سوئی ناردرن کا ایک اور جھٹکا، گیس 291 روپے فی یونٹ مہنگی کرنے کی درخواست
اشاعت کی تاریخ: 25th, August 2025 GMT
سوئی ناردرن گیس کمپنی نے ایک بار پھر گیس مہنگی کرنے کی درخواست اوگرا کو دے دی ہے۔ کمپنی نے اپنے اخراجات اور لائن لاسز کم کرنے کے بجائے آسان راستہ اختیار کرتے ہوئے 291 روپے فی ایم ایم بی ٹی یو اضافے کی مانگ کی ہے، جو گیس اور اس کی ترسیل (ٹرانسپورٹیشن) دونوں مدوں میں طلب کیا گیا ہے۔
لاہور میں سوئی ناردرن ہیڈ آفس میں منعقدہ عوامی سماعت کے دوران اوگرا کے چیئرمین مسرور احمد خان نے کہا کہ فیصلہ کمپنیوں اور صارفین دونوں کے مفاد کو سامنے رکھ کر کیا جائے گا، تاہم ٹیرف میں اضافہ ایک مجبوری بنتا جا رہا ہے۔
یہ بھی پڑھیں:عوام کے لیے خوشخبری، اوگرا نے ایل پی جی کی قیمتوں میں کمی کردی
ان کا کہنا تھا کہ صارفین کو ریلیف دینے کے لیے گیس کمپنیوں کے بینچ مارک سخت کیے گئے ہیں۔ اوگرا نے سوئی ناردرن کی 84 ارب اور سوئی سدرن کی 57 ارب روپے کی ریونیو ریکوائرمنٹس مسترد کرتے ہوئے مجموعی طور پر 141 ارب روپے کی کٹوتی کر دی ہے، چیئرمین کے مطابق کوشش ہے کہ قیمتوں کو قابو میں رکھا جائے، لیکن ساتھ ہی کمپنیوں کے مالی خسارے کو بھی دیکھنا ضروری ہے۔
سماعت کے دوران سی این جی اور ٹیکسٹائل سمیت مختلف صنعتی شعبوں کے نمائندوں نے اس اضافے کی شدید مخالفت کی، سی این جی ایسوسی ایشن کے صدر غیاث پراچہ نے کہا کہ سوئی ناردرن اپنے شاہانہ اخراجات کم کرنے کے بجائے سارا بوجھ صارفین پر ڈال رہی ہے۔ ان کا کہنا تھا کہ پہلے 271 روپے فی ایم ایم بی ٹی یو اضافہ مانگا گیا تھا، اب اس میں 20 روپے مزید ایل این جی ٹرانسپورٹیشن چارجز بھی شامل کر لیے گئے ہیں۔
مزید پڑھیں:ملک میں پیٹرولیم مصنوعات کے وافر ذخائر موجود ہیں، اوگرا کی وضاحت
غیاث پراچہ نے مزید کہا کہ ملک میں گیس وافر مقدار میں موجود ہے لیکن گھریلو، کمرشل اور انڈسٹریل صارفین کو شدید لوڈشیڈنگ کا سامنا ہے، جس کی وجہ سے لوگ ایل پی جی استعمال کرنے پر مجبور ہیں۔ انہوں نے مطالبہ کیا کہ صارفین کو گیس فراہم کی جائے اور قیمتوں میں کمی کی جائے۔
عوامی سماعت میں شریک دیگر صارفین نے بھی گیس مہنگی کرنے کی مخالفت کرتے ہوئے اوگرا پر زور دیا کہ ٹیرف میں اضافہ کم سے کم رکھا جائے تاکہ عوام پر مزید بوجھ نہ پڑے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوگرا ایم ایم بی ٹی یو ٹیرف سوئی ناردرن سوئی ناردرن گیس کمپنی سی این جی ایسوسی ایشن عوامی سماعت غیاث پراچہ لاہور لوڈشیڈنگ.
ذریعہ
ذریعہ: WE News
کلیدی لفظ: اوگرا ایم ایم بی ٹی یو ٹیرف سوئی ناردرن گیس کمپنی سی این جی ایسوسی ایشن عوامی سماعت غیاث پراچہ لاہور لوڈشیڈنگ
پڑھیں:
رواں ماہ بجلی صارفین کو کتنا ریلیف ملے گا؟ پاور ڈویژن نے بتا دیا
اسلام آباد(نیوز ڈیسک)پاور ڈویژن کا کہنا ہے کہ جون 2026 میں بجلی صارفین کو 20 پیسے فی یونٹ ریلیف ملے گا۔ ترجمان پاور ڈویژن کے مطابق سہ ماہی ایڈجسٹمنٹ کی مد میں 1.93 روپے فی یونٹ کمی کا فائدہ صارفین کو منتقل کیا جا رہا ہے۔
ترجمان نے بتایا کہ ماہانہ فیول ایڈجسٹمنٹ کے تحت اگرچہ 1.73 روپے فی یونٹ اضافہ ہوا ہے، تاہم اس کے باوجود مجموعی طور پر صارفین کو بجلی سستی فراہم کی جا رہی ہے۔
پاور ڈویژن کے مطابق جون 2026 میں بجلی کے نرخ جنوری تا مئی 2026 کی سطح پر ہی برقرار رہیں گے۔
حکومتی مؤقف کے مطابق اس فیصلے سے صارفین پر کسی بڑے اضافی بوجھ کو منتقل نہیں ہونے دیا گیا۔
ترجمان نے مزید بتایا کہ حکومت نے مؤثر حکمت عملی کے ذریعے صارفین کو 38 ارب روپے کے ممکنہ اضافی بوجھ سے بچایا ہے جبکہ سہ ماہی ایڈجسٹمنٹ کی مد میں 65 ارب روپے کا ریلیف براہِ راست صارفین کے حق میں منتقل کیا گیا ہے۔
پاور ڈویژن کا مزید کہنا ہے کہ مجموعی اقدامات کے نتیجے میں بجلی نرخوں میں بڑا اضافہ ٹل گیا ہے اور صارفین کو وقتی طور پر ریلیف فراہم کیا گیا ہے۔
مزید پڑھیں۔اسلام آباد میں دکانوں اور کاروباری مراکز کے اوقات میں توسیع، نیا شیڈول جاری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ