آئی وی ایف میں جینیاتی اسکریننگ بڑی عمر کی خواتین کے لیے امید کی نئی کرن
اشاعت کی تاریخ: 25th, August 2025 GMT
آئی وی ایف کے شعبے میں ایک بڑی پیش رفت سے معلوم ہوا ہے کہ جینیاتی ٹیسٹ کی مدد سے 35 سال سے زائد عمر کی خواتین کو جلد حاملہ ہونے میں مدد مل سکتی ہے۔ اس طریقے سے بار بار ناکام کوششوں اور اس کے جذباتی دباؤ میں بھی کمی ممکن ہے۔
یہ بھی پڑھیں: برطانوی سائنسدانوں کا بڑا اقدام: بار بار اسقاطِ حمل کی وجوہات جانچنے والا نیا ٹیسٹ تیار
اسکائی نیوز کے مطابق تحقیق میں یہ بات سامنے آئی ہے کہ جینیاتی اسکریننگ کے ذریعے ایمبریو کو رحم میں منتقل کرنے سے قبل اس کی کروموسومز کی درست تعداد چیک کی جا سکتی ہے جس سے ناکام امپلانٹیشن (ایمبریو کا رحم میں نہ جمنا) اور اسقاط حمل کے خطرات کم ہو جاتے ہیں۔
پری امپلانٹیشن جینیاتی ٹیسٹنگ فار اینیوپلوئڈییہ طریقہ پری امپلانٹیشن جینیاتی ٹیسٹنگ فار اینیوپلوئڈی (پی جی ٹی اے) کہلاتا ہے جو اس بات کی جانچ کرتا ہے کہ ایمبریو میں 46 کروموسومز کی درست تعداد موجود ہے یا نہیں۔
مزید پڑھیے: طبی دنیا میں انقلاب، جاپان نے مصنوعی ’جامنی خون‘ تیار کر لیا جو ہر فرد کو لگایا جا سکتا ہے
اینیوپلوئڈی ایک ایسی جینیاتی کیفیت ہے جس میں خلیات میں کروموسومز یا تو کم ہوتے ہیں یا اضافی، جو اسقاط حمل، پیدائشی نقائص اور ڈاؤن سنڈروم جیسی حالتوں کا باعث بن سکتی ہے۔
تحقیق کے نتائج کیا کہتے ہیں؟تحقیق میں 35 سے 42 سال کی 100 خواتین کو شامل کیا گیا جو لندن کے کنگز فرٹیلٹی سینٹر میں علاج کرا رہی تھیں۔ ان میں سے نصف خواتین کو پی گی ٹی اے ٹیسٹ دیا گیا۔
نتائج سے معلوم ہوا کہ جن خواتین کو جینیاتی ٹیسٹنگ دی گئی وہ کم کوششوں میں ہی حاملہ ہو گئیں۔
3 ایمبریو ٹرانسفرز کے بعد پی جی ٹی اے گروپ میں زندہ بچوں کی پیدائش کی شرح 72 فیصد رہی جب کہ جنہیں ٹیسٹ نہیں دیا گیا ان میں یہ شرح صرف 52 فیصد تھی۔
ماہرین کی رائےکنگز کالج لندن اور کنگز فرٹیلٹی سے وابستہ ڈاکٹر یوسف بیبیجان کا کہنا ہے کہ آج کل زیادہ خواتین 35 سال کے بعد فیملی پلاننگ شروع کر رہی ہیں لیکن اس عمر میں ان کے اووا (انڈو) کے معیار میں کمی آتی ہے جس سے جینیاتی نقص کے امکانات بڑھ جاتے ہیں اور نتیجتاً اسقاط حمل یا امپلانٹیشن کی ناکامی کا خطرہ بھی بڑھ جاتا ہے۔
امید کی نئی راہیںیہ تحقیق ان خواتین کے لیے امید کی نئی کرن ہے جو بڑھتی عمر کے ساتھ زرخیزی کے مسائل سے دوچار ہیں۔ جینیاتی اسکریننگ سے نہ صرف کامیابی کے امکانات میں اضافہ ہو سکتا ہے بلکہ ان کے جسمانی، ذہنی اور مالی دباؤ میں بھی واضح کمی ممکن ہے۔
آئی وی ایف کیا ہے؟اِن وِٹرو فرٹیلائزیشن (آئی وی ایف) یعنی (خارج رحمی بارآوری) بانجھ پن کے علاج کے لیے استعمال ہونے والا ایک جدید طبی طریقہ ہے۔ اس میں عورت کے اووا اور مرد کے نطفے (اسپرم) کو جسم سے باہر لیبارٹری میں ایک خاص ماحول میں ملا کر فرٹیلائز کیا جاتا ہے۔ جب ایمبریو (جَنِین) بن جاتا ہے تو اسے عورت کے رحم میں منتقل کیا جاتا ہے تاکہ حمل ٹھہر سکے۔
یہ طریقہ کب استعمال اس صورت میں استعمال کیا جاتا ہے جب عورت قدرتی طور پر حاملہ نہ ہو سکے۔
35 سال سے زیادہ عمر کی خواتین میں اووا (انڈوں) کے معیار کی کمی کی صورت میں، مردانہ بانجھ پن کی صورت میں، بلاوجہ بانجھ پن یا بار بار اسقاط حمل یہ طریقہ استعمال کیا جاتا ہے۔
آئی وی ایف کے اہم مراحلدوائیں دے کر عورت کے جسم میں زیادہ بیضے پیدا کروائے جاتے ہیں، بیضے نکال کر لیبارٹری میں رکھے جاتے ہیں، مرد سے نطفے لے کر بیضوں کے ساتھ ملائے
جاتے ہیں۔ انڈے اور نطفے کو ملا کر ایمبریو بنایا جاتا ہے اور بہترین ایمبریو کو عورت کے رحم میں منتقل کیا جاتا ہے۔
مزید پڑھیے: قبل از وقت بچے کی پیدائش: وجائنا بیمار ہے!
حمل کی تصدیق کے لیے کچھ دن بعد پریگنینسی ٹیسٹ کیا جاتا ہے۔
جدید پیشرفتاب آئی وی ایف کے عمل میں جینیاتی اسکریننگ (پی جی ٹی اے) شامل کی جا رہی ہے جو ایمبریو کے کروموسومز چیک کرتی ہے تاکہ خصوصاً 35 سال سے زائد عمر کی خواتین کے لیے صحت مند ایمبریو منتخب کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی وی ایف آئی وی ایف کے مراحل بڑی عمر کی خواتین کا حمل پری امپلانٹیشن جینیاتی ٹیسٹنگ فار اینیوپلوئڈی پی جی ٹی اے.ذریعہ: WE News
کلیدی لفظ: ا ئی وی ایف ا ئی وی ایف کے مراحل بڑی عمر کی خواتین کا حمل پی جی ٹی اے جینیاتی اسکریننگ جینیاتی ٹیسٹنگ عمر کی خواتین جینیاتی ٹیسٹ ئی وی ایف کے کیا جاتا ہے پی جی ٹی اے ا ئی وی ایف خواتین کو جاتے ہیں عورت کے کیا جا کے لیے
پڑھیں:
افغانستان سے کشیدگی نہیں،دراندازی بند کی جائے، دفتر خارجہ
امید ہے 6 نومبر کو افغان طالبان کیساتھ مذاکرات کے اگلے دور کا نتیجہ مثبت نکلے گا،ترجمان
پاکستان خودمختاری اور عوام کے تحفظ کیلئے ہر اقدام اٹھائے گا،طاہر اندرابی کی ہفتہ وار بریفنگ
ترجمان دفتر خارجہ طاہر اندرابی نے کہا ہے کہ پاکستان کو امید ہے کہ 6 نومبر کو افغان طالبان کے ساتھ مذاکرات کے اگلے دور کا نتیجہ مثبت نکلے گا۔پاکستان افغانستان کے ساتھ کشیدگی نہیں چاہتا، دراندازی بند کی جائے۔پاکستان امن کا خواہاں ہے مگر اپنی خودمختاری اور عوام کے تحفظ کے لیے ہر اقدام اٹھائے گا، جمعہ کو ہفتہ وار پریس بریفنگ کے دوران ترجمان دفتر خارجہ نے کہا کہ پاکستان مصالحتی عمل میں اپنا کردار جاری رکھے گا اور 6 نومبر کے مذاکرات سے مثبت نتائج کی امید رکھتا ہے۔انہوں نے یاد دلایا کہ پاکستان اور افغان طالبان حکومت کے درمیان مذاکرات کا دوسرا دور جمعرات کی شام استنبول میں ثالثوں کی موجودگی میں اختتام کو پہنچا۔ترجمان کے مطابق پاکستان نے 25 اکتوبر سے شروع ہونے والے استنبول مذاکرات میں خوش دلی اور مثبت نیت کے ساتھ شرکت کی۔انہوں نے بتایا کہ مذاکرات ابتدائی طور پر دو دن کے لیے طے کیے گئے تھے، تاہم طالبان حکومت کے ساتھ باہمی اتفاقِ رائے سے معاہدے تک پہنچنے کی سنجیدہ کوشش میں پاکستان نے بات چیت کو 4 دن تک جاری رکھا۔
استنبول میں پاک افغان مذاکرات تعطل کا شکار، کابل انتظامیہ کی ہدایات رکاوٹ بن گئیں