ایتھوپین فضائیہ کے کمانڈر کا ایئر ہیڈکوارٹرز کا دورہ، ایئرچیف سے ملاقات، دوطرفہ تعاون پر اتفاق
اشاعت کی تاریخ: 27th, August 2025 GMT
ایتھوپین فضائیہ کے کمانڈر لیفٹیننٹ جنرل یلما میرڈاسا نے پاک فضائیہ کے سربراہ ائیر چیف مارشل ظہیر احمد بابر سدھو سے ائیر ہیڈکوارٹرز اسلام آباد میں ملاقات کی۔ ملاقات میں دونوں جانب سے پیشہ ورانہ دلچسپی کے امور پر تفصیلی تبادلہ خیال کیا گیا اور فضائی افواج کے درمیان تعاون مزید بڑھانے کے عزم کا اعادہ کیا گیا۔
پاک فوج کے شعبہ تعلقات عامہ (آئی ایس پی آر) کی جانب سے جاری اعلامیے کے مطابق ائیر ہیڈکوارٹرز پہنچنے پر پاک فضائیہ کے چاق و چوبند دستے نے لیفٹیننٹ جنرل یلما میرڈاسا کو گارڈ آف آنر پیش کیا۔ اس موقع پر ائیر چیف مارشل نے دوطرفہ تعاون خصوصاً مشترکہ تربیتی پروگرامز کے ذریعے شراکت داری کو مزید فروغ دینے کے عزم کا اظہار کیا۔ انہوں نے ایتھوپین فضائیہ کو ہر ممکن تعاون، استعداد کار میں اضافے اور جدید تربیت فراہم کرنے کی یقین دہانی بھی کرائی۔
یہ بھی پڑھیے: پاک فوج میں جدید Z-10ME ہیلی کاپٹر شامل، فیلڈ مارشل عاصم منیر کا ملتان گیریژن کا دورہ
ایتھوپین فضائیہ کے کمانڈر نے پرتپاک استقبال پر شکریہ ادا کرتے ہوئے پاک فضائیہ کی جنگی صلاحیت، ملٹی ڈومین آپریشنز اور جدید ٹیکنالوجی کے استعمال کو سراہا۔ انہوں نے کہا کہ ایتھوپین فضائیہ پاکستان کے تجربات اور ٹیکنالوجی سے استفادہ کرکے اپنی صلاحیتوں کو مزید بہتر بنانا چاہتی ہے۔ انہوں نے بالخصوص ایوی ایشن ٹیکنالوجی کی منتقلی اور جدید مقامی منصوبوں میں تعاون کی خواہش کا اظہار کیا۔
اپنے دورے کے دوران لیفٹیننٹ جنرل یلما میرڈاسا نے نیشنل آئی ایس آر اینڈ انٹیگریٹڈ ائیر آپریشنز سینٹر اور پاک فضائیہ سائبر کمانڈ کا بھی دورہ کیا جہاں انہیں جدید ٹیکنالوجی اور سائبر وارفئیر میں پاک فضائیہ کی پیش رفت پر بریفنگ دی گئی۔
دورہ ائیر ہیڈکوارٹرز اسلام آباد اس امر کی عکاسی کرتا ہے کہ دونوں ممالک اپنے باہمی فوجی تعلقات کو مزید مضبوط بنانے اور تعاون کو فروغ دینے کے لیے پرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایس پی آر ایتھوپین فضائیہ پاک فوج.ذریعہ: WE News
کلیدی لفظ: ا ئی ایس پی ا ر پاک فوج پاک فضائیہ فضائیہ کے
پڑھیں:
صدر مملکت کا دورہ چین کے موقع پر شنگھائی الیکٹرک کے چیئرمین سے ملاقات
اسلام آباد: صدر مملکت آصف علی زرداری نے چین کے سرکاری دورے کے دوران شنگھائی الیکٹرک کے چیئرمین وُو لی سے ملاقات کی جس میں پاکستان کی توانائی ضروریات اور جاری منصوبوں پر تبادلہ خیال کیا گیا۔صدر مملکت کے دورہ چین کے موقع پر صدر مملکت کو کمپنی کے پاکستان میں جاری توانائی منصوبوں پر تفصیلی بریفنگ دی گئی جب کہ صدر زرداری نے پاکستان کی توانائی ضروریات پوری کرنے میں شنگھائی الیکٹرک کے کردار کو سراہا۔آصف علی زرداری نے کہا کہ کمپنی نے نہ صرف بجلی کے منصوبوں کے ذریعے ملک کی ضروریات پوری کیں. بلکہ روزگار کے مواقع فراہم کرنے اور سماجی و معاشی ترقی میں بھی اہم کردار ادا کیا ہے۔صدر مملکت نے شنگھائی الیکٹرک کو پاکستان کے ٹرانسمیشن اور ڈسٹری بیوشن نظام میں سرمایہ کاری کی دعوت دی اور کہا کہ اگر کوئی زیر التوا مسائل ہیں تو انہیں دوستانہ ماحول اور باہمی تعاون کے جذبے کے تحت حل کیا جائے گا۔انہوں نے مزید یقین دہانی کرائی کہ پاکستانی حکومت چینی انجینئرز اور کارکنوں کے لیے محفوظ اور سازگار ماحول یقینی بنانے کے لیے حفاظتی اقدامات کو مزید مضبوط کرے گی۔ملاقات کے دوران تھر میں کوئلہ گیسیفیکیشن پلانٹ کے قیام کے لیے مفاہمتی یادداشت پر بھی دستخط ہوئے۔ یہ منصوبہ تھر کے کوئلے پر مبنی پہلا کوئلہ گیسیفیکیشن اور فرٹیلائزر پراجیکٹ ہوگا جو نہ صرف توانائی کی ضروریات پوری کرے گا بلکہ زرعی شعبے کو بھی سہارا دے گا۔یہ یادداشت ایم ایف ٹی سی کول گیسیفیکیشن کے سی ای او شاہد تواوالا اور سینو سندھ ریسورسز/ شنگھائی الیکٹرک کے سی ای او مسٹر لِن جیگن نے دستخط کی۔صدر مملکت کے ہمراہ خاتونِ اول بی بی آصفہ بھٹو زرداری، چیئرمین پیپلز پارٹی بلاول بھٹو زرداری، سینیٹر سلیم مانڈوی والا، وزیر اطلاعات و ٹرانسپورٹ سندھ شرجیل انعام میمن اور وزیر منصوبہ بندی و توانائی سندھ سید ناصر شاہ بھی موجود تھے جب کہ چین اور پاکستان کے سفراء نے بھی تقریب میں شرکت کی۔
کرینہ کپور کے دلچسپ جواب پر مداحوں میں چہ میگوئیاں