چین کا پاکستان میں سیلابی تباہ کاریوں پر اظہارِ افسوس
اشاعت کی تاریخ: 19th, August 2025 GMT
چین نے پاکستان میں حالیہ بارشوں اور سیلاب کے باعث ہونے والی جانی و مالی تباہ کاریوں پر گہرے دکھ اور افسوس کا اظہار کیا ہے چینی وزارت خارجہ کے ترجمان نے اپنے بیان میں کہا کہ سیلاب میں جاں بحق افراد کے لواحقین اور زخمیوں سے دلی ہمدردی ہے اور چین کو یقین ہے کہ پاکستانی عوام اس آزمائش پر قابو پا کر جلد بحالی کی طرف بڑھیں گے ترجمان کے مطابق چینی وزیر خارجہ وانگ ای نے اپنے پاکستانی ہم منصب اسحاق ڈار سے تعزیت کی ہے جبکہ اسلام آباد میں موجود چینی سفارت خانہ مسلسل صورتحال پر نظر رکھے ہوئے ہے اور پاکستان میں مقیم چینی شہریوں کی خیریت دریافت کر رہا ہے ترجمان نے واضح کیا کہ اب تک کسی چینی شہری کے ہلاک یا زخمی ہونے کی اطلاع نہیں ملی یاد رہے کہ ملک بھر میں حالیہ بارشوں اور سیلابی صورتحال کے نتیجے میں ہلاکتوں کی تعداد بڑھ کر 650 سے تجاوز کر چکی ہے نیشنل ڈیزاسٹر مینجمنٹ اتھارٹی کے مطابق 26 جون سے اب تک بارشوں لینڈ سلائیڈنگ اور سیلاب کے مختلف حادثات میں 657 افراد اپنی جان سے ہاتھ دھو بیٹھے ہیں
.ذریعہ: Nawaiwaqt
پڑھیں:
پاکستان کی مقبوضہ مغربی کنارے اور مسجد اقصیٰ میں اسرائیلی مظالم کی شدید مذمت
اسلام آباد:پاکستان نے مقبوضہ مغربی کنارے اور مسجدِ اقصیٰ میں قابض اسرائیلی افواج اور انتہا پسند یہودی آبادکاروں کی مسلسل خلاف ورزیوں کی سخت مذمت کی ہے۔
ترجمان دفتر خارجہ کے مطابق اسرائیلی فورسز اور آبادکاروں کی جانب سے مسجدِ اقصیٰ کے صحن میں بار بار دھاوے، نمازیوں کو ہراساں کرنے اور فلسطینی عوام کے خلاف طاقت کے وحشیانہ استعمال بین الاقوامی قوانین اور متعلقہ اقوام متحدہ کی قراردادوں کی کھلی خلاف ورزی ہے۔
ترجمان نے واضح کیا کہ مقدس مقامات کی حرمت اور تاریخی حیثیت کا ہر حال میں احترام کیا جانا ضروری ہے، بین الاقوامی قانون اس کی مکمل ضمانت دیتا ہے۔
پاکستان نے عالمی برادری سے فوری طور پر مؤثر اقدامات اٹھانے کا مطالبہ کرتے ہوئے کہا ہے کہ مسجدِ اقصیٰ اور دیگر مقدس مقامات کا تحفظ یقینی بنایا جائے۔ آبادکاروں کے تشدد اور حملوں کو روکا جائے اور اقوام متحدہ کی قراردادوں پر عمل درآمد کرایا جائے۔
ترجمان کے مطابق پاکستان ایک عادلانہ، جامع اور مستقل حل کی حمایت کرتا ہے۔ دو ریاستی فارمولے پر مبنی ہو فلسطین کا ایک آزاد، خودمختار، قابلِ عمل اور متصل ریاست کے طور پر قیام، 1967 سے پہلے کی سرحدوں کے مطابق، جس کا دارالحکومت القدس الشریف ہو۔
اسٹاک مارکیٹ میں معمولی تیزی ، 100انڈیکس میں 313 پوائنٹس کا اضافہ