بھارتی میڈیا کی نئی سازشی تھیوری،ٹرمپ سے ملاقات کرنیوالے پیوٹن نہیں، ان کا ہم شکل تھا
اشاعت کی تاریخ: 17th, August 2025 GMT
امریکی صدر ڈونلڈ ٹرمپ اور روسی صدر ولادیمیر پیوٹن کی حالیہ ملاقات پر بھارتی میڈیا نے ایک مضحکہ خیز دعویٰ کیا ہے جس میں کہا گیا ہے کہ ٹرمپ سے ملاقات کرنے والا اصل پیوٹن نہیں بلکہ اس کا ڈمی تھا۔ یہ دعویٰ نہ صرف حقیقت سے کوسوں دور ہے بلکہ عالمی صحافت کے لیے بھی شرمناک لمحہ ہے، جو بھارتی میڈیا کی سنجیدگی پر سوالیہ نشان ہے۔
جوائنٹ بیس ایلمینڈورف-رچرڈسن (JBER) میں ہونے والی اس ملاقات کا دورانیہ تقریباً 4 گھنٹے رہا، جس کے بعد دونوں رہنماؤں نے پریس کانفرنس میں گفتگو کو ”تعمیری“ قرار دیا، اگرچہ یوکرین جنگ کے حوالے سے سیز فائر کا کوئی باقاعدہ اعلان نہیں کیا گیا۔
ہم یوکرین جنگ بندی کے قریب ہیں‘: الاسکا کی ٹھنڈ میں ٹرمپ اور پیوٹن کے درمیان برف پگھل گئی
عالمی ذرائع ابلاغ نے اس ملاقات کو سنجیدگی سے رپورٹ کیا، وہیں بھارتی میڈیا نے ایک بار پھر سنجیدہ سفارتی معاملات کو سازشی تھیوری میں بدلنے کی کوشش کی۔
بھارتی چینلز اور ویب سائٹس نے یہ دعویٰ کیا کہ ٹرمپ سے ملاقات کرنے والا شخص دراصل روسی صدر پیوٹن نہیں بلکہ اُن کا ہم شکل (ڈمی) تھا۔
بھارتی میڈیا نے اس حیران کن دعوے کی بنیاد پیوٹن کے چلنے کے انداز، ہاتھ ہلانے کے معمول، چہرے کے تاثرات، اور بالوں کی ترتیب پر رکھی۔ ان کا کہنا ہے کہ اصل پیوٹن چلتے وقت دایاں ہاتھ نہیں ہلاتے، جبکہ ملاقات کے لیے آنے والے شخص کا دایاں ہاتھ ہلتا دیکھا گیا۔
بھارتی میڈیا کے مطابق اصلی پیوٹن کم مسکراتے ہیں، جب کہ یہ پیوٹن ملاقات کے دوران ہنستے اور خوش نظر آ رہے تھے۔
یہ بھی دعویٰ کیا گیا کہ ملاقات کے دوران نظر آنے والے پیوٹن کے چہرے کے خدوخال اور بالوں کا انداز حقیقی پیوٹن سے مختلف تھا۔ ان قیاس آرائیوں کی بنیاد پر بھارتی میڈیا نے یہاں تک نتیجہ نکال لیا کہ ملاقات اس لیے ناکام رہی کیونکہ اس میں شامل روسی رہنما، درحقیقت، صدر پیوٹن ہی نہیں تھے۔
ماہرین اور تجزیہ کار بھارتی میڈیا کی اس روش کو غیر سنجیدگی اور فلمی ڈراموں سے متاثرہ صحافت کا شاخسانہ قرار دے رہے ہیں، جو سنجیدہ عالمی معاملات کو بھی تفریحی اور بے بنیاد خبروں میں بدل دیتی ہے۔ اس قسم کا غیر ذمہ دارانہ رویہ نہ صرف صحافتی اقدار کے منافی ہے بلکہ عوام کو گمراہ کرنے کا باعث بھی بنتا ہے۔
ذریعہ: Daily Mumtaz
کلیدی لفظ: بھارتی میڈیا نے
پڑھیں:
آزاد کشمیر کا ذکر کرنے پر بھارتی میڈیا نے ثنا میر کیخلاف نفرت انگیز مہم شروع کردی
کراچی:ویمنز ورلڈ کپ کے دوران بھارتی میڈیا نے ایک اور تنازع کھڑا کر دیا۔
پاکستانی کمنٹیٹر اور سابق کپتان ثنا میر نے کمنٹری کے دوران صرف اتنا کہا کہ پاکستانی کرکٹر نتالیہ پرویز کا تعلق آزاد کشمیر سے ہے، جس پر بھارتی میڈیا نے ان کے خلاف نفرت انگیز مہم شروع کر دی۔
Yes, Natalia Pervaiz is from Azad Kashmir in Pakistan ????????♥️♥️
Kashmir is Pakistan’s territory. Indians can keep on burning ????????‼️
pic.twitter.com/yZNax4VeJv
ثنا میر نے وضاحت دیتے ہوئے کہا کہ کمنٹیٹر کے لیے کھلاڑی کا شہر سے تعلق بتانا معمول کی بات ہے، اس معاملے پر عوامی سطح پر وضاحت دینے کی ضرورت افسوس کی بات ہے۔
ثنا میر نے کہا کہ معاملے کو سیاسی رنگ دینا انتہائی افسوسناک ہے، کھیل سے وابستہ شخصیات کو غیر ضروری دباؤ کا سامنا کرنا پڑ رہا ہے۔"
It's unfortunate how things are being blown out of proportion and people in sports are being subjected to unnecessary pressure. It is sad that this requires an explanation at public level.
My comment about a Pakistan player's hometown was only meant to highlight the challenges… pic.twitter.com/G722fLj17C
واضح رہے کہ کھیل کو نفرت اور سیاست سے دور رکھنا چاہیے مگر بھارتی میڈیا کھیل کے میدان میں بھی تعصب پھیلانے کی کوشش کر رہا ہے جو کہ کھیل کے جذبے اور اس کی روح کے منافی ہے۔
اس سے قبل ایشیا کپ میں بھی بھارت نے نفرت انگیزی کا مظاہرہ کرتے ہوئے پاکستانی کرکٹرز سے ہاتھ نہ ملاکر اپنی اخلاقی گراوٹ کا ثبوت پیش کیا تھا۔ جبکہ فائنل جیتنے کے بعد چیئرمین پی سی بی اور ایشین کرکٹ کونسل کے صدر مھسن نقوی سے ٹرافی وصول کرنے سے بھی انکار کیا تھا۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ