میری سیاست روایتی نعروں سے ہٹ کر عوامی فلاح و بہبود پر مبنی ہے: ہمایوں اختر خان
اشاعت کی تاریخ: 17th, August 2025 GMT
— فائل فوٹو
سابق وفاقی وزیر ہمایوں اختر خان نے فیصل آباد کے حلقہ این اے97 کا دورہ کیا۔
ہمایوں اختر خان نے حلقے میں کسانوں، سماجی شخصیات اور علاقہ عمائدین سے ملاقاتیں کیں۔
اُنہوں نے کہا کہ حلقےکی سڑکوں کی تعمیر کے لیے 160 ملین سے زائد فنڈز دیے گئے ہیں، عوام کی زندگیوں میں بہتری لانا ہمارا فرض ہے اور اس کے لیے کوئی کسر اٹھا نہیں رکھیں گے۔
ہمایوں اختر خان نے کہا کہ رواں مالی سال میں عوام کو حلقے میں ترقی ہوتی نظر آئے گی۔
اُنہوں نے مزید کہا کہ حلقہ این اے 97 میں روایتی سیاست کا خاتمہ ہوا ہے، تاندلیانوانہ برسوں سے برادری اور خاندانی سیاست کا مرکز رہا۔
ہمایوں اختر خان نے کہا کہ میری سیاست روایتی نعروں سے ہٹ کر عوامی فلاح و بہبود اور ترقیاتی ویژن پر مبنی ہے۔
.ذریعہ: Jang News
کلیدی لفظ: ہمایوں اختر خان نے کہا کہ
پڑھیں:
پنجاب حکومت کا بڑا اقدام، دفاتر میں روایتی سسٹم ختم، کروڑوں کی بچت ہوگی
لاہور:پنجاب کی حکومت نے صوبے میں بڑا اقدام کرتے ہوئے دفاتر میں روایتی فائل سسٹم ختم کرتے ہوئے تمام کارروائی ڈیجیٹل کردی ہے، جس سے حکومت کو کروڑوں روپے کی بچت متوقع ہے۔
ترجمان چیف سیکریٹری پنجاب آفس نے بیان میں کہا کہ سول سیکریٹریٹ اور حکومت پنجاب کی تمام کاغذی کارروائی ڈیجیٹل کر دی گئی ہے، جس سے کروڑوں روپے کی بچت ہوگی، اب سے تمام پیپر ورک ڈیجیٹل کیا جائے گا۔
ترجمان چیف سیکرٹری آفس نے بتایا کہ سول سیکریٹریٹ سےتمام ہارڈ کاپی فائلز ڈسپوز کر نے کے لیے جمع کر لی گئی ہیں اور تمام فائلز اور کاغذات ای فاس پر اپ لوڈ ہوں گے۔
انہوں نے کہا کہ روایتی فائل سسٹم ختم ہونے سے اسٹیشنری کی مد میں کروڑوں روپے کی بچت ہوگی، 80 فیصد سے زائد اسٹیشنری کا بجٹ ختم کر دیا جائے گا، کام کی رفتار تیز ہوگی اور کسی بھی دفتر میں فائل رکھنے کی صورت میں چیف سیکررٹری آفس کے لیے الرٹ جاری ہو گا۔
ترجمان نے کہا کہ ای فاس پر تمام فائلز ڈیجیٹلی اپ لوڈ ہوں گی جن کو ٹریک کیا جا سکے گا۔
کپل شرما سے بھتہ مانگنے والا گینگسٹر گرفتار