وزیراعظم کا آرمی راکٹ فورس کمانڈ کی تشکیل کا اعلان
اشاعت کی تاریخ: 13th, August 2025 GMT
فوٹو اسکرین گریب
وزیراعظم شہباز شریف نے آرمی راکٹ فورس کمانڈ کی تشکیل کا اعلان کردیا اور کہا کہ فورس کمانڈ کی تشکیل جنگی صلاحیت کی جانب اہم سنگ میل ہے۔
اسلام آباد میں یوم آزادی کی مرکزی تقریب سے خطاب وزیراعظم نے کہاکہ ہماری ایٹمی طاقت کسی طور پر جارحانہ سوچ نہیں رکھتی ہے۔
شہباز شریف نے کہا ہے کہ معرکہ حق نے ثابت کیا کہ ہم اس آزادی کی حفاظت کرنے کی طاقت رکھتے ہیں۔
انہوں نے کہا کہ یہ صرف آزادی کی جنگ نہیں دو قومی نظریےکی فتح تھی، تحریک پاکستان کے تمام قائدین اور کارکنوں کو سلام عقیدت پیش کرتا ہوں۔
صدر مملکت آصف علی زرداری تقریب کے مہمان خصوصی ہیں، وزیرِاعظم شہباز شریف، تینوں مسلح افواج کے سربراہان، قومی اور غیر ملکی شخصیات بھی تقریب میں شریک ہیں۔
شہباز شریف نے مزید کہا کہ ہم نے جشن آزادی کو معرکہ حق کا نام دیا ہے، چار دن کے اندر بھارت کا غرور مٹی میں مل گیا۔ بھارت کی آنے والی نسلیں اس شکست کویاد رکھیں گی، معرکہ حق نےثابت کیا کہ ہم اس آزادی کی حفاظت کرنے کی طاقت رکھتے ہیں۔
وزیراعظم نے یہ بھی کہا کہ بھارت نے پاکستان پرحملہ کیا اس کو گھمنڈ تھا کہ اپنی جنگی طاقت سے پاکستان کو زیر کرے گا، ہمارے دوست ممالک نے مشکل گھڑی میں ہمارا حوصلہ بڑھایا۔
انہوں نے کہا کہ ہم نے بھارت کی جوہری طاقت کےمقابلے میں ایٹمی طاقت کے حصول کا راستہ اپنایا، ہماری ایٹمی طاقت کسی طور پر جارحانہ سوچ نہیں رکھتی۔
وزیراعلیٰ سندھ سید مراد علی شاہ نے کہا ہے کہ صوبہ سندھ جشن آزادی کی تقریبات میں بھی آگے ہیں۔
شہباز شریف نے کہا کہ چین، سعودی عرب، ترکیے، آذربائیجان، یو اے ای، ایران نے پاکستانی موقف کی کھل کرحمایت کی۔
اُن کا کہنا تھا کہ امریکی صدر کا شکریہ ادا کرتا ہوں جنہوں نے جنگ بندی کےلیےٹھوس کوششیں کیں، امید ہے ٹرمپ کشمیر کا مسئلہ اقوام متحدہ کی قرارداوں کے مطابق حل کروائیں گے۔
.ذریعہ: Jang News
کلیدی لفظ: شہباز شریف نے ا زادی کی معرکہ حق کہا کہ نے کہا
پڑھیں:
بھارت نے دوبارہ کوئی حرکت کی تو ایسا جواب ملے گا کہ کانوں کو ہاتھ لگائے گا، وزیراعظم شہباز شریف
وزیراعظم پاکستان شہباز شریف نے کہا ہے کہ پڑوسی ملک بھارت نے پاکستان کا پانی بند کرنے کی دھمکی دی ہے، مگر بھارت ایک بوند بھی پاکستان سے نہیں چھین سکتا۔ اگر دوبارہ ایسی کوئی حرکت کی گئی تو ایسا جواب دیا جائے گا کہ وہ کانوں کو ہاتھ لگائے گا۔
اسلام آباد میں نوجوانوں کے عالمی دن کے موقع پر منعقدہ تقریب سے خطاب کرتے ہوئے وزیراعظم نے کہاکہ دشمن کو شکست دینے کے بعد ایک نیا پاکستان دنیا کے سامنے آیا ہے۔
یہ بھی پڑھیں: پاک بھارت جنگ بندی کے حوالے سے امریکا نے بھارتی بیانیہ مسترد کردیا
انہوں نے کہاکہ پاکستان کی مسلح افواج نے بھارت کو عبرتناک سبق سکھایا اور ہمارے بہادر سپوتوں نے 10 مئی کو بھارت کا غرور خاک میں ملا دیا۔
شہباز شریف کے مطابق پاکستان نے بھارتی جارحیت کا منہ توڑ جواب دیتے ہوئے دشمن کے 6 طیارے مار گرائے۔ انہوں نے زور دے کر کہا کہ سندھ طاس معاہدے کے تحت بھارت پاکستان کے حصے کا پانی روکنے کا اختیار نہیں رکھتا۔
وزیراعظم نے کہاکہ ملک کا مستقبل نوجوانوں کے ہاتھوں میں ہے اور ترقی کے لیے میرٹ پر سختی سے عملدرآمد کیا جائے گا۔ ہونہار طلبہ کو میرٹ کی بنیاد پر ایک لاکھ لیپ ٹاپ دیے جائیں گے۔
انہوں نے مزید کہاکہ قائداعظم محمد علی جناح کی ولولہ انگیز قیادت میں 14 اگست 1947 کو پاکستان دنیا کے نقشے پر ابھرا۔
یہ بھی پڑھیں: پاک بھارت جنگ کے 3 ماہ بعد انڈین فضائیہ جاگ گئی، 6 پاکستانی جہاز تباہ کرنے کا انوکھا دعویٰ
ان کا کہنا تھا کہ تحریک پاکستان میں اقلیتی برادری نے بھی بھرپور کردار ادا کیا، جبکہ تعلیم، صحت اور دفاعِ پاکستان میں ان کی خدمات کسی تعارف کی محتاج نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاک بھارت جنگ پاکستان کا پانی سندھ طاس معاہدہ شہباز شریف نوجوانوں کا عالمی دن وزیراعظم پاکستان وی نیوز
احتجاج کی آڑ میں گھروں، بینکوں کو جلانا، سڑکیں بند کرنا قابلِ مذمت، ملک محمد احمد خاں