کرسٹیانو رونالڈو نے اپنی محبت جارجینا روڈریگز کومنگنی کی انگوٹھی پہنا دی
اشاعت کی تاریخ: 12th, August 2025 GMT
تقریباً ایک دہائی کے تعلق کے بعد فٹبال کی دنیا کے سب سے بڑے اسٹارز میں سے ایک، کرسٹیانو رونالڈو، نے اپنی دیرینہ محبت جارجینا روڈریگز کو آخرکار منگنی کی انگوٹھی پہنا دی۔
چند دن پہلے، 31 سالہ جارجینا نے انسٹاگرام پر ایک تصویر شیئر کی، جس میں ان کا ہاتھ رونالڈو کے ہاتھ پر رکھا ہے اور انگلی میں جڑا ہوا چمکتا ہوا ہیرا سب کی توجہ کھینچ لیتا ہے۔ کیپشن میں انہوں نے لکھا: “ہاں — اس زندگی میں بھی اور ہر زندگی میں بھی۔”
رونالڈو اور جارجینا کی کہانی 2016 میں شروع ہوئی، جب وہ میڈرڈ کے گچی اسٹور پر کام کر رہی تھیں اور قسمت نے دونوں کو آمنے سامنے کر دیا۔ اس ملاقات نے ایک ایسے سفر کو جنم دیا جو آج منگنی تک پہنچ چکا ہے۔
دونوں کی دو بیٹیاں ہیں، اور جارجینا، رونالڈو کے باقی تین بچوں کی بھی پرورش میں شریک ہیں۔ 2022 میں، یہ جوڑا ایک دل دہلا دینے والے لمحے سے گزرا جب ان کے جڑواں بچوں میں سے ایک بیٹے کا پیدائش کے وقت انتقال ہو گیا۔
انگوٹھی کی بات کریں تو جارجینا کی منگنی کی نشانی ایک اوول کٹ ہیرا ہے جو نفیس بینڈ پر جڑا ہوا ہے۔ ہسپانوی میڈیا کے مطابق جیولری ماہرین اس کا وزن 10 سے 15 کیرٹ اور قیمت 10 لاکھ سے 50 لاکھ ڈالر کے درمیان بتاتے ہیں، جب کہ کچھ اندازوں کے مطابق یہ ہیرا 25 سے 30 کیرٹ وزنی بھی ہو سکتا ہے۔ قیمت کا انحصار اس کی شفافیت اور ڈیزائن پر ہے۔
View this post on InstagramA post shared by Georgina Rodríguez (@georginagio)
ریال میڈرڈ اور مانچسٹر یونائیٹڈ کے سابق اسٹار، رونالڈو، اس وقت سعودی کلب النصر کی نمائندگی کر رہے ہیں اور انہوں نے حال ہی میں اپنا معاہدہ بڑھا کر 2027 کی گرمیوں تک کر لیا ہے۔
یہ منگنی نہ صرف ان کی ذاتی زندگی میں ایک اہم سنگِ میل ہے بلکہ دنیا بھر کے مداحوں کے لیے بھی خوشی کی خبر ہے، جو برسوں سے ان دونوں کو ایک ساتھ دیکھتے آ رہے ہیں۔
Post Views: 4.ذریعہ: Daily Mumtaz
پڑھیں:
رونالڈو کے انداز نے اڑایا بھارتی رافیل کا مذاق؟ محسن نقوی کی پوسٹ پر دلچسپ تبصرے
عالمی شہرت یافتہ فٹبالر کرسٹیانو رونالڈو کی ایک ویڈیو سوشل میڈیا پر تیزی سے وائرل ہو رہی ہے، جس میں وہ گول کرنے کے بعد مخصوص انداز میں ’جہاز گرنے‘ کا اشارہ کرتے دکھائی دیتے ہیں۔ رونالڈو کی اس ویڈیو کو پاکستان کرکٹ بورڈ (پی سی بی) کے چیئرمین محسن نقوی نے بھی اپنے سوشل میڈیا اکاؤنٹ پر شیئر کیا، جس کے بعد صارفین کی جانب سے دلچسپ تبصرے سامنے آنے لگے۔
pic.twitter.com/1zbuJvz7m0
— Mohsin Naqvi (@MohsinnaqviC42) September 24, 2025
سوشل میڈیا صارفین نے رونالڈو کے اس جشن کو حالیہ پاک بھارت فضائی جھڑپ کے تناظر میں دیکھا، جس میں 7 مئی کو پاکستان کی جانب سے بھارتی رافیل طیارے مار گرائے گئے تھے۔ صارفین نے اس جشن کو ’رافیل طیارہ اسٹائل‘ کا نام دیتے ہوئے اسے پاکستانی کھلاڑیوں کے اندازِ جشن سے جوڑ دیا۔
مکئی صارفین نے کہا کہ رونالڈو کا یہ اسٹائل پاکستان اور بھارت کی جنگ سے پہلے کا ہے اس لیے اس کا رافیل سے کوئی لینا دینا نہیں ہے جبکہ کئی صارفین اسے پاکستانی کھلاڑیوں کے جشن سے جوڑتے نظر آئے۔
ایک صارف نے تبصرہ کرتے ہوئے کہا کہ رونالڈو نے بھی رافیل گرانے کا اشارہ دے کر انڈیا کو آگ لگا دی۔
ڈونلڈ ٹرمپ کے بعد رونالڈو بھی پاکستان کا علامتی سفیر بن گیا
رونالڈو نے بھی رافیل گرانے کا اشارہ دے کر انڈیا کو اگ لگا دی pic.twitter.com/lu8EI6DU1k
— Shakil Bashir (@ShakilSidhu1) September 23, 2025
ارم نامی صارف نے کہا کہ یہ رونالڈو کو رافیل گرانے کے بارے میں کس نے بتا دیا۔
یہ رونالڈو بھائیجان کو رافیل گرانے کے بارے میں گس نے بتا دیا???????? pic.twitter.com/SuJgMeMCkJ
— Irum???? (@Irumchaudhary20) September 23, 2025
حامد خٹک نے کہا کہ رافیل کیسے گرے تھے رونالڈو نے بتا دیا۔
رافیل کیسے گرے تھے رونالڈو نے بتا دیا ????pic.twitter.com/AUZGN8gsLp
— ???????? Hamid Khattak ???????? (@IHamidPak) September 23, 2025
ایک صارف نے محسن نقوی کو آڑے ہاتھوں لیتے ہوئے کہا کہ آپ ٹرولنگ ہم پر چھوڑ دیں، کرکٹ ٹھیک کریں جو آپ کا کام ہے۔
Boss ap trolling hum pay choro or cricket theek karo Jo apka kam hai.
— Rana Shazib (@RanaShazibKhan) September 24, 2025
واضح رہے کہ اس سے قبل ایشیا کپ ٹی 20 کے سپر فور مرحلے کے دوسرے میچ میں قومی فاسٹ بولر حارث رؤف نے وکٹ لینے کے بعد اور پاکستانی اوپنر صاحبزادہ فرحان نے شاندار نصف سینچری اسکور کرنے کے بعد جشن کا انوکھا انداز اپنایا جن کی ویڈیوز سوشل میڈیا پر وائرل ہوئیں۔
حارث رؤف نے بھارت کے خلاف ایشیا کپ 2025 کے سپر فور مرحلے کے اہم میچ میں وکٹ لینے کے بعد میدان میں دوڑتے ہوئے ہاتھ پھیلائے اور ایسا اسٹائل اپنایا جیسے جہاز اڑ رہا ہو۔
میچ کے دوران بھارتی شائقین کی جانب سے بارہا ’کوہلی کوہلی‘ کے نعرے لگا کر حارث رؤف کو مشتعل کرنے کی کوشش کی گئی، تاہم پاکستانی فاسٹ بولر نے اس کا جواب نہایت منفرد انداز میں دیا۔ انہوں نے اشاروں میں بھارتی رافیل طیاروں کی تباہی کی یاد دہانی کراتے ہوئے میدان میں مخصوص انداز اپنایا، جسے سوشل میڈیا پر صارفین نے ’رافیل طیارہ اسٹائل‘ کا نام دیا۔
اس کے علاوہ بھارت کے خلاف پاکستانی اوپنر صاحبزادہ فرحان نے شاندار نصف سینچری اسکور کرنے کے بعد بیٹ کو بندوق کی مانند تھام کر فائرنگ کے انداز میں جشن منایا، جس نے شائقین کو حیران اور پرجوش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حارث رؤف رافیل کرسٹیانو رونالڈو
پاک سعودی معاہدہ معرکہ حق کی مرہون منت ہے، معاشی ثمرات بھی سامنے آئیں گے، خواجہ آصف