معرکہ حق ، آپریشن بنیان مرصوص سے آزادی کی خوشیاں دوبالا ہوگئیں( صدر و وزیراعظم)
اشاعت کی تاریخ: 15th, August 2025 GMT
آج ہم قائد اعظم محمد علی جناح اور تحریک پاکستان کے تمام کارکنان کو خراجِ عقیدت پیش کرتے ہیں
آصف علی زرداری اورشہباز شریف کی قوم کو تہہ دل سے آزادی کے 78 سال مکمل ہونے پر مبارکباد
صدر مملکت آصف علی زرداری اور وزیر اعظم شہباز شریف نے کہا ہے کہ قوم کو آزادی کے 78 سال مکمل ہونے پر مبارکباد دیتے ہوئے کہا ہے کہ معرکہ حق اور آپریشن بنیان مرصوص نے پاکستانی قوم کے دل میں ایک نئی امنگ اور جذبہ بیدار کر دیا ہے اور آزادی کی خوشیاں دوبالا ہو گئی ہیں۔صدر اسلامی جمہوریہ پاکستان آصف علی زرداری نے آزادی کی 78ویں سالگرہ کے موقع پر پیغام میں کہا کہ آج ہم اپنے عظیم قائد قائد اعظم محمد علی جناح اور تحریک پاکستان کے تمام کارکنان کو خراجِ عقیدت پیش کرتے ہیں جن کی کاوشوں اور قربانیوں نے اس خواب کو حقیقت بنایا، اس سال ہم یوم آزادی بڑے افتخار اور ایک تازہ امید کے ساتھ منا رہے ہیں۔صدر مملکت نے کہا کہ حال ہی میں ہماری قوم نے بیرونی جارحیت کے جواب میں اپنی طاقت، عزم اور اتحاد کا مظاہرہ کیا، معرکہ حق اور آپریشن بنیان مرصوص میں ہماری فتح ہماری تاریخ کا ایک سنہری باب ہے۔وزیراعظم آفس کے میڈیا ونگ جاری بیان کے مطابق وزیراعظم محمد شہباز شریف نے یوم آزادی پر اپنے پیغام میں کہا کہ وہ آج کے دن اللہ تعالیٰ کے حضور سجدہ شکر ادا کرتے ہوئے پاکستان کے 78 سال مکمل ہونے پر قوم کو تہہ دل سے مبارکباد پیش کرتے ہیں۔انہوں نے کہا کہ وہ بابائے قوم قائد اعظم محمد علی جناح اور مفکر پاکستان علامہ محمد اقبال سمیت تحریک آزادی کے بلند ہمت، دور اندیش قائدین اور کارکنوں کو بھی سلام پیش کرتے ہیں جنہوں نے بکھری ہوئی قوم کو ایک فکر، ایک مشن اورایک نصب العین پر نہ صرف متحد کیا بلکہ اپنی ولولہ انگیز سیاسی جدوجہد کے ذریعے تاریخ کا دھارا موڑ کر ایک الگ نظریاتی ریاست کے قیام کے ناممکن سمجھے جانے والے خواب کو شرمندہ تعبیر کردکھایا۔
.ذریعہ: Juraat
کلیدی لفظ: پیش کرتے ہیں کہا کہ قوم کو
پڑھیں:
سرچ آپریشن، 76 غیر قانونی مقیم افغان باشندے گرفتار
مجموعی طور پر 1375 گھروں، 412 دکانوں، 28 ہوٹلوں کی تلاشی لی گئی
1709 سے زائد افراد کے کوائف چیک ،21 افراد کیخلاف مقدمات درج
راولپنڈی پولیس نے شہر کے مختلف علاقوں میں سیکیورٹی کی صورتحال کو مضبوط بنانے اور غیر قانونی سرگرمیوں کی روک تھام کے لیے بڑے پیمانے پر سرچ آپریشن کیے،آپریشن کے دوران 76 غیر قانونی مقیم افغان باشندوں کو حراست میں لیا گیا، جنہیں مزید قانونی کارروائی کے لیے متعلقہ اداروں کے حوالے کر دیا گیا ہے۔ راولپنڈی پولیس کے مطابق سرچ آپریشنز تھانہ کلر سیداں، روات، گوجر خان، چونترہ، دھمیال، کہوٹہ، جاتلی، صدر بیرونی، پیر ودھائی، رتہ امرال، گنج منڈی، سٹی، وارث خان، بنی، نیو ٹاؤن، صادق آباد، صدر واہ، نصیر آباد، سول لائنز، مورگاہ اور کینٹ کے علاقوں میں کیے گئے۔ سرچ آپریشنز کے دوران مجموعی طور پر 1375 گھروں، 412 دکانوں، 28 ہوٹلوں کی تلاشی لی گئی جبکہ 1709 سے زائد افراد کے کوائف بھی چیک کیے گئے۔ پولیس نے کارروائی کے دوران 4 کباڑ خانوں، 3 بس؍ٹرانسپورٹ اسٹینڈز اور مختلف مقامات پر کرایہ داروں کے کوائف کی بھی جانچ پڑتال کی جبکہ کرایہ داری کے کوائف کا اندراج نہ کروانے والے 21 افراد کے خلاف مقدمات درج کر لیے گئے ہیں۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟