راولپنڈی،غیرت کے نام پر خاتون کا قتل، 6 ملزمان جوڈیشل ریمانڈ پر جیل منتقل
اشاعت کی تاریخ: 9th, August 2025 GMT
راولپنڈی میں غیرت کے نام پر شادی شدہ خاتون کے قتل کیس میں گرفتار 6 ملزمان کو عدالتی ریمانڈ پر جیل بھیج دیا گیا ہے۔
یہ بھی پڑھیں: سدرہ قتل کیس، رکشہ ڈرائیور کا 3 روزہ ریمانڈ منظور، قبرستان کے گورگن اور سیکریٹری جیل منتقل
ہفتے کے روز راولپنڈی کی مقامی عدالت میں سول جج ذیشان بٹ نے کیس کی سماعت کی، جہاں پولیس نے 4 روزہ جسمانی ریمانڈ مکمل ہونے پر ملزمان کو پیش کیا۔ دوران سماعت پولیس نے مزید جسمانی ریمانڈ کی درخواست دی تاہم عدالت نے یہ استدعا مسترد کردی۔
عدالت نے مقتولہ کے شوہر، والد اور جرگے کے سربراہ سمیت 6 ملزمان کو جیل منتقل کرنے کا حکم سنایا۔
یہ بھی پڑھیں: راولپنڈی جرگہ قتل کیس: ملزم عصمت اللہ خان کی فائرنگ کی نئی ویڈیو سامنے آگئی
یاد رہے کہ گزشتہ ماہ پیر ودھائی میں ایک شادی شدہ خاتون کو غیرت کے نام پر قتل کر دیا گیا تھا، جس پر 8 سے زائد افراد کو گرفتار کیا گیا تھا۔
گرفتار شدگان میں مقتولہ کے اہلخانہ بھی شامل ہیں جبکہ جرگے کے سربراہ نے دوران تفتیش خاتون کے قتل کا اعتراف بھی کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news جوڈیشل ریمانڈ راولپنڈی سدرہ قتل کیس ملزمان.ذریعہ: WE News
کلیدی لفظ: جوڈیشل ریمانڈ راولپنڈی سدرہ قتل کیس قتل کیس
پڑھیں:
بھارتی ریاست تریپورہ میں خاتون کی نیم جلی لاش برآمد، الزام بی جے پی رکن اسمبلی کے بھتیجے پر عائد
بھارتی ریاست تریپورہ کے ضلع گوماتی میں ایک خاتون کی نیم جلی لاش برآمد ہونے کے بعد معاملہ سنگین سیاسی رخ اختیار کر گیا۔
خاتون کے شوہر نے الزام لگایا ہے کہ بی جے پی رکن اسمبلی جیتندر ماجمدار کے بھتیجے اور اس کے ساتھیوں نے انہیں اور ان کی بیوی کو شدید تشدد کا نشانہ بنایا جس کے بعد خاتون نے مبینہ طور پر خودکشی کر لی۔
یہ بھی پڑھیے: مودی کے خلاف نعرے بازی، پٹنہ میں کانگریس اور بی جے پی کارکنوں میں تصادم
پولیس نے ابتدائی طور پر غیر فطری موت کا مقدمہ درج کیا تھا تاہم بعد میں اسے خودکشی پر اکسانے کا کیس بنا دیا گیا۔ پولیس کے مطابق واقعے کی تفتیش جاری ہے اور مزید دفعات شامل کی جائیں گی۔
وزیر خزانہ پرنجیت سنگھ رائے نے متاثرہ خاندان کے گھر جا کر یقین دلایا کہ واقعے کی غیر جانبدارانہ تفتیش ہوگی اور قصورواروں کو سخت سزا ملے گی۔ ریاستی وزیراعلیٰ مانک سہہ نے بھی فیس بک پر لکھا کہ 4 ملزمان کو گرفتار کر لیا گیا ہے اور کسی کو بھی بخشا نہیں جائے گا۔
خاتون کے شوہر نے الزام لگایا کہ جب وہ شکایت درج کرانے گئے تو پولیس نے ان کی بات نہیں سنی اور واپسی پر ملزمان نے ان کا پیچھا کیا۔ اگلی صبح ان کی بیوی کی نیم جلی لاش سڑک کے قریب ملی۔
یہ بھی پڑھیے: بھارتی وزیراعظم کا 2 برس بعد منی پور کا دورہ، عوام کا شدید احتجاج، ’گوی مودی‘ کے نعرے
اس واقعے پر اپوزیشن جماعتیں برہم ہیں۔ کانگریس نے الزام لگایا ہے کہ پولیس ملزمان کو بچانے کی کوشش کر رہی ہے جبکہ پارٹی رہنماؤں نے مطالبہ کیا ہے کہ وزیراعظم نریندر مودی کے 22 ستمبر کے دورے سے پہلے تمام ملزمان کو گرفتار کیا جائے۔
دوسری جانب اپوزیشن جماعت سی پی آئی (ایم) نے پولیس ہیڈکوارٹر کے باہر مظاہرے کرتے ہوئے الزام لگایا کہ خاتون کو زندہ جلایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا بی جے پی نریندر مودی
ایشیا کپ: پاک یو اے ای میچ کے دوران امپائر زخمی ہو کر میدان سے باہر چلے گئے