امریکا میں سب سے زیادہ چوری ہونے والی کار کون سی ہے؟
اشاعت کی تاریخ: 9th, August 2025 GMT
شیورلے کیمرو زیڈایل ون ملک میں سب سے زیادہ چوری ہونے والی کار بن گئی ہے، اعداد و شمار ظاہر کرتے ہیں کہ سڑکوں پر موجود کیمرو زیڈایل ون گاڑیوں کی مجموعی چوری کی شرح دیگر تمام گاڑیوں کے مقابلے میں 39 گنا زیادہ ہے۔
امریکی ہائی وے لاس ڈیٹا انسٹیٹیوٹ کی تازہ رپورٹ کے مطابق معمولی ماڈل کیمرو بھی چوروں کا نشانہ بن رہی ہے، جس کی چوری کی شرح اوسط گاڑیوں کے مقابلے میں 13 گنا زیادہ ہے، انسٹیٹیوٹ کا کہنا ہے کہ کیمرو کو چوری کا نشانہ بنانا ایک نیا رجحان ہے کیونکہ ماضی میں یہ گاڑی اس فہرست میں نمایاں نہیں ہوتی تھی۔
2025 کی دو تازہ رپورٹس میں کیمرو زیڈایلون 2 ڈور، کیمرو 2 ڈور اور کیمرو کنورٹیبل کو 2022 سے 2024 کے دوران مسافروں کی گاڑیوں میں سب سے زیادہ چوری ہونے والے 10 ماڈلز میں شامل کیا گیا ہے۔
امریکی ہائی وے لاس ڈیٹا انسٹیٹیوٹ اور انشورنس انسٹیٹیوٹ فار ہائی وے سیفٹی کے چیف آپریشن آفیسر میٹ مور کے مطابق، مسکل کارز اکثر اس فہرست میں سرفہرست رہتی ہیں کیونکہ چور زیادہ ہارس پاور والی گاڑیوں کی طرف راغب ہوتے ہیں۔ ’یہی وجہ ہے کہ زیادہ مہنگی اور طاقتور زیڈایل ون، عام کیمرو کے مقابلے میں کہیں زیادہ چوری ہوتی ہے۔‘
گاڑی کی طاقت کے علاوہ، کیمرو کے نئے ماڈلز میں ایک تکنیکی خامی بھی موجود ہے جس کے ذریعے چور آن بورڈ پورٹس تک رسائی حاصل کر کے چابی کا کوڈ کلون کر سکتے ہیں، جنرل موٹرز نے مارچ میں 2020 سے 2024 ماڈلز کے لیے ایک سروس مہم شروع کی ہے، جس کے تحت مالکان اپنی گاڑیوں کا مفت سافٹ ویئر اپ ڈیٹ کروا سکتے ہیں تاکہ چوری کے خطرے کو کم کیا جا سکے۔
دوسری جانب، سب سے کم چوری ہونے والی 20 گاڑیوں میں 8 الیکٹرک گاڑیاں اور دو پلگ اِن ہائبرڈز شامل ہیں، جن کی کل چوری کی شرح اوسط سے 85 فیصد کم ہے، تحقیق کے مطابق الیکٹرک گاڑیاں چوروں کے لیے کم پرکشش ہوتی ہیں کیونکہ وہ زیادہ تر گیراج یا چارجنگ کے لیے عمارتوں کے قریب پارک کی جاتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آن بورڈ پورٹس امریکا پلگ اِن ہائبرڈز جنرل موٹرز چوری ڈیٹا انسٹیٹیوٹ سروس مہم شیورلیٹ کلون کوڈ کیمرو زیڈایل ون ہائی وے.ذریعہ: WE News
کلیدی لفظ: آن بورڈ پورٹس امریکا پلگ ا ن ہائبرڈز جنرل موٹرز چوری شیورلیٹ کلون کوڈ ہائی وے زیادہ چوری چوری ہونے ہائی وے کے لیے
پڑھیں:
پولیس اہلکاروں کا ای چالان سے بچنے کیلیے بغیر نمبر پلیٹ گاڑیوں پر گشت
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر میں پولیس اور ٹریفک پولیس کی جانب سے بغیر نمبر پلیٹ گاڑیوں اور موٹر سائیکلوں پر گشت کرنے کی متعدد وڈیوز سوشل میڈیا پر وائرل ہونے کے بعد ایڈیشنل آئی جی کراچی جاوید عالم اوڈھو نے سخت نوٹس لے لیا ہے اور تمام زونل ڈی آئی جیز، ایس ایس پیز اور فیلڈ افسران کو فوری ہدایات جاری کر دی ہیں۔ ایڈیشنل آئی جی کراچی نے واضح کیا کہ بغیر نمبر پلیٹ گاڑیاں ناصرف قانون کی خلاف ورزی ہیں بلکہ شہریوں میں پولیس کے بارے میں منفی تاثر پیدا کرتی ہیں۔ انہوں نے ہدایت دی کہ کوئی بھی سرکاری موبائل یا پولیس کی زیرِ استعمال موٹر سائیکل بغیر نمبر پلیٹ کے سڑک پر نہ لائی جائے، بصورتِ دیگر متعلقہ افسر کے خلاف محکمانہ کارروائی عمل میں لائی جائے گی۔ ذرائع کے مطابق سوشل میڈیا پر وائرل وڈیوز میں دیکھا گیا کہ ڈیفنس، شاہراہِ قائدین، جیل روڈ اور حسن اسکوائر سمیت مختلف علاقوں میں پولیس موبائلز‘ ٹریفک پولیس کی موٹر سائیکلیں اور ڈمپرز بغیر نمبر پلیٹ کے سڑکوں پر دوڑتے نظر آئے۔ بعض اہلکاروں نے تو موٹر سائیکل کی نمبر پلیٹ کے نصف ہندسے غائب کر دیے تاکہ ای چالان سسٹم سے بچا جاسکے۔ عینی شاہدین کا کہنا ہے کہ ڈیفنس میں پولیس اہلکاروں نے بغیر نمبر پلیٹ موبائل کے ذریعے ملزمان کو گرفتار کرنے کی کارروائی بھی کی جس پر شہریوں نے سوال اٹھایا کہ قانون نافذ کرنے والا ادارہ خود قانون کی خلاف ورزی کیوں کر رہا ہے۔ شہریوں نے بغیر نمبر پلیٹ گاڑیوں کی وڈیوز بنا کر سوشل میڈیا پر شیئر کیں جس کے بعد عوامی تنقید میں اضافہ ہوا۔ متعدد شہریوں نے مطالبہ کیا کہ قانون سب کے لیے یکساں ہونا چاہیے، چاہے وہ عام شہری ہو یا پولیس اہلکار۔ ایڈیشنل آئی جی جاوید عالم اوڈھو نے مزید کہا کہ تمام فیلڈ افسران اپنے ماتحت عملے کی سخت نگرانی کریں کیونکہ اس معاملے میں کسی بھی قسم کی غفلت یا نرمی برداشت نہیں کی جائے گی۔ پولیس حکام کے مطابق واقعے کی تحقیقات جاری ہیں اور بغیر نمبر پلیٹ گاڑیوں کے استعمال میں ملوث اہلکاروں کی شناخت کی جا رہی ہے۔ ابتدائی رپورٹ کے بعد متعلقہ افسران کے خلاف کارروائی متوقع ہے۔
عوامی خدمت، تیز رفتار ترقی، شفاف گورننس مسلم لیگ (ن) کا اصل ایجنڈا: مریم نواز