پارٹ ٹائم بولرز سے فل ٹائم کارکردگی کی آس مہنگی پڑنے لگی
اشاعت کی تاریخ: 12th, August 2025 GMT
کراچی:
پاکستان کو ایک بار پھر سیریز بچانے کی چیلنج درپیش ہے، ویسٹ انڈیز کے خلاف تیسرا اور آخری ون ڈے انٹرنیشنل آج کھیلا جائے گا، پارٹ ٹائم بولرز سے فل ٹائم کارکردگی کی آس مہنگی پڑنے لگی۔
تفصیلات کے مطابق ویسٹ انڈیزنے بارش سے متاثرہ دوسرے ون ڈے میں پاکستان کو ڈی ایل میتھڈ پر 5 وکٹ سے شکست دے کر سیریز فی الحال 1-1 سے برابر کردی، جس کی وجہ سے منگل کو شیڈول تیسرا اور آخری میچ فیصلہ کن حیثیت حاصل کرگیا۔
اس سے قبل ٹی 20 سیریز بھی 1-1 سے برابر ہونے کے بعد گرین شرٹس نے تیسرا میچ جیت کر مختصر فارمیٹ کی ٹرافی اپنے نام کرلی تھیں ، اب ایک بار پھر گرین شرٹس کو سیریز بچانے کا چیلنج درپیش ہے۔
پارٹ ٹائم بولرز کو آزما کر اسپیشلسٹ بولر کم کرنے کی پالیسی اب نقصان پہنچانے لگی ہے،دوسرے میچ میں صائم ایوب اور سلمان آغا کو بالترتیب 4 اور 3 اوورز میں 33، 33 رنز کی پٹائی برداشت کرنا پڑی جس سے فتح کا خواب سراب بن گیا۔
پاکستان نے پہلے میچ کی فاتح الیون میں 3 تبدیلیاں کی تھیں، 3 وکٹیں لینے والے نسیم شاہ کو ڈراپ کرکے حسن علی کو میدان میں اتارا گیا، سفیان مقیم اور فہیم اشرف کی جگہ ابرار احمد اور محمد حارث کو الیون کا حصہ بنایا گیا تھا۔
اب سیریز داؤ پر لگی ہونے کی وجہ سے ایک بار پھر پلیئنگ الیون میں ردوبدل کے امکان کو رد نہیں کیا جاسکتا، اس بار بھی ٹاس کا کردار اہم ہوگا ، جس کے حق میں سکہ گرا وہ پہلے فیلڈنگ کو ترجیح دے سکتا ہے۔
موسم کی دخل اندازی کا خطرہ بدستور موجود ہوگا، بعد میں بولنگ کرنے والی ٹیم کو اوس کی وجہ سے دشواری کا سامنا کرنا پڑسکتا ہے، پاکستانی ٹاپ آرڈر کو ذمہ داری کا احساس کرنا ہوگا جبکہ بولرز بھی کامیابی میں کردار ادا کرنے کیلیے پْرامید ہیں۔
بابراعظم دوسرے میچ میں 3 بالز کا سامنا کرتے ہوئے صفر پر آؤٹ ہوگئے تھے، ان پر بڑی اننگز سے اعتماد بحال کرنے کا چیلنج درپیش ہوگا، کپتان محمد رضوان نے پہلے میچ میں ففٹی اسکور کی تھی مگر دوسرے میں سست روی سے صرف 16 رنز بناکر میدان چھوڑ گئے تھے۔
دریں اثنا دوسرے ون ڈے میں پاکستانی بیٹنگ کے دوران بارش کی وجہ سے کھیل بار بار رکتا رہا، جب اسکور 7 وکٹ پر 171 تک پہنچا تو پھر بارش نے کھیل روک دیا، اس وقت حسن نواز 36 رنز پر بیٹنگ کررہے تھے، انھوں نے 30 بالز کا سامنا کیا اور 3 چھکے جڑے، محمد نواز 5 رنز بنا کر آؤٹ ہوگئے جبکہ شاہین آفریدی دوسرے اینڈ پر 11 رنز کے ساتھ موجود رہے، جیڈن سیلس نے 3 وکٹیں لیں۔
اسی اسکور پر پاکستان کی اننگز کا اختتام کرتے ہوئے ویسٹ انڈیز کو ڈک ورتھ لوئس میتھڈ کے تحت 35 اوورز میں 181 رنز کا نظر ثانی شدہ ہدف دیا گیا، میزبان سائیڈ نے 33.
اس کامیابی میں مین آف دی میچ روسٹن چیس نے اہم کردار ادا کیا، انھوں نے 47 بالز پر 2 چھکوں اور 4 چوکوں کی مدد سے ناقابل شکست 49 رنز بنائے، جسٹن گریوس 26 رنز پر ناٹ آؤٹ رہے، شرفین ردرفورڈ نے 33 بالز پر 3 چھکوں اور 4 چوکوں کی مدد سے 45 رنز بنائے ، کپتان شے ہوپ 32 رنز کے ساتھ نمایاں رہے۔
حسن علی اور محمد نواز نے 2، 2 وکٹیں لیں، شاہین آفریدی 6 اوورز میں 35 رنز دینے کے باوجود وکٹ حاصل نہیں کرپائے ۔
ذریعہ
ذریعہ: Express News
کلیدی لفظ: اوورز میں کی وجہ سے
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار