فلم ’شعلے‘ کی گولڈن جوبلی: فلم کے وہ چھوٹے کردار جو امر ہو گئے؟
اشاعت کی تاریخ: 15th, August 2025 GMT
دھرمیندر، امیتابھ بچن، ہیما مالنی، سنجیو کمار اور جیا بچن اسٹارر آئیکونک فلم شعلے آج 15 اگست کو 50 سال مکمل ہونے پر گولڈن جوبلی منا رہی ہے۔ فلم رمیش سپی کی ہدایت کاری میں 15 اگست 1975 کو ریلیز ہوئی تھی۔
شعلے آج بھی پرستاروں میں مقبول ہے اور وہ اسے دیکھنا پسند کرتے ہیں۔ شعلے کے مکالمے اور کردار لوگوں کو آج بھی یاد ہیں۔ فلم ’شعلے‘ کے ایسے کئی معمولی مگر یادگار کردار آج بھی ثقافتی آئیکون کی حیثیت رکھتے ہیں۔
مزید پڑھیں: اہم تبدیلیوں اور منفرد اختتام کیساتھ ’شعلے‘ پھر جلوہ گر ہونے کو تیار
سورما بھوپالی (جگدیپ)
ایک ہنسی مذاق اور بہادری کے مبالغہ آمیز قصے سنانے والا لکڑہارا ہے جس کی مخصوص بھوپالی لہجہ اور مشہور لائن ’ہمارا نام سورما بھوپالی ایسے ویسے ہی نہیں ہے‘ سب کو یاد ہے۔ اس کا کردار فلم میں تھوڑا ہے مگر اتنا مقبول ہوا کہ اسے اپنی علیحدہ فلم بھی ملی۔
ماوسی (لیلا مشرا)
بسنتی کی سخت مگر پیاری خالہ ہیں، جو بھارتی دیہات کی عادتوں اور رشتوں کی نمائندگی کرتی ہیں اور اپنے مزاحیہ انداز سے کہانی میں گھریلو پن لاتی ہیں۔
مزید پڑھیں: فلم ’شعلے‘ کے چند دلچسپ حقائق
امام صاحب (اے کے ہنگل)
دیہات کے نابینا امام ہیں جن کے غمگین مناظر اور جملے ’اتنا سناٹا کیوں ہے بھائی؟‘ دل چھو جاتے ہیں۔
سامبھا (میک موہن)
گبّر سنگھ کا چپچپا ساتھی ہے، جس کی صرف ایک لائن ’پورے 50 ہزار‘ اسے ایک لیجنڈ بنا دیتی ہے۔
مزید پڑھیں: معروف بھارتی فلم ’شعلے‘ کے اے آئی ورژن نے تہلکہ مچا دیا
احمد (سچن پیلگاونکر)
امام صاحب کا بیٹا ہے جس کی موت گبّر کے ظلم کو نمایاں کرتی ہے اور کہانی کو آگے بڑھاتی ہے۔
جیلر (اسرانی)
ایک مزاحیہ کردار ہے جو ہٹلر کی نقل کرتا ہے اور فلم کے آغاز میں مزاح کا تڑکا لگاتا ہے۔
مزید پڑھیں: فلم’شعلے’ کو ‘گبر’ کیسے ملا تھا؟
دھنو (گھوڑا)
دھنو بسنتی کا گھوڑا ہے جس کا نام اور بسنتی کی ’چل دھنو‘ کی آوازیں فلم کا ایک لازوال حصہ ہیں، جو وفاداری اور طاقت کی علامت بن گئی ہیں۔
کالیا (ویجو کھوٹے)
گبّر کا ہینچ مین ہے جس کے مشہور مکالمے ’تیرا کیا ہوگا کالیا؟‘ اور ’سردار، میں نے آپ کا نمک کھایا‘ اب بھی یاد کیے جاتے ہیں۔
ہری رام نائی (کیشٹو مکھر جی)
جیل کا نائی اور جیلر کا جاسوس ہے، جو اپنی شرارتی حرکات سے فلم میں مزاح پیدا کرتا ہے۔
مزید پڑھیں: فلم ’شعلے‘: دھرمیندر اور ہیما مالنی کی شاندار اداکاری کے پیچھے کیا تھا، بالی ووڈ کی نامور اداکارہ کے انکشافات
یہ تمام کردار سلیم جاوید کی تحریر اور اداکاروں کی عمدہ پرفارمنس کی بدولت زندہ ہو گئے اور بھارتی سینما کی تاریخ میں اپنے اپنے مقام بنا لیے۔ ’شعلے‘ کی کہانی میں ہر کردار، چاہے کتنا ہی چھوٹا ہو، فلم کی عظمت اور مکمل پن کا حصہ ہے۔
یہ کردار آج 50 برس بعد بھی فلم کے مداحوں کے دلوں میں زندہ ہیں اور نسل در نسل سنی سنائی داستانوں کی طرح بھارت کی روح کا حصہ بن چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد امام صاحب بسنتی ٹھاکر جاوید سلیم جے وجے دھنو رمیش سپی سامبھا شعلے کالیا گبر سنگھ.
ذریعہ
ذریعہ: WE News
کلیدی لفظ: بسنتی ٹھاکر جاوید سلیم رمیش سپی سامبھا شعلے کالیا گبر سنگھ مزید پڑھیں
پڑھیں:
سیالکوٹ میں نالہ ایک کا بند ٹوٹ گیا، دھان کی سینکڑوں ایکڑ فصل کو خطرہ
میاں محمد اشفاق: سیالکوٹ کے علاقے سمبڑیال میں ڈھلم بلگن کے مقام پر نالہ ایک کا بند ٹوٹنے سے پانی قریبی زرعی اراضی میں داخل ہو گیا، جس کے باعث دھان کی سینکڑوں ایکڑ پر کھڑی فصل کو شدید نقصان پہنچنے کا خدشہ پیدا ہو گیا ہے۔
آئی جی پنجاب نے27افسران کے تقرروتبادلے کر دیے
مقامی شہریوں کے مطابق پانی تیزی سے کھیتوں میں پھیل رہا ہے، جبکہ لوگ اپنی مدد آپ کے تحت بند مضبوط کرنے کی کوشش کر رہے ہیں۔ شہریوں کا کہنا ہے کہ تاحال انتظامیہ یا متعلقہ محکموں کا کوئی اہلکار امدادی کارروائی کے لیے موقع پر نہیں پہنچا۔
کسانوں اور علاقہ مکینوں نے مطالبہ کیا ہے کہ بند کی فوری مرمت اور ہنگامی اقدامات کیے جائیں تاکہ زرعی زمینوں اور فصلوں کو مزید نقصان سے بچایا جا سکے۔
آج شام و رات سے 27 جولائی تک مزید بارشوں کی پیشگوئی
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم