ کے لیے مزید امدادی سامان روانہ کردیا گیا۔
غزہ کے لیے امدادی سامان کی فراہمی کے حالیہ سلسلے میں مزید200ٹن امدادی سامان 2 خصوصی پروازوں کے ذریعے روانہ کیا گیا۔
اسلام آباد انٹر نیشنل ائیرپورٹ سے 100 ٹن امدادی سامان پر مشتمل 18ویں کھیپ بذریعہ خصوصی پرواز روانہ کی گئی، قبل ازیں 100 ٹن امدادی سامان پر مشتمل 17 ویں کھیپ 7 اگست کو روانہ کی گئی تھی۔
کوئٹہ سمیت بلوچستان کے بیشترعلاقوں میں موبائل انٹرنیٹ ڈیٹا سروس تیسرے روز بھی معطل
18 ویں کھیپ میں 100 ٹن امدادی سامان بشمول راشن بیگز، تیار کھانا اور ادویات روانہ کیا گیا ہے، اب تک 18امدادی کھیپوں کے ذریعے بھیجی گئی امداد کا مجموعی وزن 1815 ٹن ہے۔
سامان روانگی کی تقریب میں وفاقی وزیر اطلاعات عطا اللہ تارڑ نے بطور مہمان خصوصی شرکت کی، اس موقع پر فلسطینی سفیر سمیت حکومتی نمائندے اوراین ڈی ایم اے کے اعلیٰ افسران بھی موجود تھے۔
وفاقی وزیرنے سامان کی فوری روانگی یقینی بنانے پر این ڈی ایم اے اور دیگر فلاحی اداورں کی کوششوں کو سراہا۔
لاہور: دل کا دورہ پڑنے پر میاں، بیوی فلائی اوور سے گر کر جاں بحق
انہوں نے اس عزم کا اعادہ کیا کہ پاکستان اس مشکل وقت میں فلسطین کے عوام کے ساتھ کھڑا ہے اور ان کی ضروریات کو پورا کرنے کی ہرممکن کوشش کرے گا۔
ذریعہ: City 42
کلیدی لفظ: روانہ کی
پڑھیں:
انجینیئرز کا احجتاج: پی آئی اے فلائٹ آپریشن متبادل ذرائع سے بحال
قومی ایئر لائن پی آئی اے کے انجینیئرنگ گروپ (ایس ای اے پی) کی جانب سے انتظامیہ پر دباؤ ڈالنے کی کوشش ناکام بنا دی گئی۔
یہ بھی پڑھیں: پی آئی اے انجینئرز کی کام چھوڑ تحریک غیر قانونی اور نجکاری سبوتاژ کی کوشش ہے، ترجمان
پی آئی اے کے ترجمان کا کہنا ہے کہ انتظامیہ نے متبادل ذرائع استعمال کرتے ہوئے فلائٹ آپریشنز بحال کر دیے۔
ترجمان پی آئی اے کے مطابق ایک ’غیر قانونی‘ تنظیم ایس ای اے پی نے گزشتہ رات انتظامیہ پر دباؤ ڈالنے کے ارادے سے جہازوں کی کلیرنس روکنی شروع کر دی تھی تاکہ فلائٹ آپریشن معطل کر کے نظام کو مفلوج کیا جا سکے۔ تاہم پی آئی اے انتظامیہ نے فوری طور پر متبادل اقدامات کرتے ہوئے انجینیئرنگ شعبے کے کلیدی افسران کی مدد سے آپریشن بحال کر دیا۔
غیر قانونی طور پر کام چھوڑنے کے باعث چند پروازوں کو تاخیر اور منسوخی کا سامنا کرنا پڑا تاہم اب بیشتر پروازیں روانگی اختیار کر چکی ہیں۔
ترجمان کے مطابق کراچی سے ٹورنٹو اور اسلام آباد سے مانچسٹر کی پروازیں بروقت روانہ ہوئیں۔
مزید پڑھیے: پی آئی اے کی ریاض ایئر کے ساتھ کارگو ڈیل، قومی ایئرلائن کو کیا فائدہ ہوگا؟
لاہور سے مدینہ کی پرواز 14 گھنٹے تاخیر کے بعد روانہ ہوئی۔ کراچی سے جدہ 12 گھنٹے تاخیر سے روانہ ہوئی۔ اسلام آباد سے دبئی 9 گھنٹے تاخیر کے بعد روانہ ہوئی۔ اسلام آباد سے دمام اور سیالکوٹ سے ریاض کی پروازیں 7،7 گھنٹے تاخیر سے روانہ ہوئیں جبکہ اسلام آباد سے جدہ کو 6 گھنٹے اور کراچی سے اسلام آباد کو 4 گھنٹے کی تاخیر کا سامنا کرنا پڑا۔
آپریشنل دباؤ کو ایڈجسٹ کرنے کے لیے 5 پروازیں منسوخ کی گئیں تاہم تمام متاثرہ مسافروں کو متبادل پروازوں کی پیشکش کر دی گئی ہے۔
مزید پڑھیں: پی آئی اے کی نجکاری میں تاخیر کیوں ہو رہی ہے؟
ترجمان پی آئی اے کے مطابق فلائٹ آپریشنز جلد ہی مکمل طور پر معمول پر آ جائیں گے۔ ان کے مطابق قومی ایئر لائن کے نظام کو مفلوج کرنے کی کسی بھی کوشش کو برداشت نہیں کیا جائے گا اور ضروری سروسز کے تسلسل کے لیے ہر ممکن قدم اٹھایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی آئی اے پی آئی اے احتجاج پی آئی اے فلائٹس بحال
ٹریفک قوانین کی خلاف ورزی اور نادہندگان کیخلاف مؤثر کارروائی کیلئے “ون ایپ” متعارف