وزیراعظم کا بڑا اقدام: بی آئی ایس پی کے تحت ایک کروڑ ڈیجیٹل والٹس کا اجرا ء کردیا
اشاعت کی تاریخ: 25th, August 2025 GMT
وزیراعظم محمد شہباز شریف نے بینظیر انکم سپورٹ پروگرام (بی آئی ایس پی) کے تحت ایک کروڑ ڈیجیٹل والٹس کے اجرا کا باضابطہ اعلان کر دیا۔ اس موقع پر اسلام آباد میں ایک تقریب سے خطاب کرتے ہوئے وزیراعظم نے اس اقدام کو ایک “اہم سنگ میل” قرار دیا، جو ملک کو کیش لیس معیشت کی طرف لے جانے میں مدد دے گا۔
وزیراعظم کا کہنا تھا کہ یہ صرف مالی امداد کا نظام نہیں بلکہ ایک جدید، شفاف اور کرپشن سے پاک ڈیجیٹل نظام کی طرف ایک بڑا قدم ہے۔ انہوں نے سینیٹر روبینہ خالد اور دیگر تمام شراکت داروں کی کوششوں کو سراہا اور کہا کہ ان کا کردار قابل تحسین ہے۔
کیش لیس معیشت کی طرف پیش رفت
شہباز شریف نے زور دے کر کہا کہ بی آئی ایس پی غربت اور بے روزگاری کے خاتمے میں ایک مؤثر ہتھیار ثابت ہو رہا ہے، اور اب اس پروگرام کے تحت ڈیجیٹل والٹس کا قیام، براہِ راست مالی شمولیت اور شفافیت کو فروغ دے گا۔ ان کے بقول، “کیش لیس ٹرانزیکشن نہ صرف بدعنوانی کم کرے گی بلکہ معاشی ترقی کو بھی رفتار دے گی۔”
وزیراعظم نے اس بات کا بھی انکشاف کیا کہ وہ کیش لیس معیشت کے فروغ سے متعلق ہر ماہ باقاعدگی سے جائزہ اجلاس کی صدارت کر رہے ہیں تاکہ اس نظام کو بہتر سے بہتر بنایا جا سکے۔
ایف بی آر میں ڈیجیٹل اصلاحات کی منظوری
اس سے قبل وزیراعظم نے فیڈرل بورڈ آف ریونیو (ایف بی آر) کے لیے ایک جدید ڈیجیٹل ایکو سسٹم کی تشکیل کی منظوری دی تھی۔ ان کا کہنا تھا کہ ملک کے ٹیکس نظام کو عالمی معیار پر لانا وقت کی اہم ضرورت ہے۔
شہباز شریف کی زیر صدارت ایف بی آر اصلاحات پر جائزہ اجلاس میں وفاقی وزرا محمد اورنگزیب، احد چیمہ، بلال اظہر کیانی، چیئرمین ایف بی آر اور دیگر معاشی ماہرین شریک ہوئے۔ اجلاس میں ایف بی آر ڈیٹا کو ایک مرکزی نظام سے جوڑنے اور پورے ٹیکس سسٹم کی ریئل ٹائم نگرانی کے لیے نئے نظام پر بریفنگ دی گئی۔
وزیراعظم نے واضح کیا کہ صرف ڈیجیٹائزیشن کافی نہیں، بلکہ ایک جامع، مربوط اور مستحکم نظام چاہیے جو خام مال سے لے کر صارف تک کی پوری ویلیو چین کو جوڑ دے۔
Post Views: 7
.
ذریعہ
ذریعہ: Daily Mumtaz
کلیدی لفظ: ایف بی ا ر کیش لیس
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار