اربعین کا عالمی سافٹ ویئر
اشاعت کی تاریخ: 15th, August 2025 GMT
اسلام ٹائمز: اربعین ایک تیار ثقافتی سافٹ ویئر ہے جو آنے والی نسل کو کم قیمت پر حسینی اور مستحکم بننے کی تربیت دے سکتا ہے۔ اس سنہری موقع کو پہچاننے کی ضرورت ہے، اس کی قدر کرنی چاہیے اور اس سے پوری طرح بہرہ مند ہونے کے لیے اس کے ساتھ منصوبہ بندی، تعاون اور پرعزم معلمین کی موجودگی ضروری ہے۔ اگر ہم آج یہ پودا لگائیں تو کل یہ ناصران امام مہدی عجل اللہ تعالی فرجہ الشریف کی صف میں پھل لائے گا۔ تحریر: محمد جواد نظافت
اربعین (چہلم امام حسین علیہ السلام) کی زیارت صرف ایک طویل فاصلے تک پیدل چلنے کا سفر نہیں ہے بلکہ یہ راستہ ایک درسگاہ ہے جہاں ارادے پرورش پاتے ہیں اور روحوں کی تربیت ہوتی ہے۔ شاید یہ پیدل سفر زائر کو جو سب سے اہم سبق سکھاتا ہے وہ "جدوجہد" ہے۔ اس معنی میں نہیں کہ جسم کو تکلیف پہنچائی جائے بلکہ روح کی مشق اور نفس امارہ (انانیت) کے خلاف جہاد کے معنی میں ہے۔ ہر انسان کے وجود کے دو پہلو ہیں: عقلی اور حیوانی۔ حیوانی پہلو اس انانیت پر مشتمل ہے جو اگر عقل پر غالب آ جاتی ہے تو انسان کو انسانیت کی راہ سے زوال کے پاتال کی طرف کھینچ لے جاتی ہے۔ امیر المومنین علی علیہ السلام فرماتے ہیں: "اگر عقل شہوت پر غالب آ جائے تو انسان فرشتے سے افضل ہے اور اگر شہوت عقل پر غالب ہو جائے تو وہ حیوان سے بھی زیادہ پست ہو جاتا ہے۔"
قابل توجہ بات یہ ہے کہ ہم ایک فعال حیوانی پہلو کے ساتھ پیدا ہوتے ہیں جبکہ ہماری عقل سوئی ہوئی ہوتی ہے اور صرف تعلیم و تربیت کے ذریعے ہی بیدار ہوتی ہے۔ اربعین واک اسی تعلیم و تربیت کا ایک پیش خیمہ ہے۔ اس راستے پر انسان کو مشکلات کا سامنا کرنا پڑتا ہے لیکن یہی مشکلات اس بات کا سنہری موقع فراہم کرتی ہیں کہ انسان میں عقل کا پہلو مضبوط ہو اور وہ انسانی وجود کی کمان اپنے ہاتھ میں لے سکے۔ تاریخ بتاتی ہے کہ روحانیت کے میدان کے بہت سے ہیرو اور عظیم شخصیات کے مالک انسان اسی میدان میں تربیت پائے ہیں۔ جس طرح دفاع مقدس کے دوران بہت سے شہداء ماضی میں اچھا انسان ہونے کے باوجود محاذ جنگ پر اپنے کمال کے عروج تک پہنچے۔
اگر ہم نے آج خودسازی کا مرحلہ طے نہ کیا تو کل امتحان کے میدان میں کامیاب نہیں ہو پائیں گے۔ بالکل اسی طرح جیسے ماضی میں کربلا کے موقع پر آرام پسند اور سست عناصر نے امام حسین علیہ السلام کو تنہا چھوڑ دیا۔ خودسازی کے بغیر انسان ایسے حساس مراحل پر کامیابی حاصل نہیں کر پاتا۔ اربعین کا سفر مشقت اور لذت کا امتزاج ہے۔ تھوڑی سی پیاس اور گرمی اور پھر ٹھنڈی ہوا کا جھونکا یا پانی کا ایک گھونٹ وہ لذت دیتا ہے جو مستقل خوشحالی میں نہیں ملتا۔ یہ امتزاج جدوجہد کی بہترین شکل ہے کیونکہ سراسر سختی دل کو تکلیف دیتی ہے لیکن اربعین اس توازن کے ساتھ روح کو لچک دار اور خوش مزاج بنا دیتا ہے۔ اس بات کا تذکرہ ائمہ معصومین علیہ السلام کے فرامین اور سیرت میں بھی کثرت سے ملتا ہے۔
امیرالمومنین امام علی علیہ السلام نہج البلاغہ میں فرماتے ہیں: "میں تقوی کے ذریعے اپنے نفس کو مشقت میں مبتلا کرتا ہوں تاکہ روز قیامت پرسکون رہوں اور دنیا میں حساس مواقع پر خطا سے محفوظ ہو جاوں"۔ اربعین اسی استقامت کے لیے ایک مشق ہے۔ اگر ہم آج اس مشکل مگر پرلطف راستے پر چلتے ہیں تو کل دنیا اور آخرت کے راستے پر مضبوطی سے کھڑے ہوں گے۔
انفرادیت سے ماوراء ہو جانا
یہ سفر صرف ایک انفرادی تجربہ نہیں ہے بلکہ "اجتماعی زندگی" کی ایک مشق ہے۔ اسلام اجتماعی سرگرمیوں پر زور دیتا ہے: "نیک کاموں اور پرہیزگاری میں ایکدوسرے سے تعاون کرو۔" گروہی سرگرمی لوگوں کو کئی گنا زیادہ توانائی دیتی ہے اور نوجوان کو انفرادیت سے مثبت اجتماعیت کی طرف لے جاتی ہے۔ یہ اجتماع ایک مشترکہ روح کا حامل ہے جو اس کے اجزا کو متاثر کرتا ہے۔
مہدوی معاشرے کی جھلک
دوسری طرف، اربعین "مہدوی مطلوبہ معاشرے" کی تصویر پیش کرتا ہے۔ اس راستے پر اہلسنت برادران، عیسائی اور حتی غیر مسلم بھی خوشی سے خدمت کرتے ہیں۔ سب ایک ہی میز پر بیٹھتے ہیں اور انسانی وقار اپنے عروج پر نظر آتا ہے۔ یہ وہ تصویر ہے جسے بڑی طاقتوں کا میڈیا دکھانے سے ڈرتا ہے کیونکہ یہ شان و شوکت فطرت کو بیدار کرتی ہے اور دلوں کو اسلام کی طرف راغب کرتی ہے۔
مستقبل کے لیے سرمایہ کاری
نوجوانوں کو اربعین کے لیے بھیجنے پر جو اخراجات کیے جاتے ہیں وہ درحقیقت ایک سرمایہ کاری ہے جو انہیں بہت سے سماجی نقصانات سے بچاتی ہے.
حتی وہ گھرانے جن کے بچے نہیں ہیں وہ بھی دوسروں کے بچوں کی تربیت میں حصہ لے سکتے ہیں۔ یہ "باقیات الصالحات" میں سے ایک ہے جس کا اجر اور ثواب سالوں اور نسلوں تک باقی رہے گا۔
ایک تیار ثقافتی سافٹ ویئر
اربعین ایک تیار ثقافتی سافٹ ویئر ہے جو آنے والی نسل کو کم قیمت پر حسینی اور مستحکم بننے کی تربیت دے سکتا ہے۔ اس سنہری موقع کو پہچاننے کی ضرورت ہے، اس کی قدر کرنی چاہیے اور اس سے پوری طرح بہرہ مند ہونے کے لیے اس کے ساتھ منصوبہ بندی، تعاون اور پرعزم معلمین کی موجودگی ضروری ہے۔ اگر ہم آج یہ پودا لگائیں تو کل یہ ناصران امام مہدی عجل اللہ تعالی فرجہ الشریف کی صف میں پھل لائے گا۔
ذریعہ: Islam Times
کلیدی لفظ: علیہ السلام سافٹ ویئر کی تربیت راستے پر کے ساتھ اگر ہم ہے اور کے لیے
پڑھیں:
پاکستان کی میزبانی میں عالمی خلائی کانفرنس 2025 کا انعقاد
پاکستان نے عالمی خلائی کانفرنس 2025 کی میزبانی حاصل کرکے سائنسی میدان کی ترقی میں اہم سنگ میل عبور کرلیا ہے۔
پاکستان عالمی سطح پر سائنسی توجہ کا مرکز بن گیا ہے۔ سب سے بڑی خلائی کانفرنس انٹرنیشنل کانفرنس آن اپلیکیشنز آف اسپیس سائنس اینڈ ٹیکنالوجی (ICAST) کا اسلام آباد میں شاندار انعقاد ہوگیا ہے۔
عالمی کانفرنس سپارکو اور اسلام آباد اسپیس اینڈ ٹیکنالوجی کے اشتراک سے 18 تا 20 نومبر تک جاری رہے گی ۔ کانفرنس کا مقصد عالمی چیلنجز کے حل میں خلائی ٹیکنالوجی کے بڑھتے کردار کو اجاگر کرنا ہے۔
ایونٹ میں 25 ممالک کے 70 سے زائد مندوبین اور 2 ہزار سے زیادہ شرکاء شریک ہونگے جبکہ اس میں متعدد معاہدے متوقع ہیں۔
بین الاقوامی مندوبین کی شرکت سے پاکستان کے خلائی شعبہ میں سرمایہ کاری کے نئے امکانات روشن ہیں۔ کانفرنس میں سیٹلائٹ ٹیکنالوجی اور اے آئی ایپلیکیشنز پر جامع تبادلہ خیال ہوگا۔
مشترکہ تحقیق، صلاحیت سازی اور خلائی ٹیکنالوجی کے تبادلے کیلئے جامع حکمتِ عملی تشکیل دی جائے گی۔ عالمی مباحثے اور شراکت داریاں پاکستان کی سائنسی ترقی میں اہم کردار ادا کریں گی۔
رکن ممالک کا سائنسی شعبہ جات میں تعاون اور ترقیاتی منصوبے پاکستان کے خلائی شعبے کی استعداد بڑھائیں گے۔
پنجاب بھر کی عدالتوں میں سیکیورٹی انتظامات مزید سخت