سندھ میں خواتین ورکرز کے ساتھ اور کس کو ای بائیکس ملیں گی؟
اشاعت کی تاریخ: 10th, August 2025 GMT
کراچی (نیوز ڈیسک) ورکرز ویلفیئر بورڈ سندھ نے خواتین کے ساتھ ساتھ اقلیتی ورکرز کو بھی ای بائیک فراہم کرنے کا فیصلہ کیا ہے۔
تفصیلات کے مطابق سیکرٹری رفیق قریشی نے کہا ہے کہ سندھ کی اقلیتی برادری کے لیے بڑی خوشخبری ہے، ورکرز ویلفیئر بورڈ سندھ نے خواتین کے ساتھ اقلیتی برادری کے صنعتی ورکرز کو بھی الیکٹرک بائیک فراہم کرنے کا فیصلہ کیا ہے۔
سیکرٹری محنت رفیق قریشی نے کہا کہ بورڈ کی منظوری سے وہ ایس ای سی پی سے منظور شدہ شریعہ کمپلائنٹ سکوک بانڈز میں 3 ارب روپے کی سرمایہ کاری کرنے جارہے ہیں تاکہ مزدوروں کو مزید سہولیات فراہم کی جاسکیں۔ ایکسیڈنٹل ہیلتھ انشورنس اسکیم میں مزدوروں کو سالانہ سات لاکھ روپے کا ہیلتھ انشورنس اور ملک کے دو سو ستر اسپتالوں میں علاج فراہم کیا جائے گا۔
ورکرز کے لیےفلیٹس کی بجائے سولرائزڈ گھر بنائے جائیں گے، اسکولوں کو بھی ورکرز ویلفیئر بورڈ کے تحتسولرائز کیا جا رہا ہے، بچوں کو سال میں دو بار اسکول یونیفارم دیا جائے گا۔
سیکرٹری محنت رفیق قریشی نے مزید کہا کہ ورکرز ویلفیئر بورڈ کے تمام شعبوں کو ڈیجیٹل کیا جا رہا ہے تاکہ وہ مزدوروں کو مناسب سہولیات فراہم کر سکیں۔ وزیر اعلیٰ سندھ کی ہدایت پر ڈیتھ گرانٹ کی رقم 7 سے بڑھا کر 10 لاکھ اور شادی گرانٹ کی رقم 3 سے بڑھا کر 5 لاکھ کی جارہی ہے۔
انہوں نے کہا کہ ورکرز ویلفیئر بورڈ سندھ کی جانب سے اٹھائے گئے یہ اقدامات محنت کشوں کے حقوق اور فلاح و بہبود کے لیے ایک نئی امید اور روشن مستقبل کی ضمانت ہیں، جس سے نہ صرف محنت کش طبقے کا معیار زندگی بہتر ہوگا بلکہ تعلیم، ہاؤسنگ، صحت اور توانائی کے شعبوں میں پائیدار ترقی کی راہ ہموار ہوگی۔
Post Views: 5.ذریعہ: Daily Mumtaz
کلیدی لفظ: ورکرز ویلفیئر بورڈ
پڑھیں:
وزیراعلیٰ پنجاب مریم نواز کا ڈیجیٹل ویژن، معذور افراد کے لیے موبائل ایپ کا اجرا
کلیم اختر:وزیراعلیٰ پنجاب مریم نواز کے ڈیجیٹل ویژن کے تحت محکمہ سوشل ویلفیئر پنجاب نے ’’اسِسٹو ڈیوائسز اینڈ وہیل چیئر‘‘ موبائل ایپلی کیشن لانچ کر دی۔
ایپ کے ذریعے افرادِ باہم معذوری گھر بیٹھے وہیل چیئر اور معاون آلات کے لیے درخواست دے سکیں گے، جبکہ یہ سہولت گھر کی دہلیز پر فراہم کی جائے گی۔
صوبائی وزیر نے کہا کہ ڈیجیٹل ٹیکنالوجی کے ذریعے معذور افراد کو بااختیار بنانا حکومتِ پنجاب کا مشن ہے۔
واٹس ایپ صارفین کیلئے خوشخبری ,اب بغیر فون نکالے ایپ استعمال کرنا ممکن
ایپ کے ذریعے فیلڈ افسران بھی درخواستوں کی رجسٹریشن اور مانیٹرنگ کر سکیں گے، جبکہ محکمہ سوشل ویلفیئر نے تمام فیلڈ افسران کو ایپ انسٹال کرنے اور آگاہی مہم تیز کرنے کی ہدایت جاری کر دی ہے۔
پاکستان کی سفارتکاری نئے اعتماد اور استحکام کے دور میں داخل ہو چکی ہے: خواجہ آصف