یوٹیوب کا نیا قدم، کم عمر صارفین کے لیے پابندیاں تیار
اشاعت کی تاریخ: 13th, August 2025 GMT
یوٹیوب نے کم عمر صارفین کو نامناسب مواد سے محفوظ رکھنے کے لیے ایک نیا اور جدید نظام متعارف کرانے کا اعلان کیا ہے۔ یہ نظام مصنوعی ذہانت (اے آئی) کی مدد سے صارفین کی عمر کا اندازہ لگائے گا — بغیر اس کے کہ صرف تاریخِ پیدائش پر انحصار کیا جائے۔
ابتدائی طور پر یہ فیچر صرف امریکا میں آزمائشی بنیادوں پر متعارف کرایا جا رہا ہے، لیکن کامیابی کی صورت میں اسے دیگر ممالک تک بھی پھیلایا جا سکتا ہے۔
یوٹیوب کے ڈائریکٹر برائے پروڈکٹ مینجمنٹ، جیمز بیسر نے اس حوالے سے کہا کہ یوٹیوب ان اولین پلیٹ فارمز میں سے ہے جنہوں نے نوجوانوں کے لیے خصوصی تجربات فراہم کیے۔ اب ہم ایسی ٹیکنالوجی لا رہے ہیں جو نہ صرف ان کی حفاظت کو یقینی بناتی ہے بلکہ ان کی پرائیویسی کا بھی مکمل خیال رکھتی ہے۔
اے آئی سسٹم کیسے کام کرے گا؟
یہ نیا نظام صارف کی دیکھی جانے والی ویڈیوز اور اس کے مشاہداتی رویوں کی بنیاد پر اندازہ لگائے گا کہ وہ بالغ ہے یا نابالغ۔
اہم بات یہ ہے کہ یہ سسٹم صرف لاگ اِن صارفین پر لاگو ہوگا، اور یہ اس بات کی پروا نہیں کرے گا کہ صارف نے اکاؤنٹ بناتے وقت کیا تاریخِ پیدائش درج کی تھی۔
اگر کوئی شخص لاگ اِن نہ ہو تو بعض ویڈیوز ازخود بلاک ہو جائیں گی، کیونکہ یوٹیوب کو اس کی عمر کا درست اندازہ نہیں ہو سکے گا۔
کم عمر قرار دیے جانے پر کیا ہوگا؟
اگر اے آئی سسٹم کسی صارف کو 18 سال سے کم قرار دیتا ہے، تو اس پر وہ تمام پابندیاں لاگو ہوں گی جو یوٹیوب پہلے سے نابالغ صارفین کے لیے استعمال کر رہا ہے، جن میں اسکرین ٹائم سے وقفے کی یاد دہانی، پرائیویسی الرٹس، مخصوص ویڈیوز اور ریکمینڈیشنز پر پابندی اور ذاتی نوعیت کے اشتہارات کی بندش شامل ہیں،
اگر کوئی بالغ صارف غلطی سے نابالغ تصور کر لیا جائے، تو وہ اپنی عمر کی تصدیق **شناختی کارڈ، کریڈٹ کارڈ یا سیلفی کے ذریعے کر سکتا ہے۔
یہ اقدام ایسے وقت میں اٹھایا گیا ہے جب امریکا میں حکومت اور مختلف ریاستیں ویب سائٹس سے مطالبہ کر رہی ہیں کہ وہ نابالغ صارفین کو آن لائن فحش یا نامناسب مواد سے بچانے کے لیے زیادہ مؤثر اقدامات کریں۔ جون کے آخر میں امریکی سپریم کورٹ نے ٹیکساس کے ایک قانون کو برقرار رکھا، جس کا مقصد کم عمر افراد کو حساس مواد سے روکنا ہے، جس کے بعد دباؤ مزید بڑھ گیا ہے۔
تاہم بعض تنظیمیں جیسے الیکٹرانک فرنٹیئر فاؤنڈیشن اور سینٹر فار ڈیموکریسی اینڈ ٹیکنالوجی اس اقدام کو صارفین کی پرائیویسی اور اظہارِ رائے کی آزادی کے لیے خطرہ قرار دے رہی ہیں۔
ذریعہ: Daily Mumtaz
کلیدی لفظ: کے لیے
پڑھیں:
چوری کی حیران کن واردات، بچی کے ردعمل پر چور نے سب واپس کر دیا، ویڈیو وائرل
سوشل میڈیا پر ایک وائرل ویڈیو نے دیکھنے والوں کے دلوں کو چھو لیا ہے، جس میں ایک انوکھی واردات سامنے آئی ہے۔ ویڈیو میں چور گن پوائنٹ پر دکاندار سے موبائل اور نقدی لوٹتا ہے، اور واردات کے دوران دکاندار کو تھپڑ بھی مارتا ہے۔
ویڈیو میں دیکھا جا سکتا ہے کہ دکان میں موجود چھوٹی بچی نے خوف کے باوجود ہاتھ میں پکڑی ہوئی کھانے کی چیز چور کو دے دی۔ بچی کے اس ردعمل نے چور کے دل پر اثر ڈالا اور اس نے فوری طور پر دکاندار کو اس کی ساری چیزیں واپس کر دیں۔
بیٹیاں رحمت بھی، راحت بھی، دلاری بھی،
باپ کے گھر کی سب سے نازوں سے پالی گئی پھول کاری بھی۔ pic.twitter.com/Kbbzxj5hCS
— Harmeet Singh (@HarmeetSinghPk) November 17, 2025
ویڈیو میں دکھایا گیا ہے کہ چور بچی کے ماتھے پر پیار بھرا بوسہ دیتا ہے اور واپس چلا جاتا ہے۔ واردات کے بعد دکاندار نے اپنی بیٹی کو گلے لگا کر سکون کا سانس لیا، اس جذباتی منظر کو دیکھ کر سوشل میڈیا صارفین بھی حیرت اور محبت کے ملے جلے جذبات کا اظہار کر رہے ہیں۔
کئی صارفین نے بیٹیوں کو رحمت قرار دیا اور کہا کہ اس ویڈیو نے انہیں رُلا دیا تو وہیں چند صارفین کا کہنا تھا کہ یہ فیک ویڈیو ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چوری کی واردات ویڈیو وائرل
مودی کی مسلم دشمنی، دہلی دھماکے کو سیاسی کرتب قرار دینے والا ہیڈماسٹر گرفتار