اسپیکر ایاز صادق کی ہزارہ جرنلسٹس ایسوسی ایشن کے نومنتخب عہدیداروں کو مبارکباد
اشاعت کی تاریخ: 26th, August 2025 GMT
اسپیکر قومی اسمبلی سردار ایاز صادق نے ہزارہ جرنلسٹس ایسوسی ایشن کے حالیہ انتخابات میں کامیاب ہونے والے صدر لقمان شاہ، جنرل سیکریٹری نوید الرحمان، فنانس سیکریٹری محمد پرویز سمیت تمام نومنتخب عہدیداران و گورننگ باڈی کے اراکین احسن خالد اعوان اور عمیر خان سمیت دیگر ممبران کو دلی مبارکباد پیش کی ہے۔
اپنے تہنیتی پیغام میں اسپیکر سردار ایاز صادق نے کہا کہ آزاد اور ذمہ دار صحافت جمہوری معاشروں کی بنیاد ہے۔ صحافی برادری عوامی مسائل اجاگر کرنے اور ریاستی اداروں تک عوام کی آواز پہنچانے میں کلیدی کردار ادا کرتی ہے۔
انہوں نے امید ظاہر کی کہ ہزارہ جرنلسٹس ایسوسی ایشن کے نومنتخب عہدیداران اپنی صلاحیتوں کو بروئے کار لاتے ہوئے نہ صرف صحافیوں کی فلاح و بہبود کے لیے خدمات انجام دیں گے بلکہ صحافتی اقدار کے فروغ اور آزادی اظہار کے استحکام میں بھی اہم کردار ادا کریں گے۔
اسپیکر قومی اسمبلی نے صحافی برادری کی خدمات کو خراجِ تحسین پیش کرتے ہوئے اس عزم کا اعادہ کیا کہ پارلیمنٹ صحافت کی آزادی، صحافیوں کے حقوق کے تحفظ اور ان کے مسائل کے حل کے لیے ہمیشہ مثبت کردار ادا کرتی رہے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسپیکر قومی اسمبلی سردار ایاز صادق مبارکباد نومنتخب عہدیداران ہزار جرنلسٹس ایسوی ایشن وی نیوز.
ذریعہ
ذریعہ: WE News
کلیدی لفظ: اسپیکر قومی اسمبلی سردار ایاز صادق ہزار جرنلسٹس ایسوی ایشن وی نیوز ایاز صادق
پڑھیں:
پاکستان میں دہشت گردی کے پیچھے بھارت کا کردار واضح ہے، وزیراعظم
اسلام آباد:وزیراعظم شہباز شریف نے کہا ہے کہ پاکستان میں دہشت گردی کے پیچھے بھارت کا ہاتھ ہے جو دہشت گردوں کو وسائل مہیا کررہا ہے۔
بلوچستان نیشنل ورکشاپ کے شرکاء سے خطاب کرتے ہوئے وزیراعظم شہباز شریف نے کہا کہ دہشت گردی کی کارروائیوں میں بھارت کا کردار واضح ہے جو دہشت گردوں کو وسائل فراہم کررہا ہے، افغان عبوری حکومت دہشت گردی کو روکنے میں بالکل ناکام ہے، افغانستان اپنی سرزمین کو پاکستان کے خلاف استعمال کرنے سے روکے،ہم نے افغانستان کو سمجھانے کی کوشش کی کہ وہ دہشت گرد گروہوں کو کنٹرول کرے۔
انہوں نے کہا کہ دہشت گردی کی جنگ میں صرف عوام قربانیاں نہیں دے رہے بلکہ اس میں ہماری لا اینڈ انفورسمنٹ ایجنسیز شامل ہیں، اس میں ہماری افواج پاکستان کے کڑیل جوان اور افسران شامل ہیں۔
انہوں نے کہا کہ دہشت گردی کی جنگ میں اب تک ہمارے 90 ہزار پاکستانی شہید ہوچکے ہیں اس جنگ کے پیچھے بھارت کا ہاتھ ہے جو انہیں وسائل بھی مہیا کررہا ہے اور اس میں دیگر فیکٹرز بھی ملوث ہیں۔
وزیراعظم کا کہنا تھا کہ بلوچستان پاکستان کا جغرافیائی اعتبار سے سب سے بڑا صوبہ ہے، بہادر بلوچوں اور پختونوں نے پاکستان کے قیام میں بڑا کردار ادا کیا، ترقی کے دوڑ میں جب تک چاروں صوبے مساویانہ طور پر شریک نہیں ہوں گے پاکستان ترقی نہیں کرسکے گا اور میں یہ بات دل کی اتھاہ گہرائیوں سے قبول کرتا ہوں اور یقین دلاتا ہوں کہ بلوچستان کی ترقی میں وفاقی حکومت کوئی کسر نہیں چھوڑے گی۔
کوہاٹ میں ایکسائز اہلکاروں پر حملے کی مذمت
دریں اثنا وزیرِاعظم نے کوہاٹ میں ایکسائز اہلکاروں پر دہشت گرد حملے کی شدید الفاظ میں مذمت کی۔ وزیرِ اعظم نے واقعے میں سب انسپکٹر سجاد الاسلام اور کسٹم کانسٹیبل جواد کی شہادت پر گہرے دکھ اور رنج کا اظہار کیا، شہدا کے اہل خانہ کے لیے صبر اور زخمیوں کی جلد صحت یابی کی دعا کی۔
وزیرِ اعظم نے متعلقہ اہلکاروں کو ذمہ داران کا تعین کرکے انہیں قرار واقعہ سزا دلوانے کی ہدایت کی اور کہا کہ دہشت گردوں کے عفریت کے ملک سے مکمل خاتمے تک اس کے خلاف جنگ جاری رکھیں گے، شرپسند عناصر کو کسی صورت ملک کا امن تباہ کرنے نہیں دیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع