‘کشتی میں بیٹھ کر راوی کا جائزہ لینے کی کیا منطق؟’، مریم نواز نے تنقید کا کیا جواب دیا؟
اشاعت کی تاریخ: 29th, August 2025 GMT
لاہور (نیوز ڈیسک) وزیراعلیٰ پنجاب مریم نواز شریف نے کشتی میں بیٹھ کر دریائے راوی کے سیلابی پانی کا جائزہ لینے پر ہونے والی تنقید کا تفصیلی جواب دے دیا۔
صحافی وجیہ ثانی نے سوشل میڈیا پر تنقیدی سوال اٹھایا تھا کہ مریم نواز اور ان کی ٹیم نے کشتی میں بیٹھ کر معائنہ کیوں کیا؟ اس پر وزیراعلیٰ پنجاب نے کہا کہ یہ دورہ صرف علامتی نہیں بلکہ براہِ راست مشاہدے کے لیے کیا گیا تاکہ عملی مشکلات کو سمجھا جا سکے۔
تنقید برائے تنقید لگے گی؟؟
لیکن مریم نواز اور ٹیم کےکشتی میں بیٹھ کر راوی کے معائنہ کی کیا تُک تھی؟
کوئی عقلمند سمجھادے ۔۔
کوئی اکا دکا ہی ہوگا جو آکر کہے گا بات درست ہے۔
زیادہ تر لوگ اپنے لیڈر کے دفاع میں لگ جائیں گے۔????
— Wajih Sani (@wajih_sani) August 28, 2025
مریم نواز نے اپنے بیان میں کہا کہ اس معائنے کے نتیجے میں کئی اہم کمزوریاں سامنے آئیں جنہیں فوری طور پر درست کرنے کی ہدایت جاری کی گئی ہے۔ ان کے مطابق سیلابی ریسکیو کشتیوں میں وائرلیس نظام موجود نہیں اور یہ صرف موبائل سروس پر انحصار کرتی ہیں جو ہنگامی حالات میں غیر مؤثر ہے۔ اس لیے ہر کشتی میں وائرلیس سسٹم کی تنصیب ناگزیر ہے۔
انہوں نے بتایا کہ اندھیروں میں آپریشن کے لیے ایمرجنسی لائٹس، متاثرین سے رابطے کے لیے لاؤڈ اسپیکر، بنیادی فرسٹ ایڈ کٹس اور خشک راشن کا ہونا لازمی ہے۔ مریم نواز کے مطابق زیادہ تر کشتیوں کے انجن کمزور اور ناکارہ ہیں، جو اوپر کی سمت (upstream) سفر کرنے کی صلاحیت نہیں رکھتے، اس لیے انجنوں کی مرمت اور اپ گریڈیشن فوری ضروری ہے۔
Dear Wajih Bhai,
The outcome of my inspection was the list of following important observations which will now be rectified immediately:
These boats need wireless systems and depend on cellular mobile communication, which is unreliable during rescue and emergency situations.
— Maryam Nawaz Sharif (@MaryamNSharif) August 28, 2025
وزیراعلیٰ پنجاب نے کہا کہ ایک چیف ایگزیکٹو کی حیثیت سے براہِ راست حالات دیکھنا ضروری ہے کیونکہ دفتر میں بیٹھ کر کیے گئے فیصلے کبھی بھی زمینی حقائق کا متبادل نہیں ہو سکتے۔ انہوں نے کہا کہ یہ دورہ عوامی مشکلات کو سمجھنے اور ان کے تدارک کے لیے کیا گیا۔
ذریعہ
ذریعہ: Daily Mumtaz
کلیدی لفظ: کشتی میں بیٹھ کر مریم نواز کہا کہ کے لیے
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم