ٹاپ اینڈ ٹی ٹوئنٹی: شکاگو کنگزمین نے پاکستان شاہینز کو شکست دے دی
اشاعت کی تاریخ: 19th, August 2025 GMT
ٹاپ اینڈ ٹی ٹوئنٹی ٹورنامنٹ کے 17ویں میچ میں شکاگو کنگزمین نے پاکستان شاہینز کو 69 رنز سے شکست دے دی۔
ڈارون میں کھیلے گئے میچ میں پاکستان شاہینز نے ٹاس جیت کر شکاگو کنگزمین کو پہلے بیٹنگ کرنے کی دعوت دی۔
شکاگو کنگزمین نے ملند کمار (74) اور تاجندر سنگھ (58) کی نصف سنچریز کی بدولت مقررہ 20 اوورز میں پانچ وکٹوں کے نقصان پر 206 رنز بنائے۔
پاکستان شاہینز کی جانب سے محمد وسیم نے 2 جبکہ سعد مسعود اور شاہد عزیز نے ایک ایک وکٹ حاصل کی۔
پاکستان شاہینز کی ٹیم ہدف کے تعاقب میں ناکام رہی اور مقررہ 20 اوورز میں آٹھ وکٹوں کے نقصان پر 137 رنز بناسکی۔
یاسر خان 38 جبکہ کپتان عرفان خان اور شاہد عزیز 24،24 رنز بناکر نمایاں رہے۔
شکاگو کنگزمین کی جانب سے اسکاٹ کگلجین نے 3، احسان عادل نے 2 جبکہ غلام مدثر، حسان خان اور عمر خان نے ایک ایک وکٹ حاصل کی۔
پاکستان شاہینز کی ٹیم چار پوائنٹس کے ساتھ تیسری پوزیشن پر موجود ہے۔
.ذریعہ: Express News
کلیدی لفظ: پاکستان شاہینز شکاگو کنگزمین
پڑھیں:
بلوچستان کے ضلع ہرنائی میں چھت گرنے سے 2 افراد جاں بحق
بلوچستان کے ضلع ہرنائی میں چھت گرنے سے 2 افراد جاں بحق ہوگئے۔بلوچستان کے مختلف اضلاع میں موسلادھاربارشوں اورسیلابی ریلوں نے تباہی مچادی، جس کے نتیجے میں جانی اورمالی نقصانات کی اطلاعات موصول ہوئی ہیں۔پی ڈی ایم اے بلوچستان کے مطابق ضلع ہرنائی میں چھت گرنے سے 2 افراد جاں بحق ہوگئے جبکہ ہرنائی کے علاقے گوچینہ میں 3 افراد سیلابی ریلے میں بہہ گئے، ریسکیو ٹیموں نے 2 افراد کو زندہ بچا لیا ہے جبکہ ایک بچے کی تلاش کے لیے ریسکیو آپریشن جاری ہے۔ادھر سوراب میں بارش اور سیلابی ریلے کے باعث 115 سے زائد گھروں کو نقصان پہنچا ہے، جبکہ بعض علاقے شدید متاثر ہوئے ہیں۔ پی ڈی ایم اے کے مطابق ہرنائی میں ایک گھر مکمل طور پر تباہ ہوگیا ہے۔دوسری جانب کوئٹہ-سبی قومی شاہراہ این 65 پر واقع بی بی نانی پل بولان دریا میں طغیانی کے باعث شدید متاثر ہوا ہے، جس کے بعد کوئٹہ اور سندھ کو ملانے والی یہ اہم شاہراہ ٹریفک کے لیے بند کردی گئی ہے، پی ڈی ایم اے نے شہریوں اور ڈرائیور حضرات کو متبادل راستے اختیار کرنے کی ہدایت کرتے ہوئے غیر ضروری سفر سے گریز کا مشورہ دیا ہے۔پی ڈی ایم اے حکام کے مطابق ضلعی انتظامیہ اور نیشنل ہائی وے اتھارٹی شاہراہ کی بحالی کے لیے فوری اقدامات کررہی ہیں جبکہ متاثرہ علاقوں میں ریسکیو اور امدادی کارروائیاں جاری ہیں۔محکمہ موسمیات نے آئندہ 24 گھنٹے تک صوبے کے بیشتراضلاع میں بارشوں کا امکان ظاہرکیا ہے۔
فیلڈ مارشل عاصم منیر کا دورہ امریکا، اعلیٰ سیاسی و عسکری قیادت سے ملاقاتیں