مسلمانوں نے قائداعظم کی آواز پر لبیک کہا اور آزادی کے اصل مقصد کو سمجھا، بلال سلیم قادری
اشاعت کی تاریخ: 10th, August 2025 GMT
تقریب سے خطاب کرتے ہوئے سیکرٹری جنرل پی ایس ٹی نے کہا کہ ہمیں اپنی نئی نسل کو بار بار اس بات کی نشاندہی کرتے رہنا چاہیئے کہ اس آزادی کے لیے کتنی قربانیاں دی گئی ہیں تاکہ وہ بھی اپنے آنے والی نسلوں تاکہ اس پیغام کو پہنچاتے رہیں اور جشن آزادی پرجوش انداز میں مناتے رہیں۔ اسلام ٹائمز۔ 14 اگست 1947ء کو پاکستان کا نام دنیا کے نقشے پر ایک آزاد مسلم ریاست کی حیثیت سے سامنے آیا، یہ سب کچھ قائد اعظم محمد علی جناح اور ہمارے آباؤ اجداد کی فکر اور سوچ کی وجہ سے ممکن ہوا۔ ان خیالات کا اظہار پاکستان سنی تحریک کے مرکزی سیکرٹری جنرل صاحبزادہ علامہ بلال سلیم قادری شامی نے جشن آزادی کی تقریب سے کرتے ہوئے کیا۔ انہوں نے کہا کہ پوری پاکستانی قوم جشن آزادی کی تیاریاں پر جوش انداز میں کر رہی ہے، آزادی کسی بڑی نعمت سے کم نہیں ہے، مسلمانوں نے قائد اعظم کی آواز پر لبیک کہا اور آزادی کے اصل مقصد کو سمجھا، آزادی کے لیے کے لیے آباؤ اجداد کی دی جانے والی قربانیوں کا ہم احسان نہیں چکا سکتے ہیں۔
بلال سلیم قادری کا مزید کہنا تھا کہ یہ آزادی ہم پر قرض ہے ان ماؤں، بہنوں اور بیٹیوں کا جنہوں نے اپنی عزت و حرمت اس وطن عزیز پر قربان کر دی، قرض ہے ان بزرگ والدین کا جنہوں نے اپنے جواں سالہ بیٹوں کو وطن پر نثار کر دیا، قرض ہے ان لوگوں کا جنہوں نے ہجرت کے لیے آگ و خون کے سمندر پار کیے، اپنے گھر بار، مال مویشی اور کاروبار تک کو ہمارے مستقبل پر نچھاور کر دیا، اپنے عزیزواقارب، رشتہ داروں اور آباؤ اجداد کی قبروں تک کو چھوڑ کر پاکستان چلے آئے، پوری قوم بانی پاکستان اور حصولِ مملکت کے لئے جانوں کا نذرانہ دینے والوں کو خراجِ تحسین پیش کرتی ہے، ہم مقروض ہیں بانی پاکستان اور اپنے آباؤ اجداد کے جنہوں نے برصغیر پاک و ہند کے مسلمانوں کو دنیا میں ایک الگ شناخت دی، اب ہمارا فرض ہے کہ آزادی کی شکل میں ملنے والے اس تحفے کی حفاظت کریں اور اپنے ملک پاکستان کو ترقی کی راہ پر گامزن کریں۔
ذریعہ
ذریعہ: Islam Times
کلیدی لفظ: آزادی کے جنہوں نے کے لیے
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار