آکلینڈ میں پاکستان کے یومِ آزادی کی شاندار تقریب، نیوزی لینڈ کے وزیراعظم کی شرکت
اشاعت کی تاریخ: 19th, August 2025 GMT
نیوزی لینڈ کے وزیراعظم کرسٹوفر لکسن نے آکلینڈ میں پاکستان کے یومِ آزادی کی ایک شاندار تقریب میں بطورِ مہمانِ خصوصی شرکت کی اور پاکستان کے 78 ویں یومِ آزادی پر حکومت اور عوام کو مبارکباد پیش کرتے ہوئے پاکستان و نیوزی لینڈ کے دیرینہ، خوشگوار اور دوستانہ تعلقات کو سراہا۔
یہ بھی پڑھیں:کرکٹ آسٹریلیا نے پاکستانیوں کے لیے جشن آزادی کا مزا کیسے دوبالا کیا؟
تقریب میں تقریباً ایک ہزار کیوی پاکستانی شریک ہوئے، تقریب میں نیوزی لینڈ کے حکومتی وزیر مارک مچل، قائدِ حزبِ اختلاف اور سابق وزیراعظم کرس ہپکنز، پاکستان کے ہائی کمشنر ڈاکٹر فیصل عزیز احمد اور متعدد اراکینِ پارلیمنٹ بھی موجود تھے۔
Celebrating Pakistan Independence Day with Auckland’s Pakistani community today.
— Christopher Luxon (@chrisluxonmp) August 16, 2025
وزیراعظم کرسٹوفر لکسن نے پاکستان اور نیوزی لینڈ کے دیرینہ، خوشگوار اور دوستانہ تعلقات کو سراہتے ہوئے کہا کہ کیوی پاکستانی کمیونٹی نیوزی لینڈ کی ترقی میں اہم کردار ادا کر رہی ہے جسے بھرپور خراجِ تحسین پیش کیا جانا چاہیے۔
قائدِ حزبِ اختلاف اور سابق وزیراعظم کرس ہپکنز نے بھی اپنے خطاب میں کیوی پاکستانیوں کی خدمات کو سراہا اور کہا کہ پاکستان اور نیوزی لینڈ کے تعلقات مزید مستحکم ہو رہے ہیں۔
تقریب کے آغاز میں پاکستان کے ہائی کمشنر ڈاکٹر فیصل عزیز احمد نے پرچم کشائی کی اور وزیراعظم سمیت دیگر معزز مہمانوں کو پاکستان میں تیار کی گئی شالیں پیش کیں۔
پاکستان ایسوسی ایشن آف نیوزی لینڈ کے صدر ڈاکٹر آصف خان نے ایسوسی ایشن کی سرگرمیوں اور مستقبل کے منصوبوں پر روشنی ڈالتے ہوئے دونوں ملکوں کے درمیان اسٹریٹجک پارٹنرشپ کے قیام کی ضرورت پر زور دیا۔
مزید پڑھیں:جشن آزادی پاکستان: برج خلیفہ پاکستانی رنگوں سے جگمگا اٹھا
تقریب میں قومی اور ملی نغمے، شعری نشست، ثقافتی مظاہرے اور ویڈیو پریزنٹیشنز بھی شامل تھیں جبکہ پاکستان ایسوسی ایشن کی نئی انٹرایکٹو ویب سائٹ کا بھی افتتاح کیا گیا۔
پاکستان کے یومِ آزادی کے موقع پر نیوزی لینڈ کے وزیراعظم کی شرکت کو پاکستان کے لیے ایک خصوصی خیرسگالی اقدام قرار دیا گیا۔ اس تقریب کا اہتمام پاکستان ایسوسی ایشن آف نیوزی لینڈ نے پاکستان ہائی کمیشن، نیوزی لینڈ کی وزارت برائے نسلی برادریاں اور آکلینڈ کی متعدد پاکستانی کاروباری شخصیات کے تعاون سے کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آکلینڈ پاکستان پاکستان ہائی کمیشن پاکستانی کمیونٹی کرسٹوفر لکسن نیوزی لینڈ وزیراعظم یومِ آزادیذریعہ: WE News
کلیدی لفظ: ا کلینڈ پاکستان پاکستان ہائی کمیشن پاکستانی کمیونٹی کرسٹوفر لکسن نیوزی لینڈ یوم آزادی نیوزی لینڈ کے ایسوسی ایشن پاکستان کے
پڑھیں:
پی ایم اینڈ ڈی سی پورٹلز اور سروس ڈیلیوری کی شاندار کارکردگی، درخواستوں کی پراسیسنگ صرف 3 تا 4 دن میں مکمل
— فائل فوٹوپاکستان میڈیکل اینڈ ڈینٹل کونسل (پی ایم اینڈ ڈی سی) نے ڈیجیٹل ٹرانسفارمیشن کے شاندار کامیاب سفر کے سلسلے میں متعدد آن لائن پورٹلز کا آغاز کردیا ہے، جن سے پی ایم اینڈ ڈی سی کی کارکردگی، شفافیت اور رسائی نمایاں طور پر بہتر ہوئی ہے۔
مئی 2024 سے شروع ہونے والے اس ڈیجیٹلائزیشن منصوبے نے کونسل کے کام کرنے کے ڈھانچے کو یکسر بدل دیا ہے، جس کے نتیجے میں پاکستان بھر کے میڈیکل و ڈینٹل پروفیشنلز، اداروں اور طلباء کو خدمات کی فراہمی میں عملی بہتری آئی ہے۔
پی ایم اینڈ ڈی سی نے نئے پورٹلز اور ای سرٹیفیکیشن کے ذریعے درخواستوں کو تیز رفتاری سے نمٹاتے ہوئے شفافیت اور کارکردگی میں اضافہ کیا اور التواء ختم کیے۔ ہزاروں درخواستیں جیسے رجسٹریشن، پوسٹ گریجویٹ کوالیفیکیشنز اور فیکلٹی ویری فیکیشن ریکارڈ بروقت، شفافیت اور مؤثر نگرانی کے ساتھ نمٹائی گئیں۔
اب درخواست دہندگان اپنی درخواستوں کو ریئل ٹائم میں ٹریک کر سکتے ہیں، اس اقدام سے غیر ضروری رکاوٹیں ختم ہوئیں۔ نئے پورٹلز نے ذاتی حاضری کی ضرورت کم کر دی، جس سے تمام اسٹیک ہولڈرز کسی بھی وقت اور کہیں سے بھی خدمات تک رسائی حاصل کر سکتے ہیں اور محفوظ ڈیجیٹل ادائیگی کے آپشن نے ان کا وقت اور محنت بچا لی ہے۔
پورٹلز کے آغاز کے بعد درخواستوں کو صرف 3 تا 4 ورکنگ ڈیز میں بروقت اور مؤثر طریقے سے نمٹایا جا رہا ہے۔ رجسٹریشن کے لیے موصول ہونے والی درخواستوں کی کل تعداد 175,738 ہے، جن میں سے 173,373 کو بروقت مکمل اور جاری کر دیا گیا۔
ٹیچنگ ایکسپیرینس سرٹیفکیٹس کے اجرا میں بھی نمایاں تیزی آئی ہے۔ 7,462 درخواستوں میں سے 7,438 کامیابی سے مکمل کی گئیں۔ اسی طرح، فیکلٹی رجسٹریشن پورٹل کے آغاز کے بعد 13 ہزار 884 درخواستیں موصول ہوئیں اور ان میں سے 13 ہزار 483 نمٹائی جا چکی ہیں۔
مزید یہ کہ پی ایم اینڈ ڈی سی نے لاہور ریجنل آفس (شیخ زاید میڈیکل کمپلیکس) اور کراچی میں اپنا لائسنسنگ سسٹم باضابطہ طور پر شروع کر دیا ہے، جو میڈیکل و ڈینٹل گریجویٹس اور پریکٹیشنرز کے لیے ایک بڑا سہولت کا قدم ہے۔ اس اقدام سے پنجاب اور سندھ کے پریکٹیشنرز کو معمولی خدمات کے لیے اسلام آباد سفر کرنے کی ضرورت پیش نہیں آگئی۔
پی ایم اینڈ ڈی سی کے صدر پروفیسر رضوان تاج نے کہا کہ یہ اعداد و شمار کونسل کی محنت اور ڈیجیٹل ٹرانسفارمیشن کے وسیع وژن کو ظاہر کرتے ہیں، جس سے پاکستان بھر کے میڈیکل اور ڈینٹل پروفیشنلز تیز، زیادہ قابلِ اعتماد اور شفاف ریگولیٹری عمل سے مستفید ہو رہے ہیں۔
علاقائی دفاتر کی ڈیجیٹلائزیشن کے مراحل میں فیز I لاہور میں، فیز II کراچی میں مکمل ہو چکے ہیں اور جلد ہی فیز III پشاور (خیبرپختونخوا) اور فیز IV بلوچستان میں شروع کیا جائے گا۔
پاکستان میڈیکل اینڈ ڈینٹل کونسل ملک بھر میں میڈیکل اور ڈینٹل تعلیم و پریکٹس کے اعلیٰ معیارات برقرار رکھنے کی مجاز ریگولیٹری اتھارٹی ہے۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری