ایشیا کپ سے قبل پاکستان ٹیم میں ردوبدل کا امکان
اشاعت کی تاریخ: 11th, August 2025 GMT
کراچی:
ایشیا کپ سے قبل پاکستان ٹیم میں ردوبدل کا امکان ہے۔
یو اے ای میں ٹرائنگولر سیریز کیلیے فاسٹ بولر سلمان مرزا اور آل راؤنڈر احمد دانیال کی واپسی ہوسکتی ہے، شاہین شاہ آفریدی اور حارث رؤف کو آرام دیا جاسکتا ہے، اوپننگ بیٹر فخرزمان کے بھی ایشیائی شوپیس ایونٹ تک مکمل فٹ ہونے کی توقع ہے، ممکنہ کھلاڑیوں کا آئندہ ہفتے اعلان ہوگا، لاہور میں ٹریننگ کیمپ بھی لگائے جانے کی تجویز ہے۔
ایشیا کپ سے قبل پاکستان کرکٹ ٹیم نے یواے ای میں افغانستان اور میزبان ملک کے ساتھ مختصر فارمیٹ میں ٹرائنگولر سیریز بھی کھیلنی ہے، اس وقت قومی ٹیم ویسٹ انڈیز میں ون ڈے سیریز کھیلنے میں مصروف ہے، اس کی وطن واپسی پر ہی ٹرائنگولر سیریز اور ایشیا کپ کیلیے اسکواڈ کا اعلان کیا جائے گا۔
ذرائع کے مطابق ٹرائنگولر سیریز کیلیے پاکستانی اسکواڈ میں سلمان مرزا اور آل راؤنڈر احمد دانیال کی واپسی کا امکان ہے جبکہ ورک لوڈ مینجمنٹ کے تحت سینئر پیسرز شاہین شاہ آفریدی اور حارث رؤف کو آرام دیا جاسکتا ہے تاہم ان دونوں کو ایشیا کپ کے اسکواڈ میں شامل کرنے کا پلان موجود ہے۔
15 کے بجائے 16 رکنی اسکواڈ منتخب کیا جاسکتا ہے۔ 3 ملکی سیریز اور ایشیا کپ میں اوپنر فخر زمان کی شمولیت کا بھی قوی امکان ہے، شاداب خان کے نام پر غور نہیں کیا جارہا، ممکنہ کھلاڑیوں کا اعلان اگلے ہفتے اور کیمپ لاہورمیں لگانے کی تجویزہے تاہم حتمی فیصلہ ویسٹ انڈیز سے واپسی پر ہیڈکوچ اور کپتان سلمان آغا کی مشاورت سے کیا جائے گا۔
ذرائع کے مطابق ہیمسٹرنگ انجری کے شکار بائیں ہاتھ کے اوپنر فخر زمان ایک دو ون میں نیشنل کرکٹ اکیڈمی میں رپورٹ کریں گے جہاں پی سی بی میڈیکل پینل ان کی انجری کا معائنہ کرے گا، اطلاعات کے مطابق فخر زمان کی انجری زیادہ پریشان کن نہیں ہے، اوپنر پرامید ہیں کہ وہ معمول کے ری ہیب سے ہی فٹنس مسائل سے جان چھڑا لیں گے۔
سلیکٹرز کو بھی یقین ہے کہ فخر زمان 3 ملکی سیریز اور ایشیا کپ کے لیے دستیاب ہوں گے تاہم اس کا انحصار ان کی میڈیکل رپورٹس پر ہے، اگر میڈیکل پینل نے اجازت دی تو پھر فخر زمان کولازمی طورپر اسکواڈ میں شامل کیا جاسکتا ہے۔
بولنگ کے شعبے کو مزید مضبوط بنانے کے لیے سلیکٹرز سلمان مرزا کو اسکواڈ کا حصہ بنانے کے حامی ہیں، اس لیے ان کانام ڈارون آسٹریلیا جانے والے اسکواڈ سے واپس لیا گیا ہے، پی ایس ایل کے بعد بنگلہ دیش کے خلاف سیریز میں سلمان مرزا نے متاثر کن پرفارمنس دی ہے۔
3 ملکی ون ڈے سیریز اور ایشیا کپ کے لیے 16 کھلاڑیوں کا انتخاب کیا جاسکتا ہے۔ شاداب خان بدستور سرجری کے بعد ری ہیبلی ٹیشن جاری رکھے ہوئے ہیں، اس لیے وہ ٹرائنگولر سیریز اور ایشیا کپ کیلیے اسکواڈ کا حصہ نہیں ہوں گے، پاکستان، افغانستان اور یو اے ای کی سیریز 29 اگست سے شارجہ میں ہوگی۔
پاکستان اس سیریز میں اپنا پہلا میچ افتتاحی روز افغانستان کے خلاف کھیلے گا، ہر ٹیم دوسری سائیڈ کا 2 مرتبہ سامنا کرے گی جبکہ ٹاپ 2 ٹیمیں فائنل میں جگہ پائیں گی جوکہ 7 ستمبر کو کھیلا جائے گا، ٹرائنگولر سیریز اور ایشیا کپ کی تیاریوں کیلیے تربیتی کیمپ 20 اگست کو متوقع ہے۔
ایشیا کپ کا آغاز 9 ستمبر سے ہوگا، اس ٹورنامنٹ میں پاکستان اور بھارت کے درمیان میچ 14 ستمبر کو ہوگا، دونوں روایتی حریف ایک ہی گروپ میں شامل ہیں۔
.ذریعہ: Express News
کلیدی لفظ: سیریز اور ایشیا کپ ٹرائنگولر سیریز جاسکتا ہے
پڑھیں:
پاکستان نے جنوبی افریقا کو شکست دے کر سیریز 1-2 سے جیت لی
پاکستان نے جنوبی افریقا کو تیسرے اور آخری ون ڈے میچ میں 7 وکٹوں سے شکست دے کر سیریز 1-2 سے اپنے نام کر لی۔ فیصل آباد کے اقبال اسٹیڈیم میں کھیلے گئے اس میچ میں پاکستان نے جنوبی افریقا کا 144 رنز کا ہدف صرف 25.1 اوورز میں 3 وکٹوں کے نقصان پر حاصل کر لیا۔
پاکستان کی جانب سے صائم ایوب 77 رنز کے ساتھ سب سے نمایاں بیٹر رہے۔ بابر اعظم 27 رنز پر آؤٹ ہوئے، جب کہ فخر زمان بغیر کوئی رن بنائے پویلین واپس لوٹ گئے۔ محمد رضوان 32 اور آغا سلمان 5 رنز کے ساتھ ناٹ آؤٹ رہے۔
جنوبی افریقا کی جانب سے نانڈرے برجر اور جورن فورٹن نے ایک ایک وکٹ حاصل کی۔
اس سے قبل، جنوبی افریقا نے ٹاس جیت کر پہلے بیٹنگ کرنے کا فیصلہ کیا اور پوری ٹیم 37.5 اوورز میں 143 رنز بنا کر آؤٹ ہو گئی۔ پروٹیز کی جانب سے کوانٹن ڈی کاک 53 رنز کے ساتھ نمایاں بیٹر رہے، جبکہ لوان-ڈرے پریٹوریئس نے 39 رنز بنائے۔ دیگر کھلاڑیوں میں نقابیو مزی پیٹر 16، میتھیو برٹز 16، ڈونوون فریرا 7، جورن فورٹن 3، ٹونی ڈی زورزی 2، روبن ہرمن 1 اور کوربن بوش اور لُنگی اینگیڈی بغیر کسی رن کے پویلین لوٹ گئے۔ نانڈرے برجر 3 رنز پر ناٹ آؤٹ رہے۔
پاکستان کی جانب سے ابرار احمد نے شاندار بولنگ کا مظاہرہ کرتے ہوئے 4 کھلاڑیوں کو آؤٹ کیا۔ شاہین شاہ آفریدی، محمد آفریدی اور سلمان آغا نے 2، 2 وکٹیں حاصل کیں اور پاکستان نے سیریز اپنے نام کی۔
حیدر آباد ، ایک روزہ ڈینگی علاج کیلیے مفت طبی کیمپ کا قیام