ایمن خان اور منیب بٹ کے ہاں تیسری بیٹی نیمل کی پیدائش
اشاعت کی تاریخ: 27th, August 2025 GMT
کراچی (شوبز ڈیسک) معروف اداکار جوڑی ایمن خان اور منیب بٹ نے اپنی تیسری بیٹی کی پیدائش کی خوشخبری سنا دی۔ منیب بٹ نے انسٹاگرام اسٹوری کے ذریعے اطلاع دی کہ ننھی پری نیمل 26 اگست کو پیدا ہوئی۔
اداکار نے اس اعلان کو ایک خط کی شکل میں شیئر کیا، جو بیٹیوں امل اور میرال کی جانب سے تحریر کیا گیا۔ خط میں نیمل کو خوش آمدید کہتے ہوئے لکھا گیا کہ ’’جس لمحے تم ہماری زندگی میں آئیں، تم نے ہماری دنیا کو خوشیوں سے بھر دیا۔ تمہارے ننھے ہاتھ، معصوم مسکراہٹ اور ہر پہلو ہمارے لیے قیمتی تحفہ ہیں۔‘‘
خط میں مزید کہا گیا کہ ’’ہم بڑے بہن بھائی ہونے کے ناطے وعدہ کرتے ہیں کہ تمہاری زندگی کو محبت اور ہنسی سے بھر دیں گے۔ تم نے ہمارے خاندان کو مکمل کر دیا ہے۔‘‘
خیال رہے کہ رواں سال مئی میں سوشل میڈیا پر یہ افواہیں گردش کر رہی تھیں کہ ایمن خان امید سے ہیں، تاہم جوڑے کی جانب سے کوئی وضاحت سامنے نہیں آئی تھی۔
ایمن اور منیب نے 2018 میں شادی کی تھی۔ 2019 میں ان کی پہلی بیٹی امل اور 2023 میں دوسری بیٹی میرال پیدا ہوئی۔ اب تیسرے بچے کی آمد کے بعد جوڑا والدین بننے کی خوشیوں سے مزید مالامال ہو گیا ہے۔
Post Views: 5.ذریعہ: Daily Mumtaz
پڑھیں:
ڈاکٹر شفیق الرحمن تیسری مرتبہ امیر جماعت اسلامی بنگلادیش منتخب
data-id="863a0a8" data-element_type="widget" data-widget_type="theme-post-content.default">
ڈھاکا: ڈاکٹر شفیق الرحمٰن امیرِ جماعت اسلامی بنگلا دیش منتخب ہو گئے۔
بنگلادیش میں 9 اکتوبر سے 25 اکتوبر تک خفیہ رائے شماری کے ذریعے ووٹنگ کا عمل مکمل ہوا، جس میں جماعت اسلامی بنگلادیش کے ارکان نے اپنی رائے کا اظہار کیا۔
ڈاکٹر شفیق الرحمٰن سیشن 2026ء تا 2028ء کے لیے دوبارہ امیرِ جماعتِ اسلامی بنگلادیش منتخب ہوئے ہیں، یہ ان کا مسلسل تیسرا دورِ امارت ہو گا۔
جماعت اسلامی کے مرکزی شعبۂ نشر و اشاعت کی جانب سے جاری کیے گئے بیان میں کہا گیا ہے کہ چیف الیکشن کمشنر مولانا اے ٹی ایم معصوم نے ہفتے کی شب باضابطہ طور پر انتخابی نتائج کا اعلان کیا۔
ویب ڈیسک
عادل سلطان
کراچی: گورنر خیبرپختونخوا کے میڈیا ایڈوائزر کی چھینی گئی گاڑی برآمد