ہیلری کلنٹن نے ٹرمپ کو نوبیل انعام دلانے کیلیے حیران شرط رکھ دی
اشاعت کی تاریخ: 16th, August 2025 GMT
امریکا کی سابق وزیر خارجہ ہیلری کلنٹن نے صدارتی انتخاب میں اپنے سابق حریف ڈونلڈ ٹرمپ کو نوبیل انعام کی نامزدگی کے لیے ایک دلچسپ اعلان کیا ہے۔
ہیلری کلنٹن نے ایکس (ٹوئٹر) پر لکھا کہ اگر صدر ٹرمپ روس یوکرین جنگ کا اختتام اس شرط کے ساتھ کروا دیں کہ یوکرین کا کوئی علاقہ روس کے قبضے میں نہ جائے، تو میں انھیں نوبیل انعام کے لیے نامزد کروں گی۔
ہیلری کلنٹن کے بقول اس کا مطلب یہ ہوگا کہ روسی صدر ولادیمیر پیوٹن وقت کے ساتھ ساتھ یوکرینی علاقوں سے دستبردار ہو جائیں گے اور اگر ایسا ہوا تو یہ عالمی امن کے لیے ایک تاریخی اقدام ہوگا۔
سابق امریکی صدر بل کلنٹن کی اہلیہ ہیلری کلنٹن نے یہ بات اس لیے کہی کیوں کہ روس اس وقت یوکرین کے تقریباً 18 فیصد علاقے پر قابض ہے اور انھیں اپنی ملکیت قرار دیتا ہے۔
خیال رہے کہ امریکی صدر ٹرمپ نے اپنے ایک حالیہ بیان میں کہا تھا کہ روس یوکرین جنگ میں کچھ علاقائی یا جغرافیائی تبدیلیاں ممکن ہیں تاہم انھوں نے تفصیل نہیں بتائی تھی۔
ہیلری کلنٹن نے نوبیل انعام کی نامزدگی کا بیان اس لیے بھی دیا کیوں کہ پاک بھارت کشیدگی سمیت آرمینیا آذربائیجان، تھائی لینڈ کمبوڈیا تناؤ ختم کرانے اور مشرقِ وسطیٰ میں امن معاہدوں کی وجہ سے ٹرمپ خود کو نوبیل انعام کا حقدار سمجھتے ہیں۔
کچھ ممالک اور ارکان اسمبلی کی جانب سے ڈونلڈ ٹرمپ کی نوبیل انعام کے لیے نامزدگی کی تجویز دی جا چکی ہے۔
یاد رہے کہ نوبیل امن انعام ناروے کی کمیٹی دیتی ہے جب کہ اس کے لیے پانچ اراکین کا تقرر ناروے کی پارلیمنٹ کرتی ہے۔ دنیا بھر سے نوبیل انعام کے لیے ہر سال سیکڑوں امیدوار نامزد کیے جاتے ہیں۔
.
ذریعہ: Express News
کلیدی لفظ: ہیلری کلنٹن نے نوبیل انعام کے لیے
پڑھیں:
دنیا کا سب سے زیادہ آبادی کا حامل شہر کون سا ہے؟ حیران کن نام سامنے آگیا
دنیا میں آبادی کے تناسب میں تیزی سے اضافہ ہو رہا ہے اور چند مشہور شہروں میں یہ تناسب بہت زیادہ ہے جبکہ جاپان جیسے ترقی یافتہ ملک میں بھی متعدد شہروں میں آبادی کی شرح میں اضافہ ریکارڈ کیا گیا۔
ورلڈ پاپولیشن ریویو نے 2025 کے گنجان آباد شہروں کی فہرست جاری کردی ہے، جس میں جاپان کا دارالحکومت ٹوکیو ہےحیران کن طور پر آبادی کی شرح میں کمی کے باوجود پہلے نمبر پر موجود ہے جبکہ کراچی دنیا کے 10 بڑے شہروں میں شامل نہیں ہے۔
ورلڈ پاپولیشن ریویو کے مطابق آبادی کے لحاظ سے دنیا کے 10 بڑے شہروں میں چین، بھارت اور جاپان کے دو،دو شہر شامل ہیں۔
فہرست کے مطابق ٹوکیو کی آبادی میں منفی 0.21 کمی آئی لیکن 3 کروڑ 70 لاکھ 36 ہزار 200 افراد کی آبادی کے ساتھ دنیا کا گنجان آباد شہر ہے۔
دوسرے نمبر پر بھارت کا دارالحکومت نئی دہلی ہے، جس کی آبادی 3 کروڑ 46 لاکھ 65 ہزار 600 ہے جبکہ گزشتہ سال کے مقابلے میں 2.54 فیصد اضافہ ہوا ہے۔
تیسرے نمبر پر چین کا شہر شنگھائی ہے، جس کی آبادی 2024 سے 2.06 فیصد بڑھی ہے اور 3 کروڑ 4 لاکھ 82 ہزار 100 نفوس پر مشتمل ہے۔
بنگلہ دیش کا دارالحکومت ڈھاکا میں 3 فیصد کے بڑے اضافے کے ساتھ چوتھے نمبر پر ہے اور شہر کی مجموعی آبادی دو کروڑ 46 لاکھ 52 ہزار 900 ہے۔
مصر کا دارالحکومت قاہرہ دو کروڑ 30 لاکھ 74 ہزار 200 آبادی کے ساتھ پانچواں سب سے بڑا شہر ہے۔
برازیل کا شہر ساؤپاؤلو دو کروڑ 29 لاکھ 90 ہزار آبادی کا حامل ہے اور دنیا میں اس کا نمبر ساتواں ہے۔
دنیا کے گنجان آباد سرفہرست 10 شہروں میں چین کے دو شہر شامل ہیں، شنگھائی کے بعد دارالحکومت بیجنگ بھی دنیا کے سب سے زیادہ آبادی رکھنے والا شہر ہے جہاں مجموعی آبادی دو کروڑ 25 لاکھ 96 ہزار 500 ہے۔
بھارت میں بھی سب سے زیادہ آبادی والے دو شہر ہیں، ممبئی کی آبادی دو کروڑ 20 لاکھ 89 ہزار ہے اور دنیا میں اس کا نمبر نواں ہے۔
جاپان کا شہر ٹوکیو دسویں نمبر پر ہے جہاں ایک کروڑ 89 لاکھ 21 ہزار 600 افراد رہتے ہیں۔
ورلڈ پاپولیشن ریویو کے مطابق کراچی کا نمبر بارھواں ہے جس کی آبادی چین کے شہر چونگکنگ کی ایک کروڑ 81 لاکھ 71 ہزار 200 کے بعد ایک کروڑ 80 لاکھ 76 ہزار 800 ہے۔
لاہور کا نمبر دنیا میں آبادی کے لحاظ سے 20 واں ہے، جس کی آبادی ایک کروڑ 48 لاکھ 25 ہزار 800 ہے۔
کپل شرما سے بھتہ مانگنے والا گینگسٹر گرفتار