ٹائم کیپسول: لیڈی ڈیانا کا اگلی نسلوں کے لیے دفن کردہ خزانہ وقت سے پہلے سامنے آگیا
اشاعت کی تاریخ: 27th, August 2025 GMT
برطانوی ولی عہد ولیم اور شہزادہ ہیری کے درمیان پہلے سے موجود دوری میں ایک نیا موڑ اس وقت آیا جب ان کی مرحوم والدہ پرنسس ڈیانا سے جڑا ایک پوشیدہ خزانہ سامنے آگیا جس نے دونوں بھائیوں کے درمیان ممکنہ تصادم کا خدشہ بڑھا دیا ہے۔
یہ بھی پڑھیں: اپنی شادی پر بادشاہ چارلس اور لیڈی ڈیانا کے چپکے چپکے آنسو بہانے کا عقدہ کھل گیا
بی بی سی کی ایک رپورٹ کے مطابق بدھ کے روز پرنسس ڈیانا کی جانب سے سنہ 1991 میں دفن کیے گئے ایک ٹائم کیپسول کو 30 سال بعد کھولا گیا۔ یہ لکڑی کا ڈبہ، جس پر سیسہ چڑھا ہوا تھا، لندن کے گریٹ اورمنڈ اسٹریٹ اسپتال کی نئی عمارت ’ورائٹی کلب بلڈنگ‘ کے سنگ بنیاد کی یاد میں دفن کیا گیا تھا۔
یہ ٹائم کیپسول 2 بچوں نے منتخب اشیا کے ساتھ تیار کیا تھا جو ’بلو پیٹر‘ نامی پروگرام کے ایک مقابلے کے فاتح تھے۔ اگرچہ یہ کیپسول سینکڑوں سال بعد کھولنے کے لیے دفن کیا گیا تھا لیکن اب اسے وقت سے پہلے ہی نکال کر عوام کے سامنے پیش کر دیا گیا ہے۔
کیپسول میں کیا تھا؟کیپسول میں شامل اشیا نے سنہ 1990 کی دہائی کی جھلک پیش کی تھی جن میں ایک چھوٹا جیبی ٹی وی، پرنسس ڈیانا کی تصویر، کائلی مینوگ کے البم’ردھم آف لو‘ کی سی ڈی، برطانوی سکوں کا ایک سیٹ، اخباری تراشا، 5 درختوں کے بیج اور ایک کنٹینر شامل تھے۔
علاوہ ازیں کیپسول میں موجود اشیا میں ایک ‘سنو فلیک ہولوگرام’ بھی شامل تھا جو برف کے ذرے کی تھری ڈی شکل میں چمکدار عکس تھا۔ یہ روشنی کے زاویے بدلنے پر مختلف انداز سے نظر آتا ہے اور سنہ 1990 کی دہائی کے سائنسی و جمالیاتی ذوق کی عکاسی کرتا ہے۔
یہ خبر ایسے وقت میں سامنے آئی ہے جب شہزادہ ولیم اور شہزادہ ہیری کے درمیان تعلقات مزید بگڑنے کی اطلاعات سامنے آ رہی ہیں۔
مزید پڑھیے: کیا شاہ چارلس کے چھوٹے بیٹے ہیری اپنا شاہی کردار دوبارہ حاصل کرلیں گے؟
رپورٹس کے مطابق شہزادہ ہیری اپنی والدہ پر ایک نئی ڈاکیومینٹری بنانے کا ارادہ رکھتے ہیں جس پر ان کے بڑے بھائی اور سلطنت کے ولی عہد ولیم برہم ہیں۔
یاد رہے کہ دونوں بھائیوں نے سنہ 2017 میں پرنسس ڈیانا کی وفات کی 20 ویں برسی کے موقعے پر ایک ڈاکیومینٹری بنائی تھی۔ خبر رساں ادارے ڈیلی بیسٹ کے مطابق ولیم اس بات پر آمادہ ہیں کہ اگر ہیری نے ڈیانا کی زندگی یا چارلس اور ڈیانا کی شادی کے خاتمے پر اندرونی کہانی پر مبنی کوئی نیا دعویٰ کیا تو وہ اس کا جواب دیں گے۔
پرنسس ڈیانا کا یہ یادگار کیپسول ان کی شخصیت اور زمانے کی جھلک تو پیش کرتا ہے لیکن ساتھ ہی ان کے بیٹوں کے درمیان خاندانی ورثے پر قبضے کی جنگ کو بھی ہوا دیتا دکھائی دے رہا ہے۔
ٹائم کیسپول اور بھائیوں کے تنازعے کا تعلقاگرچہ ٹائم کیپسول کی دریافت بذات خود کسی تنازعے کا باعث نہیں تھی مگر اس نے پرنسس ڈیانا کی یاد کو ایک بار پھر زندہ کر دیا۔ ایک ایسی یاد جو نہ صرف عوام کے دلوں میں بسی ہے بلکہ ان کے بیٹوں کے درمیان بھی ایک نادیدہ رشتہ ہے۔ اس منظرنامے میں جب شہزادہ ہیری کی جانب سے اپنی والدہ پر ایک نئی ڈاکیومینٹری بنانے کی خبریں سامنے آئیں تو شہزادہ ولیم کو یہ اندیشہ لاحق ہوا کہ ان کی والدہ کی وراثت کو شاید ذاتی مفاد یا جذباتی شہرت کے لیے استعمال کیا جا رہا ہے۔ یوں ایک دفن یادگار کی بازیابی نے برسوں پرانی خاندانی کشمکش کو نیا موڑ دے دیا ہے۔
مزید پڑھیں: بیلجیئم کی شہزادی کی جانب سے پرنس ہیری کی حمایت، کنگ چارلس سے صلح کی کوششوں پر تبصرہ
مذکورہ ٹائم کیسپول دراصل سینکڑوں سال بعد کھولنے کے لیے محفوظ کیا گیا تھا لیکن حالیہ دنوں میں اسپتال کی نئی عمارت اور بچوں کے کینسر سینٹر کی تعمیر کے لیے جاری ترقیاتی کام کے دوران جب زمین کی کھدائی کی گئی تو یہ کیپسول اتفاقاً منظرِ عام پر آگیا۔
کیپسول کی بازیابی میں اسپتال کے وہ افراد بھی شامل تھے جو یا تو سنہ 1991 میں وہاں کام کرتے تھے یا اسی برس پیدا ہوئے تھے۔ اس نایاب یادگار کو نہایت احترام سے کھولا گیا اور اس کے اندر موجود اشیا جو 1990 کی دہائی کی جھلک پیش کرتی ہیں کو عوام کے سامنے پیش کر دیا گیا۔ یوں پرنسس ڈیانا کا ایک خاموش پیغام وقت سے پہلے ہی دنیا تک پہنچ گئی۔
وقت کا سفیر: ٹائم کیپسول کیا ہے؟ٹائم کیپسول ایک خاص قسم کا بند ڈبہ ہوتا ہے جس میں کسی دور کی یادگار اشیا، تصاویر، اخباری تراشے یا پیغامات رکھ کر زمین میں دفن کیا جاتا ہے تاکہ مستقبل میں کھولنے پر اس دور کی جھلک مل سکے۔ یہ عام طور پر کسی اہم موقع یا شخصیت کی یاد میں دفن کیا جاتا ہے۔
یہ بھی پڑھیں: حقیقی زندگی میں طلسماتی کہانی جیسا سماں باندھتی مشہور شاہی شادیاں
پرنسس ڈیانا نے سنہ 1991 میں بچوں کے منتخب کردہ تحائف اور علامات کے ساتھ ایک ٹائم کیپسول دفن کیا تھا جسے دراصل سینکڑوں سال بعد کھولا جانا تھا لیکن اب یہ 30 سال بعد ہی منظرِ عام پر آ گیا۔ یہ نہ صرف اس دور کی نمائندگی کرتا ہے بلکہ ڈیانا کی مستقبل سے جڑے انسانی رابطے کی علامت بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹائم کیپسول لیڈی ڈیانا لیڈی ڈیانا کا پوشیدہ خزانہ لیڈی ڈیانا کا ٹائم کیپسول.
ذریعہ
ذریعہ: WE News
کلیدی لفظ: لیڈی ڈیانا پرنسس ڈیانا کی شہزادہ ہیری لیڈی ڈیانا کے درمیان ڈیانا کا کی جھلک دفن کیا سال بعد پیش کر کے لیے کی یاد
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار