سعودی عرب سمیت 24 ممالک میں 15 ہزار 953 پاکستانیوں کے قید ہونے کا انکشاف
اشاعت کی تاریخ: 11th, August 2025 GMT
قومی اسمبلی کے اجلاس میں اس بات کا انکشاف ہوا ہے کہ 24 ممالک میں 15 ہزار 953 پاکستانی قید ہیں۔
ایکسپریس نیوز کے مطابق قومی اسمبلی کے اجلاس میں بیرون ملک کی جیلوں میں قید پاکستانیوں کی تفصیلات پیش کی گئیں۔
تفصیلات کے مطابق مشرقی وسطیٰ اور جنوب مشرقی ایشیا کے 24 ممالک میں 15 ہزار 953 پاکستانی قید ہیں۔
وزیر خارجہ اسحاق ڈار نے بتایا کہ سعودی عرب اور متحدہ عرب امارات میں سب سے زیادہ پاکستانی قید ہیں، سعودی عرب میں 10279پاکستانی، متحدہ عرب امارات میں 3523 پاکستانی قید ہیں۔
وزارت خارجہ نے بتایا کہ قطر میں تیسرے نمبر پر 599پاکستانی قید ہیں جبکہ عراق میں 81، اردن میں 8، مصر میں 12، بحرین میں581 پاکستانی قید ہیں۔
اسحاق ڈار نے بتایا کہ عمان 252، کویت کی جیلوں میں 50، آسٹریلیا کی جیلوں میں 27، جنوبی کوریا میں 7، جاپان میں 16پاکستانی قید ہیں۔
رپورٹ میں بتایا گیا ہے کہ ملائیشیا میں 459، تھائی لینڈ 35، کمبوڈیا 22، فلپائن 1 اور ویتنام میں 1 پاکستانی قید ہے۔
وزارت خارجہ نے بتایا کہ سعودی عرب اور متحدہ عرب امارات کے علاوہ کسی ملک سے پاکستان کا قیدیوں کے تبادلے کا معاہدہ نہیں ہے۔
.
ذریعہ
ذریعہ: Express News
کلیدی لفظ: پاکستانی قید ہیں نے بتایا کہ
پڑھیں:
پاکستان سمیت سونے کی عالمی مارکیٹوں میں قیمت میں کمی کا رجحان برقرار
پاکستانی صرافہ مارکیٹوں میں بھی جمعہ کو فی تولہ سونے کی قیمت 4 ہزار 600 روپے کی کمی سے 4 لاکھ 27 ہزار 436 روپے کی سطح پر آگئی۔ اسلام ٹائمز، امریکا اور ایران کے درمیان ایک دوسرے پر حملوں کے تسلسل سے آبنائے ہرمز کی بندش، فی بیرل خام تیل کی عالمی قیمت 100 ڈالر کی سطح پر آنے، امریکی فیڈرل ریزرو کے اگلے ہفتے کے اجلاس سے قبل سود کی بلند شرح کو تقویت ملنے سے عالمی اور مقامی صرافہ مارکیٹوں میں سونے اور چاندی کی قیمتوں میں کمی کا رجحان برقرار ہے۔ بین الاقوامی بلین مارکیٹ میں فی اونس سونے کی قیمت 46 ڈالر کی کمی سے 4 ہزار 50 ڈالر کی سطح پر آگئی۔ کمی کے باعث پاکستانی صرافہ مارکیٹوں میں بھی جمعہ کو فی تولہ سونے کی قیمت 4 ہزار 600 روپے کی کمی سے 4 لاکھ 27 ہزار 436 روپے کی سطح پر آگئی اور فی دس گرام سونے کی قیمت 3 ہزار 944 روپے کی کمی سے 3 لاکھ 66 ہزار 457 روپے کی سطح پر آگئی۔
اسی طرح عالمی مارکیٹ میں فی اونس چاندی کی قیمت 61 سینٹس کی کمی سے 58 ڈالر 30 سینٹس کی سطح پر آگئی۔ کمی کے نتیجے میں مقامی صرافہ مارکیٹوں میں بھی فی تولہ چاندی کی قیمت 61 روپے کی کمی سے 6 ہزار 309 روپے اور فی دس گرام چاندی کی قیمت 53 روپے کی کمی سے 5 ہزار 408 روپے کی سطح پر آگئی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم