شاہین آفریدی کا بیٹے کی پہلی سالگرہ پر جذباتی اظہار، شاہد آفریدی کا بھی محبت بھرا پیغام
اشاعت کی تاریخ: 25th, August 2025 GMT
پاکستانی کرکٹ ٹیم کے اسٹار فاسٹ بولر شاہین شاہ آفریدی آج خوشی سے بھرپور ہیں، کیونکہ ان کے بیٹے عالیار نے اپنی زندگی کا پہلا سال مکمل کر لیا ہے۔ اس خاص موقع پر شاہین نے ایک جذباتی اور محبت سے بھرپور پیغام کے ذریعے اپنی خوشی کا اظہار کیا، جو مداحوں کے دلوں کو چھو گیا۔
شاہین نے انسٹاگرام پر اپنے بیٹے عالیار کی خوبصورت تصویریں شیئر کرتے ہوئے لکھا یپی برتھ ڈے عالیار! ایک سال ہو گیا! وہ لمحہ آج بھی یاد ہے جب پہلی بار تمہیں اپنی بانہوں میں اٹھایا تھا۔ تمہاری مسکراہٹ، ننھے قدم اور ہر گزرتا دن ہماری زندگی کے سب سے خوبصورت لمحے بن چکے ہیں۔ تم ہماری سب سے بڑی نعمت اور خوشی ہو۔ ماما اور بابا تم سے بے حد محبت کرتے ہیں۔
یہ جذباتی پیغام سوشل میڈیا پر مداحوں میں تیزی سے وائرل ہو رہا ہے، جس پر شاہین کو بھرپور محبت اور دعائیں مل رہی ہیں۔
نانا شاہد آفریدی بھی خوشی سے نہال
عالیار کی پہلی سالگرہ پر ان کے نانا، قومی ٹیم کے سابق کپتان شاہد آفریدی بھی اپنے جذبات روک نہ سکے۔ انہوں نے انسٹاگرام پر اپنے نواسے کے لیے محبت سے بھرا پیغام شیئر کرتے ہوئے لکھا میرے عالیار کو پہلی سالگرہ بہت مبارک ہو! صرف ایک سال میں تم نے ہمارے دلوں میں اتنی خوشی اور روشنی بھر دی ہے کہ الفاظ کم پڑ جاتے ہیں۔ اللّٰہ تمہیں صحت، خوشیوں اور بامقصد زندگی سے نوازے۔ تم بہت پیارے ہو، اور سب کے دلوں کے بہت قریب ہو۔
اس خاندانی خوشی کے موقع پر فینز نے بھی آفریدی خاندان کو ڈھیروں مبارکبادیں اور نیک تمنائیں بھیجی ہیں۔
ذریعہ: Daily Mumtaz
پڑھیں:
اسلام آباد کے 2 میگا پراجیکٹس پر کام میں تیزی، 60 فیصد تکمیل ہوچکی
اسلام آباد میں 2 میگا پراجیکٹس، ٹی چوک فلائی اوور اور شاہین چوک انڈر پاس پر تعمیراتی کام کی رفتار تیز کردی گئی ہے۔ دونوں منصوبوں کا مجموعی طور پر 60 فیصد کام مکمل ہوچکا ہے۔
یہ بھی پڑھیں: وزیراعظم شہباز شریف نے اسلام آباد میں شاہین چوک انڈرپاس پروجیکٹ کا سنگ بنیاد رکھ دیا
فلائی اوور کو دسمبر کے اوائل میں ٹریفک کے لیے کھولنے کا فیصلہ کیا گیا ہے، جبکہ شاہین چوک انڈر پاس کو ایک ماہ میں مکمل کرنے کا ہدف دیا گیا ہے۔
ہفتے کے روز وفاقی وزیر داخلہ محسن نقوی نے دونوں مقامات کا دورہ کیا، تعمیراتی سرگرمیوں کا جائزہ لیا اور پیش رفت پر اطمینان کا اظہار کیا۔ دورے کے دوران انہوں نے تعمیراتی معیار کا معائنہ کیا اور ہدایت دی کہ کام کی رفتار کے ساتھ ساتھ معیار کو بھی ہر صورت یقینی بنایا جائے، اس پر کوئی سمجھوتہ نہیں ہوگا۔
یہ بھی پڑھیں: اسلام آباد کو عالمی معیار کا شہر بنانے کے لیے اہم فیصلے
محسن نقوی کا کہنا تھا کہ ٹی چوک فلائی اوور کی تکمیل کے بعد جی ٹی روڈ سے آنے والے مسافر سگنل فری اسلام آباد میں داخل ہوسکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد انڈر پاس ٹی چوک شاہین چوک فلائی اوور محسن نقوی وزیرداخلہ
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک