حکومت کسانوں پر ٹیکس ختم، فصلوں کی منصفانہ قیمت مقرر کرے،خالد حسین باٹھ
اشاعت کی تاریخ: 12th, August 2025 GMT
حکومت کسانوں پر ٹیکس ختم، فصلوں کی منصفانہ قیمت مقرر کرے،خالد حسین باٹھ WhatsAppFacebookTwitter 0 12 August, 2025 سب نیوز
اسلام آباد(سٹی رپورٹر)کسان اتحادکے مرکزی چیئرمین خالد حسین باٹھ نے کہا ہے کہ حکومت کسانوں پر ٹیکس ختم کرے، فصلوں کی منصفانہ قیمت مقرر کرے، کرپشن مافیا کے خلاف کارروائی کرے اور زرعی سکینڈلز کی رپورٹس عوام کے سامنے لائے، حکومت نے گندم کا گندم کاشت ہونے سے پہلے ریٹ طے نہ کیا تو کسان گندم کاشت نہیں کرے گا،جس سے اربوں ڈالرز کی گندم باہر سے منگوانی پڑے گی،شوگر مافیا من مانی کر رہا ہے اور حکومت خاموش تماشائی بنی ہوئی ہے،مطالبات پورے نہ ہوئے توپورے ملک کے کسان اسلام آباد میں دھرنا دینگے۔
انہوں نے ان خیالات کا اظہار نیشنل پریس کلب اسلام آباد میں دیگر ساتھیوں کے ہمراہ پریس کانفرنس کرتے ہوئے کیا، خالد حسین باٹھ کامزید کہنا تھا کہ پنجاب میں اس وقت کسان بدترین معاشی بحران سے گزر رہا ہے، کسان کارڈ سے قرضہ ملنے کی وجہ سے کسانوں پر مزید سود اور ٹیکسز کا بوجھ ڈالا جا رہا ہیجو سراسر ناانصافی ہے،پورے پاکستان کے کسانوں کو کوئی ریلیف نہیں ملااور جو زرعی آبیانہ لگایا گیا ہے وہ ہم دینے کے قابل نہیں ہیں اور نہ ہی دے سکتے ہیں،خالد حسین باٹھ کا مزید کہنا تھا کہ پہلیکسانوں سے گنا سستے داموں خریدا گیا مگر آج مارکیٹ میں چینی دو سو روپے سے زائد میں فروخت ہو رہی ہے حالانکہ کسان سے جس ریٹ پر گنا خریدا گیا اس حساب سے چینی کی قیمت ایک سو بیس روپے فی کلو ہونی چاہیے تھی، شوگر مافیا من مانی کر رہا ہے اور حکومت خاموش تماشائی بنی ہوئی ہے، اگر کسان اپنی گندم چھبیس سو روپے سے زیادہ پر بیچنے کی کوشش کرے تو اس کے خلاف مقدمات درج کر دئیے جاتے ہیں اور گرفتاریاں کی جاتی ہیں یہ کہاں کا انصاف ہے
ان کا مزید کہنا تھا کہ ملک میں اس وقت گندم کا بحران شروع ہونے والا ہیکیونکہ گندم انسانوں کے بجائے ونڈے کے طور پر جانوروں کیلئے استعمال ہو رہی ہے کیونکہ گندم کا ریٹ انتہائی کم ہے اور اگر حکومت نے گندم کا گندم کاشت ہونے سے پہلے ریٹ طے نہ کیا تو کسان گندم کاشت نہیں کرے گاجس سے اربوں ڈالرز کی گندم باہر سے منگوانی پڑے گی،وہ کسان جو پورے پاکستان کا پیٹ بھرتا ہے، آج خود دو وقت کی روٹی کے لیے ترس رہا ہے، بجلی کے بل، ڈیزل کی قیمتیں، کھاد، بیج اور ادویات کے اخراجات اس حد تک بڑھ چکے ہیں کہ کسان اپنی فصل کی لاگت بھی پوری نہیں کر پا رہا،خالد حسین باٹھ نے کہا کہ چند سالوں سے گندم، چینی، کپاس اور چاول کے سکینڈل سامنے آتے ہیں، مگر چند دن بعد وہ فائلوں میں دفن ہو جاتے ہیں آج تک کسی سکینڈل کی تحقیقات یا رپورٹ عوام کے سامنے نہیں لائی گئی۔ گندم کے سکینڈل میں جو لوگ ملوث ہیں وہ آج حکومت میں اعلی عہدوں پر بیٹھے ہوئے ہیں۔سیلاب اور بارشوں کی وجہ سے ہماری کھڑی فصلیں تباہ ہو گئیں ہیں اور خاص طور پرتحصیل ہارون آباد اور تحصیل فورٹ عباس میں حالیہ سیلابی بارشوں سے کپاس کی فصل مکمل طور پر تباہ ہو گئی ہے ، مگر کسان کو کوئی معاوضہ نہیں ملا۔ پنجاب کا کسان آج مر چکا ہے، اس میں مزید جینے کی سکت نہیں رہی، انہوں نیمیں حکومت سے مطالبہ کیا کہ کسانوں پر ٹیکس ختم کرے، فصلوں کی منصفانہ قیمت مقرر کرے، کرپشن مافیا کے خلاف کارروائی کرے اور زرعی سکینڈلز کی رپورٹس عوام کے سامنے لائے بصورت دیگر ملک بھرکسان اسلام آباد میں آکر دھرنا دینگے جو کہ مطالبات کی منظوری تک جاری رہے گا ۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسپریم کورٹ میں ہائیکورٹ ججز ٹرانسفر کیس کے فیصلے کیخلاف انٹراکورٹ اپیل دائر سپریم کورٹ میں ہائیکورٹ ججز ٹرانسفر کیس کے فیصلے کیخلاف انٹراکورٹ اپیل دائر پاکستان سب کا ہے، اور ہم سب مل کر اس کو سنواریں گے، ہماری خدمت کا سفر رنگ، نسل اور مذہب سے بالاتر ہے... اسپیکر قومی اسمبلی ایاز صادق نے اپوزیشن کو حکومت سے مذاکرات کی دعوت دیدی چیف جسٹس اور وزیر خزانہ کی ملاقات، قانون کی حکمرانی کیلئے مشترکہ کاوشوں پر زور بلاول بھٹو نے وفاق سے نیا این ایف سی ایوارڈ جاری کرنے کا مطالبہ کردیا سپریم کورٹ رولز 2025نافذ، نظرثانی درخواست کی مدت اور بینچ کا تعین، گزٹ نوٹیفکیشن جاری
Copyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: فصلوں کی منصفانہ قیمت مقرر کرے کسانوں پر ٹیکس ختم خالد حسین باٹھ اسلام آباد گندم کاشت گندم کا رہا ہے
پڑھیں:
گندم کے کاشتکاروں کی معاونت، پیداوار میں اضافے کا پلان طلب، پنجاب کو سرمایہ کاری کا ہب بنانا چاہتے ہیں: مریم نواز
لاہور (نیوز رپورٹر) وزیراعلیٰ مریم نواز سے موبائل فون کمپنی کے سی ای او عامر ابراہیم نے ملاقات کی۔ ملاقات میں باہمی دلچسپی کے امور پر تبادلہ خیال کیا گیا اور پنجاب میں سرمایہ کاری اور بہترین کاروباری مواقع پر گفتگوہوئی عامر ابراہیم نے موبائل سیکٹر میں بہتری کے لئے حکومت پنجاب کے اقدامات کو سراہا۔ وزیراعلیٰ مریم نوازشریف نے کہاکہ پنجاب میں سرمایہ کاری کے فروغ کے لئے تمام تر اقدامات کررہے ہیں۔ پنجاب کومقامی اور غیرملکی سرمایہ کاری کا ہب بنانا چاہتے ہیں۔ علاوہ ازیں گندم کی کاشت سے پہلے حکومت پنجاب متحرک ہے کاشتکارکی سپورٹ کے لئے وزیراعلیٰ مریم نواز شریف کی ہدایت پر جامع پروگرام مرتب کیا جائے گا۔ مریم نواز نے گندم کے کاشتکار کی معاونت اور پیداوار میں اضافہ کے لئے جامع پلان طلب کر لیاہے۔ پنجاب میں گندم کی بوائی سے قبل زرعی مداخل کی لاگت میں کمی کے لئے اقدامات کا حکم دیا ہے۔ گندم کی بوائی سے قبل کھاد کی وافر دستیابی یقینی بنانے کی ہدایت کی۔ مریم نواز نے ہدایت کی کہ گندم کے چھوٹے کاشتکار کو ریلیف کے لئے ٹارگٹڈ سبسڈی دی جائے۔ گندم کی کاشت سے قبل 100ارب روپے کے بلاسود قرضے دینے کی تجویز پر اتفاق کیاگیا۔ وزیراعلیٰ کی زیر صدارت اجلاس میں بریفنگ دی گئی جس میں بتایا گیا کہ پنجاب میں بہتر پیداوار کے لئے گندم کی بروقت بوائی ضروری ہے۔ دو ماہ کے دوران کاشتکاروں کو مجموعی طور پر 63 ارب روپے کی سبسڈی دی گئی۔ کسان کارڈ کے ذریعے کاشتکاروں نے 50 ارب روپے کے بلاسود قرض حاصل کیے۔ وزیراعلیٰ کے گندم سپورٹ پروگرام کے تحت 13 ارب روپے سبسڈی دی گئی۔ کسان کارڈ پراجیکٹ کی وجہ سے پنجاب میں کھاد بالخصوص ڈی اے پی کا استعمال بڑھ گیا۔ وزیراعلی نے کہاکہ گندم کے کاشتکار کو اکیلا نہیں چھوڑیں گے، حکومت پورا ساتھ دے گی۔ پنجاب کے کاشتکار کو سب سے زیادہ سہولت اور حکومتی معاونت حاصل ہے۔ دوسری جانب مریم نواز شریف نے ڈومیلی اور پسرور میں برساتی نالوں میں ڈوبنے سے دو بچو ں کے جاں بحق ہونے پر گہرے دکھ اور افسوس کا اظہار کیا ہے۔ سوگوار خاندانوں سے دلی ہمدردی اور تعزیت کا اظہار کیا ہے۔ جہلم اور سیالکوٹ انتظامیہ سے رپورٹ طلب کر لی ہے۔
پاک فوج کے سربراہان کا یوم استحصال پر کشمیری عوام سے بھرپور اظہار یکجہتی