صیہونی کابینہ کے فیصلے پر اسلامی مزاحمتی گروہوں کا ردعمل
اشاعت کی تاریخ: 8th, August 2025 GMT
فلسطین مزاحمتی کمیٹیرز نے غاصب صیہونی کابینہ کی جانب سے غزہ پر فوجی قبضہ کرنے کی منظوری دیے جانے پر ردعمل ظاہر کرتے ہوئے اسے صیہونی حکمرانوں کی بڑی شکست قرار دیا اور کہا کہ یہ رژیم میدان جنگ میں اپنے مدنظر کوئی ایک ہدف بھی حاصل نہیں کر پائی ہے۔ اسلام ٹائمز۔ فلسطین میں اسلامی مزاحمتی گروہوں کے مشترکہ پلیٹ فارم فلسطین مزاحمتی کمیٹیز نے غاصب صیہونی رژیم کی نیتن یاہو کابینہ کی جانب سے غزہ پر مکمل فوجی قبضے کی منظوری دیے جانے کے فیصلے کی شدید مذمت کی ہے اور اعلان کیا ہے: "غزہ پر مکمل فوجی قبضے پر مبنی صیہونی رژیم کی سیکورٹی کونسل کے فیصے دراصل دشمن کی بحرانی صورتحال، اس کی سیاسی اور آپریشنل کمزوری اور ناتوانی اور صیہونی رژیم کی بڑی شکست کو عیاں کرتے ہیں اور ظاہر ہوتا ہے کہ یہ رژیم اپنا کوئی بھی ہدف حاصل نہیں کر پائی ہے۔" فلسطین مزاحمتی کمیٹیز کے بیانیے میں مزید کہا گیا ہے: "غزہ پر فوجی قبضے پر مبنی جنگی مجرم بنجمن نیتن یاہو کا فیصلہ نسل کشی، جنگی جرائم کی تکمیل، نابودی اور قتل و غارت کا واضح ایجنڈا ہے۔" فلسطین مزاحمتی کمیٹیز نے خبردار کرتے ہوئے کہا: "ہم غزہ میں داخل ہونے والی ہر فورس اور ہر ملک کو دشمن، غاصب اور صیہونی دشمن کے آلہ کار کے طور پر لیں گے اور اس کی تقدیر بھی شکست اور نابودی کے سوا کچھ نہیں ہو گی۔" فلسطین مزاحمتی کمیٹیز نے غاصب صیہونی رژیم کے خلاف جدوجہد جاری رکھنے کے لیے مسلح رہنے پر زور دیتے ہوئے کہا: "مزاحمت کا اسلحہ فلسطینی سرزمین سے غاصبانہ قبضہ مکمل طور پر ختم ہونے تک باقی رہے گا۔"
فلسطین مزاحمتی کمیٹیز نے اپنے بیانیے کے آخر میں کہا: "ہم امت مسلمہ سے مطالبہ کرتے ہیں کہ وہ عوامی سطح پر احتجاج کی کال دیں اور تمام شہروں میں عوام غزہ میں شدید بمباری اور بھوک کے باعث شہید ہوتے ہوئے فلسطینیوں کی حمایت کے لیے سڑکوں پر نکلیں۔" دوسری طرف تحریک مجاہدین فلسطین نے بھی غزہ پر قبضے سے متعلق صیہونی کابینہ کے فیصلے پر ردعمل ظاہر کرتے ہوئے کہا: "غزہ پر قبضے سے متعلق صیہونی رژیم کی سیکورٹی کابینہ کے فیصلے نسل کشی پر مبنی جنگ کا تسلسل ہے۔" تحریک مجاہدین فلسطین نے مزید کہا: "غاصب صیہونی رژیم کے جارحانہ فیصلوں نے ایک بار پھر ثابت کر دیا ہے کہ صیہونی رژیم مذاکرات ناکام ہونے کا اصل سبب ہے۔" اس بیانیے میں مزید کہا گیا ہے: "غزہ ہر قسم کے غاصبانہ اقدام یا جارح قوت کا مقابلہ کرے گا اور ہر گز بیرونی طاقت کو اپنی تقدیر پر مسلط نہیں ہونے دے گا اور جارح طاقتوں کے لیے غاصبانہ قبضہ بڑھانا آسان نہیں ہو گا۔" تحریک مجاہدین فلسطین نے اسلامی مزاحمت کا اسلحہ باقی رکھنے پر زور دیتے ہوئے کہا: "مزاحمت کا اسلحہ فلسطینی عوام کی ملکیت ہے اور جارح قوتوں سے آزادی تک باقی رہے گا۔" اس بیانیے میں عرب اور اسلامی حکومتوں اور اقوام سے مطالبہ کیا گیا ہے کہ وہ فلسطینی عوام کے حق میں آواز اٹھائیں۔
ذریعہ
ذریعہ: Islam Times
کلیدی لفظ: فلسطین مزاحمتی کمیٹیز نے صیہونی رژیم کی غاصب صیہونی کے فیصلے ہوئے کہا
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم